<p>O deyib ki, yubileyə gələcək qonaqlarla bağlı gecə də nümayiş olunacaq. “Rəsmi və bədii hissənin keçiriləcəyi haqda müzakirələr davam edir”,- deyə o əlavə edib. Jalə Cəfərova bir xoş xəbəri də paylaşdı: “Belə ki, qazax şairi və tərcüməçisi Gülnara Rahimcan xanım Cavad Cavadlının şeinə bəsdələdiyi mahnıyla iştirak edəcək. Layihə davam edir”.</p>
<p><img alt="" src="https://www.mustaqil.az/wp-content/uploads/2026/09/WhatsAeeeeepp-Image-2026-09-02-at-08.30.52-450x600.jpeg" style="height:600px; width:450px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-02-agggt-08.30.51-450x600.jpeg" style="height:600px; width:450px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-02-at-08.30.51-338x600.jpeg" style="height:600px; width:338px" /> <img alt="" src="https://www.mustaqil.az/wp-content/uploads/2026/09/WhatsApp-Image-rrrr2026-09-02-at-08.30.52-450x600.jpeg" style="height:600px; width:450px" /> <img alt="" src="https://www.mustaqil.az/wp-content/uploads/2026/09/WhatsApp-Imxxxage-2026-09-02-at-08.30.51-450x600.jpeg" style="height:600px; width:450px" /> <img alt="" src="https://www.mustaqil.az/wp-content/uploads/2026/09/WhatsAqqqqpp-Image-2026-09-02-at-08.30.51-450x600.jpeg" style="height:600px; width:450px" /></p>
]]><p><img alt="" src="https://planetinfo.az/uploads/posts/2026-08/1788157119_whatsapp-image-2026-08-03-at-15_34_43.jpeg" /></p>
<p><br /> <strong>Sabirin irsinin gələcək nəsillərə ötürdüyü mühüm mesajlar</strong><br /> [i][/i] Gənc nəslin Sabir irsi ilə daha yaxından tanış olması üçün ənənəvi tədris üsulları ilə yanaşı, müasir yanaşmalardan da istifadə edilməlidir. Sabirin əsərləri yalnız əzbərlədilməməli, onların məzmunu və qaldırdığı problemlər gənclərin gündəlik həyatı ilə əlaqələndirilməlidir. Məktəblərdə və universitetlərdə Sabir yaradıcılığına həsr olunmuş debatlar, səhnəciklər, müzakirələr və layihələr təşkil etmək səmərəli ola bilər. Sosial şəbəkələr üçün qısa videolar, animasiyalar, podkastlar və vizual materiallar hazırlamaq da gənclərin marağını artıra bilər. Ən əsası isə gənclərə Sabirin əsərlərindəki problemlərin bu gün hansı formada mövcud olduğunu araşdırmaq imkanı verilməlidir. Sabir irsi keçmişdən qalan bir ədəbi nümunə deyil, canlı düşüncə məktəbi kimi təqdim olunar. Bu baxımdan həmsöhbətimiz Gülarə Munisin qeyd edirik, Sabirin öz zəmanəsində cəmiyyətdə baş verənlərə biganə qala bilməməsi onun bütün yaradıcılığında bariz şəkilkdə qələmə alınıb: “Onun təkcə “Hophopnamə” əsəri Azərbaycan realist poeziyasının zirvəsidir desək, səhv etmərik. Sabirin satirik əsərləri təkcə güldürmür, bu əsərlər düşündürür və acı-acı ağladır. Çox təəssüf ki, indi efirlərdə belə söz sahibləri, dahilərin yaradıcılığı, onların əsərləri barədə heç bir verilişə rast gəlmirik. Mənim xatirimdədir orta məktəbdə oxuyarkən televiziyada arabir şair və yazıçıların yaradıcılığı barədə verilişlər təqdim olunurdu. M. Ə. Sabirin doğum və anım günləri ərəfəsində “Sabir poeziya günləri” adı altında silsilə verilişlər olurdu, həmin verilişlərdə müəlliflərin yaradıcılığı barədə məlumatlar verilir, əsərlərindən səhnələşdirilmiş parçalar təqdim olunurdu. Amma indi nədənsə gəncləri başqa səmtə yönəldən verilişlərə daha çox yer ayrılır. Mən əminəm ki, cəmiyyətin gur yerində sosial sorğu keçirilsə Sabirin əsərlərindən nümunə gətirə bilən çox az gənc tapılar...Dahi Sabirin yaradıcılığı barədə geniş məlumatlar və əsərlərindən numunələr dərsliklərdə yer almalıdır”.<br /> Sabirin irsi gələcək nəsillərə bir neçə mühüm mesaj ötürür: cahillikdən uzaq olmaq, elm və təhsilə dəyər vermək, ədalətsizliyə qarşı laqeyd qalmamaq, cəmiyyətin problemlərinə tənqidi yanaşmaq və insan kimi mənəvi məsuliyyət daşımaq. Gülarə Munisin bildirib ki, Sabirin irsi, onun dahiyanə fikirləri, fəlsəfi xarakterli əsərləri, satirik şeirləri böyükdən kiçiyə hamı üçün bir mesajdır: “Bu günün gəncliyi, böyüməkdə olan nəsillər Sabirin hansı zəka sahibi olduğunu bilmək üçün onun yaradıcılığına mütəmadi müraciət etməlidir. Sabirin dili sadədir, asan qavranılandır, başa düşüləndir, onun ən acı satirasında belə bir şirinlik var, sadəcə o məqamı tutmaq lazımdır.Cəmiyyətdə elə bir təbəqə yoxdur ki, Sabir o təbəqəyə öz söz “töhfəsini” çatdırmasın”. Sabirin gülüşü sadəcə əyləndirmək məqsədi daşımırdı; onun gülüşünün arxasında cəmiyyətin dəyişməsi arzusu dayanırdı. Şair insanları öz qüsurlarını görməyə və daha yaxşı gələcək qurmağa səsləyirdi.<br /> Mirzə Ələkbər Sabirin yaradıcılığı zaman keçdikcə öz əhəmiyyətini itirməyən böyük mənəvi sərvətdir. Onun tənqid etdiyi problemlərin bir qisminin bu gün də mövcud olması Sabirin cəmiyyət haqqında müşahidələrinin nə qədər dərin və uzaqgörən olduğunu göstərir. “Sabirin sözü, zamanın gözü” ifadəsi də məhz bu həqiqəti əks etdirir: Sabirin sözü keçmişi xatırlatmaqla yanaşı, bu günümüzə baxmağa və gələcəyimizi daha düzgün qurmağa çağırır. Onun irsini yaşatmaq isə yalnız əsərlərini oxumaq deyil, Sabirin müdafiə etdiyi elm, düşüncə, ədalət və tərəqqi dəyərlərini gündəlik həyatımızda yaşatmaqdır.<br /> <br /> <strong>Fuad Hüseynzadə<br /> Yazı Mirzə Ələkbər Sabir Fondunun Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirdiyi “Sabirin sözü, zamanın gözü” layihəsi çərçivəsində hazırlanıb. Məqalədə qeyd olunan fikir və mülahizələr müəllifə aiddir və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin rəsmi mövqeyini əks etdirməyə bilər.</strong></p>
]]><p><span style="font-size:14.0pt"><span style="font-family:"Times New Roman",serif">Layihə 01 iyun – 30 avqust 2026-cı il tarixlərini əhatə etməklə Bakı şəhərində üç ay müddətində həyata keçirilib. Layihənin əsas məqsədi müxtəlif yaş qruplarından olan uşaqların psixoloji rifahını gücləndirmək, emosional dayanıqlığını artırmaq, özünəinam hissini formalaşdırmaq, sağlam ünsiyyət bacarıqlarını inkişaf etdirmək və onların sosial mühitə uğurla uyğunlaşmalarına dəstək vermək olub.</span></span></p>
<p><span style="font-size:14.0pt"><span style="font-family:"Times New Roman",serif">Layihə çərçivəsində uşaqların psixoloji sağlamlığının qorunması, onların sağlam düşüncəli, özünə güvənən və məsuliyyətli fərdlər kimi formalaşmasına töhfə vermək əsas prioritetlərdən biri kimi müəyyən edilib. Proqram müddətində uşaqların yaş xüsusiyyətlərinə uyğun hazırlanmış təlim modulları əsasında interaktiv məşğələlər, psixoloji inkişaf sessiyaları, qrup oyunları, yaradıcı fəaliyyətlər, art-terapiya elementləri və praktiki tapşırıqlar təşkil olunub. Təlimlər zamanı uşaqlara öz emosiyalarını tanımaq və düzgün ifadə etmək, stress və narahatlıqla mübarizə aparmaq, münaqişələrin sülh yolu ilə həlli, komanda işi, qarşılıqlı hörmət və empatiya kimi vacib sosial bacarıqlar aşılanıb.</span></span></p>
<p><span style="font-size:14.0pt"><span style="font-family:"Times New Roman",serif">Layihə çərçivəsində həmçinin aqressiv davranışların qarşısının alınması, sağlam ünsiyyətin təşviqi, özünüqiymətləndirmənin yüksəldilməsi, liderlik keyfiyyətlərinin inkişafı, məsuliyyət hissinin formalaşdırılması və müsbət davranış modellərinin mənimsədilməsi istiqamətində müxtəlif maarifləndirici tədbirlər keçirilib. Məşğələlər zamanı uşaqların fəal iştirakı təmin olunub, onların fikir və təşəbbüslərinə xüsusi önəm verilib. Bu yanaşma iştirakçıların həm fərdi inkişafına, həm də sosial bacarıqlarının möhkəmlənməsinə müsbət təsir göstərib.</span></span></p>
<p><span style="font-size:14.0pt"><span style="font-family:"Times New Roman",serif">Layihə rəhbəri <strong>Leyla Rəcəbzadə</strong> bildirib ki, layihənin əsas məqsədi uşaqların yalnız bu gününü deyil, gələcəyini də düşünərək onların sağlam psixoloji inkişafına töhfə vermək olub:</span></span></p>
<p><span style="font-size:14.0pt"><span style="font-family:"Times New Roman",serif">"Üç ay ərzində həyata keçirilən proqram göstərdi ki, uşaqlarla sistemli və peşəkar şəkildə aparılan psixoloji inkişaf məşğələləri onların emosional vəziyyətinə, davranışına və sosial münasibətlərinə əhəmiyyətli dərəcədə müsbət təsir göstərir. İştirakçılar öz hisslərini daha rahat ifadə etməyə, problemləri dialoq yolu ilə həll etməyə, özlərinə inanmağa və komanda daxilində əməkdaşlıq etməyə başladılar. Bu nəticələr bizim üçün böyük motivasiya və gələcək fəaliyyətimiz üçün mühüm təcrübədir."</span></span></p>
<p><span style="font-size:14.0pt"><span style="font-family:"Times New Roman",serif">Leyla Rəcəbzadə qeyd edib ki, layihə çərçivəsində əldə olunan müsbət nəticələr gələcəkdə bu istiqamətdə daha genişmiqyaslı proqramların hazırlanması üçün möhkəm əsas yaradıb. Onun sözlərinə görə, uşaqların psixoloji sağlamlığının qorunması və emosional inkişafının dəstəklənməsi cəmiyyətin gələcək rifahı baxımından xüsusi əhəmiyyət daşıyır və bu istiqamətdə həyata keçirilən layihələrin davamlı olması vacibdir.Təlimlərdə və psixoloji inkişaf proqramlarında iştirak edən uşaqlarda özünəinamın artması, ünsiyyət bacarıqlarının inkişaf etməsi, aqressiv davranışların azalması, emosiyaların idarə olunması və sosial adaptasiya səviyyəsinin yüksəlməsi müşahidə olunub. İştirakçıların və valideynlərin rəyləri layihənin qarşıya qoyduğu məqsədlərə uğurla nail olduğunu bir daha təsdiqləyib.</span></span></p>
<p><span style="font-size:14.0pt"><span style="font-family:"Times New Roman",serif">“Azərbaycan Milli İnkişaf Layihəsi” İctimai Birliyi gələcəkdə də uşaqların sağlam inkişafına, psixoloji rifahının gücləndirilməsinə və ailələrin maarifləndirilməsinə yönəlmiş sosial əhəmiyyətli layihələrin həyata keçirilməsini davam etdirməyi planlaşdırır.</span></span></p>
<p> </p>
]]><p><strong>Diaspornews.az</strong> xəbər verir ki, görüş zamanı Diaspor Fəaliyyətinə Jurnalistlərin Dəstəyi İctimai Birliyi tərəfindən professor Albert Burhanova xalqlar arasında dostluq və qarşılıqlı əlaqələrin möhkəmləndirilməsinə verdiyi töhfələrə görə təşəkkürnamə təqdim olunub.</p>
<p><img alt="" src="https://dunyaxeber.tv/wp-content/uploads/2026/08/1WhatsApp-Image-2026-08-27-at-09.30.52.jpeg" style="height:960px; width:1280px" /></p>
<p>Tədbirdə professor Albert Burhanovun elmi və ictimai fəaliyyəti, Azərbaycan-tatar əlaqələrinin inkişafında oynadığı rol və türk dünyasının ortaq tarixi-mədəni irsinin araşdırılması istiqamətində gördüyü işlər yüksək qiymətləndirilib.</p>
<p><img alt="" src="https://newscenter.az/uploads/posts/2026-08/img-20260827-wa0004.jpg" /></p>
<p>Görüşdə, həmçinin professor Albert Burhanovun 70 illik yubileyi münasibətilə ona xüsusi hazırlanmış hədiyyələr təqdim edilib. Yubilyara üzərində öz portreti əks olunan xalça və xüsusi hazırlanmış nərd dəsti bağışlanıb.</p>
<p>Professor Albert Burhanov göstərilən diqqətə və yüksək qiymətə görə təşəkkürünü bildirib. O, Azərbaycanla Tatarıstan və ümumilikdə türk dünyası arasında tarixi-mədəni əlaqələrin daha da inkişaf etdirilməsinin vacibliyini vurğulayıb.</p>
<p><img alt="" src="https://newscenter.az/uploads/posts/2026-08/img-20260827-wa0005.jpg" /></p>
<p>Albert Burhanov, həmçinin Azərbaycan icmasının Tatarıstanda Azərbaycan-Tatarıstan əlaqələrinin inkişafına, xalqlar arasında dostluq münasibətlərinin möhkəmlənməsinə və qarşılıqlı mədəni əməkdaşlığın genişlənməsinə verdiyi töhfələri qeyd edib.</p>
<p><img alt="" src="https://newscenter.az/uploads/posts/2026-08/img-20260827-wa0007.jpg" /></p>
<p>Qeyd edək ki, Albert Burhanov uzun illərdir tarix, arxeologiya, şərqşünaslıq və diyarşünaslıq sahələrində elmi-tədqiqat fəaliyyəti ilə məşğul olur. O, tatar xalqının tarixi və mədəni irsinin öyrənilməsi, qorunması və təbliği istiqamətində mühüm araşdırmaların müəllifidir.</p>
<p> <img alt="" src="https://dunyaxeber.tv/wp-content/uploads/2026/08/WeeehatsApp-Image-2026-08-27-at-09.31.45.jpeg" style="height:960px; width:1280px" /> <img alt="" src="https://dunyaxeber.tv/wp-content/uploads/2026/08/WhatsApp-Image-2026-08-27-at-09.30.52.jpeg" style="height:960px; width:1280px" /></p>
]]><p><img alt="" src="https://www.mustaqil.az/wp-content/uploads/2026/08/WhatsApp-Image-2026-08-26-at-22.07.54-364x600.jpeg" style="height:600px; width:364px" /></p>
<p><img alt="" src="https://www.mustaqil.az/wp-content/uploads/2026/08/2WhatsApp-Image-2026-08-26-at-22.07.54-379x600.jpeg" style="height:600px; width:379px" /></p>
<p><img alt="" src="https://www.mustaqil.az/wp-content/uploads/2026/08/WzzzhatsApp-Image-2026-08-26-at-22.07.55-367x600.jpeg" style="height:600px; width:367px" /> <img alt="" src="https://www.mustaqil.az/wp-content/uploads/2026/08/4WhatsApp-Image-2026-08-26-at-22.07.54-450x600.jpeg" style="height:600px; width:450px" /> <img alt="" src="https://www.mustaqil.az/wp-content/uploads/2026/08/44WhatsApp-Image-2026-08-26-at-22.07.54-450x600.jpeg" style="height:600px; width:450px" /> <img alt="" src="https://www.mustaqil.az/wp-content/uploads/2026/08/rrrWhatsApp-Image-2026-08-26-at-22.07.55-470x600.jpeg" style="height:600px; width:470px" /> <img alt="" src="https://www.mustaqil.az/wp-content/uploads/2026/08/WhatsApccp-Image-2026-08-26-at-22.07.55-338x600.jpeg" style="height:600px; width:338px" /> <img alt="" src="https://www.mustaqil.az/wp-content/uploads/2026/08/WhatsApp-Iffmage-2026-08-26-at-22.07.55-600x450.jpeg" style="height:450px; width:600px" /> <img alt="" src="https://www.mustaqil.az/wp-content/uploads/2026/08/WhatsApp-Image-2vv026-08-26-at-22.07.55-600x450.jpeg" style="height:450px; width:600px" /> <img alt="" src="https://www.mustaqil.az/wp-content/uploads/2026/08/WxxhatsApp-Image-2026-08-26-at-22.07.55-600x450.jpeg" style="height:450px; width:600px" /> </p>
]]><p> Bu gün Laçın azadlığın, qayıdışın və yenidən dirçəlişin rəmzidir. İşğal illərinin ağır izlərini geridə qoyan şəhərdə genişmiqyaslı quruculuq işləri aparılır, keçmiş məcburi köçkünlərin doğma yurdlarına qayıdışı təmin edilir. Prezident İlham Əliyevin Laçına ardıcıl səfərləri, burada həyata keçirilən layihələrin təməlini qoyması və açılışlarda iştirakı şəhərin Azərbaycanın gələcək inkişafında xüsusi yer tutduğunu göstərir. 26 Avqust – Laçın Şəhəri Günü məhz bu tarixi qayıdışın və tarixi ədalətin təntənəsini təcəssüm etdirir.</p>
<p>26 avqust Azərbaycan xalqının yaddaşında xüsusi tarixi və mənəvi məna daşıyan günlərdəndir. Bu tarix Laçın şəhərinin işğaldan azad edilərək Azərbaycanın dövlət suverenliyinin bərpa olunduğu gün kimi qeyd edilir. 26 Avqust – Laçın Şəhəri Günü həm tarixi ədalətin bərpasının, həm də doğma torpaqlara Böyük Qayıdışın rəmzidir.</p>
<p>Laçının tarixi Azərbaycan dövlətçiliyi və xalqımızın milli-mədəni irsi ilə sıx bağlıdır. 1923-cü ilədək Abdallar adlanan yaşayış məntəqəsi Laçın adı ilə tanınmağa başlamış, 1930-cu ildə isə Laçın rayonu inzibati ərazi vahidi kimi təşkil edilmişdir. Laçın zəngin təbiəti, dağlıq landşaftı, mineral bulaqları, faydalı qazıntıları və qədim tarix-mədəniyyət abidələri ilə Azərbaycanın seçilən bölgələrindən biridir.</p>
<p>1992-ci ilin mayında Laçın rayonunun işğalı Azərbaycan üçün ağır faciə oldu. Laçının işğalı Ermənistanla keçmiş Dağlıq Qarabağ Muxtar Vilayəti arasında coğrafi bağlantının yaranmasına səbəb olmuşdu. Sonrakı illərdə rayonun yaşayış məntəqələri dağıdıldı, tarixi-mədəni irsinə ciddi ziyan vuruldu, ərazinin təbii sərvətləri talan edildi. Azərbaycan Prezidenti İlham Əliyev də Laçının işğalının həmin dövrün siyasi hadisələri kontekstində xüsusi məna daşıdığını vurğulayıb və Laçının ermənilərə təhvil verilməsinin arxasında siyasi niyyətlərin dayandığını bildirib.</p>
<p>2020-ci ildə 44 günlük Vətən müharibəsində Azərbaycanın qazandığı tarixi Qələbə Laçının taleyində də dönüş nöqtəsi yaratdı. 10 noyabr 2020-ci il tarixli üçtərəfli bəyanata əsasən, Laçın rayonunun 1 dekabr 2020-ci ilədək Azərbaycana qaytarılması nəzərdə tutulmuşdu. Nəticədə həmin tarixdə Laçın rayonu Azərbaycana qaytarıldı. Lakin Laçın şəhəri, eləcə də Zabux və Sus kəndləri həmin mərhələdə Azərbaycanın nəzarətinə keçməmişdi. Bu məsələnin həlli üçün Laçın şəhərindən yan keçən yeni avtomobil yolunun çəkilməsi mühüm addım oldu. Prezident İlham Əliyevin sözlərinə görə, razılaşmada yeni yolun çəkilməsi ilə bağlı daha uzun müddət nəzərdə tutulsa da, Azərbaycan layihəni daha qısa müddətdə həyata keçirdi. Nəhayət, 26 avqust 2022-ci ildə Azərbaycan Ordusu Laçın şəhərinə, Zabux və Sus kəndlərinə daxil oldu. Beləliklə, Laçın rayonunun bütövlükdə Azərbaycanın nəzarətinə keçməsi təmin edildi. Prezident İlham Əliyevin sərəncamı ilə 26 avqust Laçın Şəhəri Günü kimi təsis edildi. Bu hadisə yalnız hərbi-siyasi qələbə deyil, həm də uzun illər doğma yurd həsrəti ilə yaşayan laçınlıların arzusunun gerçəkləşməsi idi. 30 ildən artıq davam edən ayrılıqdan sonra Azərbaycan bayrağı Laçın şəhərinin mərkəzində yenidən ucaldıldı.</p>
<p>Laçının azad edilməsindən sonra Prezident İlham Əliyevin bu qədim şəhərə səfərləri onun rayonun bərpası və inkişafına verdiyi xüsusi əhəmiyyətin göstəricisinə çevrilib. Azadlıqdan sonra Prezidentin Laçına ilk səfərlərindən biri 2022-ci ilin sentyabrında baş tutdu. Dövlət başçısı şəhərdə Azərbaycan Bayrağını ucaltdı və Laçının gələcəkdə əbədi olaraq Azərbaycanın tərkibində yaşayacağını bəyan etdi. Bu səfər həm siyasi, həm də mənəvi baxımdan böyük rəmzi əhəmiyyət</p>
<p>2023-cü il mayın 27-də Prezident İlham Əliyev Laçın şəhərinə qayıdan sakinlərlə görüşərək onlara yeni mənzillərin açarlarını təqdim etdi. Bununla Laçında Böyük Qayıdışın mühüm mərhələsi başlandı. Keçmiş məcburi köçkünlərin öz doğma şəhərlərinə qayıtması Laçının yalnız fiziki olaraq deyil, sosial və demoqrafik baxımdan da dirçəlməsinin əsas göstəricilərindən biri oldu.</p>
<p>Laçının inkişafında iqtisadi layihələr də mühüm yer tutur. Yeni istehsal müəssisələrinin, enerji obyektlərinin, turizm infrastrukturunun yaradılması rayonun iqtisadi potensialının üzə çıxarılmasına xidmət edir. Laçının təbii gözəllikləri, dağları, meşələri, bulaqları və tarixi abidələri onun gələcəkdə Azərbaycanın mühüm turizm mərkəzlərindən birinə çevrilməsi üçün böyük imkanlar yaradır.</p>
<p>Bu gün Laçın yalnız azad edilmiş ərazi kimi deyil, sürətlə yenidən qurulan və gələcəyə istiqamətlənən müasir şəhər kimi formalaşır. Şəhərdə yaşayış binaları, sosial obyektlər, yollar, mühəndis-kommunikasiya sistemləri və digər infrastruktur yenidən qurulur. 2023-cü il mayın 27-dən etibarən keçmiş məcburi köçkünlərin Laçın şəhərinə qayıdışı başlayıb və bu proses davam edir.</p>
<p> </p>
<p><strong>Rüstəmova Aybəniz Vilayət qızı, Avrasiya universitetinin Humanitar fənlər və regionşünaslıq kafedrasının müdiri, tarix üzrə fəlsəfə doktoru, dosent</strong></p>
]]><p style="text-align:justify"><span style="font-size:12.0pt"><span style="font-family:"Arial",sans-serif">Dövlət səfəri çərçivəsində Azərbaycan və Özbəkistan rəhbərlərinin keçirdiyi görüşlər iki ölkə arasında mövcud münasibətlərin yüksək səviyyəsini bir daha nümayiş etdirdi. Qarşılıqlı etimad, dostluq və qardaşlıq prinsiplərinə əsaslanan Azərbaycan-Özbəkistan münasibətləri son illərdə sürətlə inkişaf edərək çoxşaxəli əməkdaşlıq modelinə çevrilib.</span></span></p>
<p style="text-align:justify"><span style="font-size:12.0pt"><span style="font-family:"Arial",sans-serif">Azərbaycanla Özbəkistan arasında mövcud əlaqələr ikitərəfli əməkdaşlıqla yanaşı, Mərkəzi Asiya ilə Cənubi Qafqaz və Avropanı birləşdirəcək geosiyasi və geoiqtisadi proses kimi qiymətləndirilir. Bununla da Azərbaycan coğrafi cəhətdən Cənubi Qafqazda yerləşməsinə baxmayaraq, Mərkəzi Asiya regionunun da bir hissəsi kimi qəbul edilir.</span></span></p>
<p style="text-align:justify"><span style="font-size:12.0pt"><span style="font-family:"Arial",sans-serif">Xüsusilə qeyd etmək lazımdır ki, münasibətlərin qardaşlıq və strateji müttəfiqlik səviyyəsinə yüksəlməsində Prezident İlham Əliyev və Prezident Şavkat Mirziyoyev arasındakı səmimi dostluq və etimad mühüm rol oynayır. İki dövlətin liderləri arasında olan bu münasibət dövlətlərimiz və xalqlarımız arasında əlaqələrin inkişafına da böyük təkan verir. </span></span></p>
<p style="text-align:justify"><span style="font-size:12.0pt"><span style="font-family:"Arial",sans-serif">Səfər zamanı Prezident cənab İlham Əliyev mətbuata bəyanatla çıxışında iki dövlət arasında enerji, nəqliyyat, bank sektoru, avtomobil sənayesi, turizm və bir sıra digər sahələrdə əməkdaşlığın daha da genişləndiriləcəyini vurğuladı. Azərbaycanla Özbəkistan arasında ticarət dövriyyəsinin yaxın vaxtlarda 1 milyard dollara çatdırılması barədə qərar olduqca önəmli bir addımdır. SOCAR-ın Özbəkistanda yeni layihələrdə iştirakının artırılmasını da xüsusi qeyd etmək lazımdır, eyni zamanda enerji sahəsində əməkdaşlıq da olduqca əhəmiyyətli addımdır. Azərbaycanla Özbəkistan arasında neft-qaz kəşfiyyat layihələrinin son mərhələyə çatması olduqca strateji bir hadisədir və gələn il istismar quyularının qazılması haqqında qərar iki dövlət arasında enerji əməkdaşlığının mühüm göstəricisidir. Bu, həm də Azərbaycanın Mərkəzi Asiya dövlətləri ilə enerji əlaqələrinin dərinləşməsinə böyük töhfə verəcəkdir. </span></span></p>
<p style="text-align:justify"><span style="font-size:12.0pt"><span style="font-family:"Arial",sans-serif">Qarabağın bərpasında Azərbaycan-Özbəkistanın əməkdaşlığı da bu regional yanaşmanın mühüm nümunəsidir. Füzulidə Mirzə Uluqbəy adına məktəbin inşası və Xankəndidə həyata keçirilən investisiya layihələri iki ölkə arasındakı siyasi həmrəyliyin iqtisadi və sosial təşəbbüslərdə təcəssümüdür. Qarabağda reallaşdırılan bu layihələr Azərbaycan-Özbəkistan münasibətlərinin yalnız ikitərəfli xarakter daşımadığını, eyni zamanda, Türk dünyası ölkələrinin respublikamızın ərazi bütövlüyünün bərpasından sonra regionun inkişafında fəal iştirak etdiyini göstərir.</span></span></p>
<p style="text-align:justify"><span style="font-size:12.0pt"><span style="font-family:"Arial",sans-serif">Bir sözlə, Azərbaycanla Özbəkistan arasında sıx siyasi-iqtisadi, eləcə də qardaşlıq əlaqələri iki dövlətlə yanaşı, Türk dünyasının inteqrasiyasına böyük təkan verir.</span></span></p>
<p style="text-align:justify"> </p>
<p style="text-align:justify"> </p>
<p style="text-align:justify"><strong><span style="font-size:14.0pt"><span style="font-family:"Times New Roman",serif">Elxan Quliyev, əməkdar müəllim </span></span></strong></p>
<p style="text-align:justify"> </p>
]]><p> Azərbaycan və Özbəkistan arasında əsrlərin sınağından keçmiş tarixi, mədəni və mənəvi bağlar müasir dövrdə strateji tərəfdaşlıq və müttəfiqlik münasibətləri ilə daha da möhkəmlənir. Ortaq türk kökləri, zəngin mədəni irs, qarşılıqlı siyasi etimad və dövlət başçılarının iradəsi iki ölkə arasında əlaqələrin bütün istiqamətlərdə dinamik inkişafına geniş imkanlar açır. Bu gün Bakı ilə Daşkənd arasındakı münasibətlər yalnız ikitərəfli əməkdaşlıq çərçivəsində deyil, Mərkəzi Asiya ilə Cənubi Qafqaz arasında siyasi, iqtisadi, nəqliyyat və humanitar əlaqələrin gücləndirilməsi baxımından da mühüm əhəmiyyət daşıyır. Azərbaycan Respublikasının Prezidenti İlham Əliyevin 23 avqust 2026-cı ildə Özbəkistana dövlət səfəri bu münasibətlərin inkişafında növbəti mühüm mərhələ oldu.</p>
<p> Azərbaycan və Özbəkistanın strateji əməkdaşlığının digər mühüm istiqaməti nəqliyyat və tranzit sahəsidir. Mərkəzi Asiyanı Cənubi Qafqaz və Avropa ilə birləşdirən Trans-Xəzər Beynəlxalq Nəqliyyat Marşrutunun – Orta Dəhlizin imkanlarının genişləndirilməsi hər iki ölkənin maraqlarına cavab verir. Tərəflər Xəzər dənizində birgə donanmanın yaradılması üzrə işi sürətləndirmək barədə razılığa gəliblər. Müasir beynəlxalq münasibətlər sistemində geosiyasi və geoiqtisadi proseslərin sürətlə dəyişdiyi bir vaxtda Mərkəzi Asiya ilə Cənubi Qafqaz arasında əlaqələrin möhkəmləndirilməsi xüsusi əhəmiyyət kəsb edir. Bu baxımdan Azərbaycan və Mərkəzi Asiya dövlətləri arasında son illərdə yaranmış yeni əməkdaşlıq modeli yalnız ayrı-ayrı ölkələrin ikitərəfli münasibətləri ilə məhdudlaşmır, daha geniş regional inteqrasiya proseslərinin əsasını formalaşdırır. Prezident İlham Əliyevin səsləndirdiyi fikir də məhz bu reallığı ifadə edir: “Mərkəzi Asiya və Azərbaycan böyük potensiala, eyni zamanda, bundan da böyük inkişaf imkanlarına malik vahid geosiyasi və geoiqtisadi regiondur”. Bu yanaşma Azərbaycan və Mərkəzi Asiyanın qarşılıqlı əlaqələrinə yeni baxışın formalaşdığını göstərir. Prezident İlham Əliyevin fikrincə, artıq kifayət qədər inteqrasiya olunmuş bu regionun gələcək inkişafında Azərbaycan–Özbəkistan münasibətləri xüsusi rol oynayır. Səfər çərçivəsində Daşkənddə Azərbaycan və Özbəkistan Ali Dövlətlərarası Şurasının 3-cü iclasının keçirilməsi, mühüm sənədlərin imzalanması və müxtəlif sahələr üzrə yeni layihələrin müəyyənləşdirilməsi də bu strateji yanaşmanın praktiki ifadəsi oldu.</p>
<p> Azərbaycan–Özbəkistan münasibətlərinin mühüm dayaqlarından biri də xalqlar arasında tarixi-mədəni yaxınlıqdır. Səfər çərçivəsində bu istiqamətdə də bir sıra mühüm təşəbbüslər irəli sürüldü. Daşkənddə Nizami Gəncəvi adına Milli Pedaqoji Universitetin yeni binasının açılışında Prezident İlham Əliyev və Prezident Şavkat Mirziyoyev iştirak etdilər. Yeni Daşkənddə “Azərbaycan” parkının təməlinin qoyulması da iki xalqın dostluğunun simvolik ifadəsi kimi qiymətləndirilə bilər. Azərbaycan və Özbəkistanın böyük klassikləri Nizami Gəncəvi və Əlişir Nəvainin irsinin təbliği də xüsusi diqqət mərkəzində oldu. İki böyük şairin yaradıcılığına həsr olunmuş birgə bədii filmin hazırlanması barədə razılıq əldə edildi. Bundan əlavə, qarşılıqlı Mədəniyyət Günlərinin keçirilməsi, universitet rektorlarının forumlarının davam etdirilməsi və gənclər arasında əlaqələrin genişləndirilməsi nəzərdə tutulur. Bu təşəbbüslər göstərir ki, Azərbaycan və Özbəkistan münasibətləri yalnız dövlətlər və hökumətlər səviyyəsində deyil, xalqlar, şəhərlər, universitetlər, gənclər və yaradıcı insanlar arasında da dərinləşir.</p>
<p> Gənclər və idman sahəsində əməkdaşlıq da yeni mərhələyə qədəm qoyur. Azərbaycan və Özbəkistan gələn il gənclər arasında futbol üzrə dünya çempionatına birlikdə ev sahibliyi edəcəklər. Bu mühüm beynəlxalq idman tədbiri ətrafında “İki ölkə – bir çempionat” adlı genişmiqyaslı proqramın həyata keçirilməsi təklif olunub. Bu təşəbbüs idmanı yalnız yarış meydanı kimi deyil, iki ölkənin gəncləri arasında dostluğun və qarşılıqlı ünsiyyətin möhkəmləndirilməsi vasitəsi kimi nəzərdən keçirir. Eyni zamanda Azərbaycan–Özbəkistan İdman Oyunlarının yaradılması ideyası da irəli sürülüb. Səfərin daha geniş geosiyasi əhəmiyyəti də var.</p>
<p> Azərbaycan–Özbəkistan münasibətlərinin mühüm xüsusiyyətlərindən biri də Qarabağın və Şərqi Zəngəzurun bərpasında Özbəkistanın fəal iştirakıdır. Prezident İlham Əliyev Şavkat Mirziyoyevin Qarabağa investisiyaların cəlb edilməsində xüsusi rolunu qeyd etdi. Özbəkistan tərəfindən Füzulidə Mirzə Uluqbəy adına 960 şagird yerlik məktəbin tikilməsi, Xankəndidə tikiş fabrikinə investisiya qoyulması və digər layihələr iki ölkə arasındakı qardaşlıq münasibətlərinin konkret əməli nümunələridir. Bu əməkdaşlıq Azərbaycan üçün yalnız iqtisadi əhəmiyyət daşımır. Qarabağın və Şərqi Zəngəzurun yenidən qurulmasında dost və qardaş dövlətlərin iştirakı həmrəylik və qarşılıqlı etimadın mühüm göstəricisidir.</p>
<p> 23 avqust 2026-cı il səfərinin nəticələri göstərir ki, Azərbaycan və Özbəkistan artıq yalnız “qardaş ölkələr” adlandırılan dövlətlər deyil, bu qardaşlığı real layihələr, qarşılıqlı sərmayələr, ortaq təşəbbüslər və uzunmüddətli strateji qərarlarla möhkəmləndirən tərəfdaşlardır. Daşkənddə imzalanan sənədlər və əldə olunan razılaşmalar isə bu münasibətlərin növbəti illərdə daha da dərinləşməsi üçün möhkəm hüquqi və praktiki baza yaradır. </p>
<p><strong> </strong></p>
<p><strong>Qasımov Səyavuş Kamran oğlu, Avrasiya Universitetinin rektoru, siyasi elmlər üzrə fəlsəfə doktoru, dosent</strong></p>
<p> </p>
]]><p>Yaşasın Laçın! Yaşasın Azərbaycan!”.</p>
<p>1930-cu il avqustun 8-də təşkil edilən Laçın rayonunun mərkəzi Laçın şəhəridir. 1923-cü ildə Abdallar kənd yaşayış məntəqəsi Laçın adlandırılıb və şəhər statusu alıb.</p>
<p>Xatırladaq ki, Laçın rayonu (1 şəhər, 1 qəsəbə və 125 kəndi) 1992-ci il mayın 18-də Ermənistan tərəfindən işğal edilmişdir. Həmin dövrdə respublikamızın daxilində ictimai-siyasi böhran, anarxiya hökm sürürdü. Müəyyən qüvvələr hakimiyyət uğrunda mübarizə aparırdı və bu prosesdə Azərbaycan Xalq Cəbhəsi əsas rol oynayırdı. Belə bir şəraitdə torpaqlarımızın düşməndən qorunması həmin qüvvələri düşündürmürdü. Onlar üçün əsas məqsəd hakimiyyətə gəlmək idi. Beləliklə, 1992-ci il mayında AXC-Müsavat cütlüyü qanunsuz hakimiyyətə gəldikdən sonra mayın 18-də Laçın rayonu Ermənistan tərəfindən işğal olundu. Bir sözlə, Laçın AXC-Müsavat cütlüyünün hakimiyyətə gəlmək üçün apardığı mübarizənin qurbanı oldu. Onu da qeyd etmək yerinə düşər ki, Laçının işğal edilməsi ilə ölkəmiz üçün yeni faciələrin, torpaq itkilərinin əsası qoyuldu. Çünki Laçın rayonu böyük strateji əhəmiyyət kəsb edirdi. Belə ki, Ermənistanı Dağlıq Qarabağla birləşdirən yol məhz buradan keçirdi. Laçının işğalından sonra Ermənistan üçün bu yol açılmışdır.</p>
<p>İşğal nəticəsində rayonun əhalisi etnik təmizləməyə məruz qalaraq, 300-dən artıq hərbi və mülki şəxs həlak olub və itkin düşüb. İşğal nəticəsində 217 mədəniyyət, 101 təhsil, 142 səhiyyə müəssisəsi, 462 ticarət, 30 rabitə, 133 idarə və müəssisə, 5 musiqi məktəbi, 1 internat məktəbi, 1 orta texniki peşə məktəbi, 2 avtonəqliyyat və müxtəlif təyinatlı istehsal müəssisələri işğalçılar tərəfindən talan və məhv edilib. 54 dünya, 200-dən çox yerli əhəmiyyətli tarixi abidə vandalizmə məruz qalmışdır.</p>
<p>Ermənistan işğalçı tərəf olaraq Cenevrə konvensiyaları ilə üzərinə düşən öhdəliklərini də kobud şəkildə pozaraq, Laçın rayonunda coğrafi adların dəyişdirilməsi, rayonun təbii resurslarının talan edilməsi və qazanc mənbəyinə çevrilməsi, əsasən, Suriyadan olan erməni əsilli qaçqınlar olmaqla, məqsədyönlü məskunlaşma siyasəti apararaq, demoqrafik tərkibin dəyişdirilməsi kimi qeyri-qanuni əməllərlə məşğul olub. Belə əməllər bütün beynəlxalq konvensiyalarda hərbi cinayət kimi təsbit edilir və bu cinayət dünya ictimaiyyətinin gözü qarşısında baş vermişdir.</p>
<p>2020-ci ilin sentyabrın 27-də başlayan və tarixə 44 günlük müharibə kimi düşən ikinci Qarabağ müharibəsində 30 illik işğala son qoyuldu. Azərbaycan Prezidentinin diplomatik məharəti, prinsipiallığı, dəmir iradəsi və Ordumuzun şanlı Zəfəri Ermənistanı kapitulyasiyaya və əraziləri boşaltmağa məcbur etdi. 2020-ci il dekabrın 1-də Laçın rayonu Ermənistan ordusu tərəfindən boşaldıldı. Bundan əvvəl, noyabrın 9-u Laçın rayonunun Güləbird, Səfiyan və Türklər kəndləri Azərbaycan Silahlı Qüvvələri tərəfindən işğaldan azad edilmişdi. 2022-ci ilin avqustun 26-da isə Laçın şəhəri, Zabux və Sus kəndləri nəzarətə götürüldü. Laçının işğaldan azad edilməsini Azərbaycanın hərbi və diplomatik qələbəsidir.</p>
<p>Otuz ilə yaxın dövrdə erməni vandalizminə məruz qalan Laçın özünün yeni dövrünə qədəm qoyub. İşğaldan azad olunmuş ərazilərimizin inkişafını daim xüsusi diqqətdə saxlayan Prezident İlham Əliyev Laçın rayonuna bir neçə dəfə səfər edib.</p>
<p>Bəli, Laçında həyata keçirilən genişmiqyaslı quruculuq işləri yüksək zövq və keyfiyyətlə aparılır. Laçın şəhərində istehsalat, xidmət və tədris müəssisələrinin yaradılması, əhalinin məşğulluğun təmin edilməsi də diqqət mərkəzində saxlanılır. Əhalinin məşğulluğunun təşkili rayonun tarixi ənənələrinə əsaslanır. Belə ki, yaxın gələcəkdə burada ekoloji və səmərəli kənd təsərrüfatı, tikinti, yüngül və qida sənayesi, balıqçılıq, tingçilik və digər sosial xidmət sahələrinin inkişafı nəzərdə tutulur. Laçın şəhərində yaradılan Aqro və Sənaye Parkında ümumilikdə 46 müəssisə fəaliyyət göstərəcək. Burada həm iri, həm də kiçik mebel fabrikləri, yüngül materiallardan ev və digər konstruksiyalar hazırlayan müəssisə, balıq təsərrüfatı, yeyinti sənayesi, yüngül sənaye, ekoloji cəhətdən təmiz emal müəssisələri, xırdabuynuzlu heyvanlar üzrə elmi-təcrübə mərkəzi yaradılacaq.</p>
<p>2023-cü ilin 28 may tarixindən başlayaraq laçınlıların doğma yurda qayıdışına start verilib. Laçınlılar 31 ildən sonra öz doğma kəndlərinə qayıdıblar və artıq burada yaşayırlar. Köçürülən ailələrin Laçın şəhərində vaxtilə yaşadıqları, işğala son qoyulduqdan sonra dövlətimizin başçısının göstərişi əsasında bərpa edilən və ya yenidən tikilən evlərdə məskunlaşması üçün bütün şərait yaradılıb. Böyük Qayıdışı təmin edəcək Dövlət Proqramına əsasən indiyədək Laçın şəhərinə 614 ailənin, yəni 2264 nəfərin, Zabux kəndinə 217 ailənin, yəni 823 nəfərin, Sus kəndinə 59 ailənin, yəni 215 nəfərin, Bəylik kəndinə 89 ailənin, yəni 363 nəfərin daimi məskunlaşması təmin edilib.</p>
<p>Bütün azad edilmiş ərazilərimiz kimi, ölkəmizin dilbər bölgələrindən biri olan, əsrarəngiz təbiət mənzərələri, gözəlliyi ilə seçilən, doğma sakinlərinə qovuşaraq azad günlərini yaşayan Laçın da genişmiqyaslı bərpa-quruculuq işlərinin məkanına çevrilib. Ardıcıl şəkildə aparılan bu işlər nəticəsində Laçın yeni inkişaf dövrünü yaşayır və gündən-günə daha da gözəlləşir.</p>
<p> </p>
<p> </p>
<p> </p>
<p><strong>Aybəniz Əliyeva, Binəqədi RİH yanında İctimai Şuranın üzvü </strong></p>
<p> </p>
]]><p>Azərbaycan və Özbəkistan arasında əlaqələrin hazırkı səviyyəsi uzun illər ərzində formalaşmış qarşılıqlı etimadın nəticəsidir. İki ölkənin rəhbərləri arasında mövcud siyasi dialoq münasibətlərin bütün istiqamətlər üzrə inkişafına mühüm stimul verir. Azərbaycanın xarici siyasətində Mərkəzi Asiya dövlətləri ilə münasibətlərin inkişafı xüsusi yer tutur. Özbəkistan isə bu siyasətdə mühüm tərəfdaşlardan biridir. Ölkələr arasında siyasi əlaqələrin yüksək səviyyəsi iqtisadiyyat, investisiya, nəqliyyat, logistika, enerji, kənd təsərrüfatı, təhsil, elm və mədəniyyət kimi çoxsaylı sahələrdə əməkdaşlığın genişlənməsinə imkan yaradıb.</p>
<p>Azərbaycan və Özbəkistanın bir-birini beynəlxalq təşkilatlarda dəstəkləməsi də münasibətlərin mühüm xüsusiyyətlərindən biridir. Prezident İlham Əliyevin “iki qardaş ölkənin bütün məsələlərdə bir-birini daim dəstəkləməsi” barədə fikri məhz bu qarşılıqlı etimadın siyasi ifadəsidir. Belə dəstək həm ikitərəfli münasibətlərin möhkəmlənməsinə, həm də Türk dövlətləri arasında həmrəyliyin güclənməsinə xidmət edir.</p>
<p>Azərbaycan–Özbəkistan münasibətlərində Türk Dövlətləri Təşkilatı çərçivəsində əməkdaşlıq xüsusi əhəmiyyət daşıyır. TDT yalnız siyasi və iqtisadi əməkdaşlıq platforması deyil, eyni zamanda ortaq tarixə, dilə, mədəniyyətə və mənəvi dəyərlərə malik xalqları bir araya gətirən strateji birlikdir. Azərbaycan və Özbəkistan TDT-nin gücləndirilməsində fəal rol oynayan dövlətlərdəndir. Qəbələdə keçirilmiş TDT Dövlət Başçıları Şurasının 12-ci Zirvə Görüşü də təşkilatın gələcək inkişaf istiqamətlərinin müəyyənləşdirilməsi baxımından əhəmiyyətli hadisə kimi qiymətləndirilir. Zirvə çərçivəsində siyasi, iqtisadi, nəqliyyat, təhlükəsizlik və digər sahələrdə əməkdaşlığın genişləndirilməsi məsələləri müzakirə olunub.</p>
<p>TDT-nin inkişafı Türk dünyasının beynəlxalq münasibətlər sistemində daha fəal və təsirli aktora çevrilməsi baxımından mühüm əhəmiyyət daşıyır. Azərbaycan və Özbəkistanın bu prosesə verdiyi töhfələr isə xüsusilə diqqətəlayiqdir. Hər iki ölkə təşkilatı yalnız dövlətlərarası əməkdaşlıq mexanizmi kimi deyil, ortaq tarixi və mədəni irsin gələcək nəsillərə ötürülməsi üçün mühüm platforma kimi qəbul edir. Bu baxımdan TDT çərçivəsində siyasi dialoqun dərinləşdirilməsi ilə yanaşı, iqtisadi əlaqələrin genişləndirilməsi, nəqliyyat dəhlizlərinin inkişafı, təhsil və elm sahəsində mübadilələrin artırılması, mədəni-humanitar layihələrin həyata keçirilməsi də xüsusi əhəmiyyət daşıyır.</p>
<p>Son illərdə Azərbaycanın Mərkəzi Asiya ölkələri ilə münasibətlərində nəzərəçarpacaq dinamika müşahidə olunur. Bu əlaqələr artıq yalnız ikitərəfli əməkdaşlıq çərçivəsində deyil, daha geniş regional və geosiyasi perspektivdə nəzərdən keçirilir. Azərbaycan ilə Mərkəzi Asiya dövlətlərini birləşdirən tarixi və mədəni yaxınlıq bu əməkdaşlığın mühüm dayaqlarından biridir. Bununla yanaşı, müasir dövrün reallıqları ölkələr qarşısında yeni iqtisadi, nəqliyyat, enerji və təhlükəsizlik imkanları yaradır. Azərbaycanın Mərkəzi Asiya dövlətləri ilə əlaqələrinin müttəfiqlik və strateji tərəfdaşlıq səviyyəsinə yüksəlməsi regional əməkdaşlığın yeni modelinin formalaşmasına şərait yaradır. Bu model qarşılıqlı hörmət, suverenliyə və ərazi bütövlüyünə dəstək, iqtisadi maraqların uzlaşdırılması və uzunmüddətli tərəfdaşlıq prinsiplərinə əsaslanır.</p>
<p>Azərbaycan və Özbəkistanın münasibətlərinin inkişafı bütövlükdə Türk dünyasının gələcəyi üçün mühüm əhəmiyyət kəsb edir. Türk dövlətləri arasında əməkdaşlığın dərinləşməsi həm iqtisadi potensialın birləşdirilməsinə, həm də beynəlxalq məsələlərdə daha koordinasiyalı mövqenin formalaşmasına imkan yaradır. Bu prosesdə Azərbaycan və Özbəkistanın rolu xüsusilə böyükdür. Azərbaycanın Cənubi Qafqazda, Özbəkistanın isə Mərkəzi Asiyada tutduğu mövqe onların regional əməkdaşlığın əsas dayaqlarından birinə çevrilməsinə imkan verir.</p>
<p>Azərbaycan və Özbəkistan arasındakı münasibətlər müasir beynəlxalq münasibətlər sistemində uğurlu qardaşlıq və strateji tərəfdaşlıq nümunələrindən biridir. Bu əlaqələrin gücü yalnız dövlət başçıları arasında siyasi dialoqla deyil, iki xalqı birləşdirən tarixi, mədəni və mənəvi bağlarla şərtlənir. Prezident İlham Əliyevin müsahibəsində səsləndirdiyi fikirlər göstərir ki, Azərbaycan–Özbəkistan münasibətlərinin gündəliyi getdikcə genişlənir. İki ölkə arasında siyasi qarşılıqlı dəstək, iqtisadi əməkdaşlıq, nəqliyyat-logistika imkanlarının inkişafı, təhsil və mədəniyyət sahəsində əlaqələrin genişləndirilməsi ümumi strateji maraqlara xidmət edir.</p>
<p> </p>
<p><strong> </strong></p>
<p><strong>Paşazadə Kamal Çingiz oğlu </strong></p>
<p><strong>Qara Qarayev adına Mərkəzi İncəsənət Məktəbinin violonçel ixtisası üzrə müəllimi, Azərbaycan Respublikasının Əməkdar müəllimi</strong></p>
]]><p>Azərbaycanla Özbəkistanın tarixi dostluq, qardaşlıq münasibətləri ötən dövr ərzində davamlı olaraq inkişaf etdirilib və uzun illərin sınağından çıxaraq bugünkü səviyyəyə gəlib çatıb. Müstəqillik illərində iki qardaş ölkə arasında əlaqələrin inkişafında və dövlətlərarası münasibətlərin formalaşmasında Ümummilli Lider Heydər Əliyevin müstəsna xidmətləri olub.</p>
<p>“İki qardaş ölkə - Azərbaycan və Özbəkistan arasında münasibətlər ortaq tarixə, mədəniyyətə, dil və mənəvi dəyərlərə, həmçinin birliyə, həmrəyliyə və xalqlarımızın əsrlərlə davam etdirdiyi, nəsildən-nəslə ötürdüyü dərin qarşılıqlı rəğbətə əsaslanır”, bu sözləri Prezident İlham Əliyev Özbəkistanın Milli İnformasiya Agentliyinə (UzA) müsahibəsində söyləyib. Dövlətimizin başçısı qeyd edib ki, bu möhkəm bünövrə üzərində qurulan dövlətlərarası münasibətlər son illər misli görünməmiş inkişaf mərhələsinə qədəm qoyub, ən yüksək pilləyə - müttəfiqlik səviyyəsinə yüksəlib və tamamilə yeni məzmun qazanıb.</p>
<p>Onu da qeyd edək ki, Liderlərin intensiv qarşılıqlı səfərləri münasibətlərin inkişafında mühüm rol oynayıb. Son illərdə imzalanan "Strateji tərəfdaşlığın dərinləşdirilməsi haqqında Bəyannamə" və "Müttəfiqlik münasibətləri haqqında Müqavilə" ikitərəfli əlaqələrin hüquqi bazasını daha da möhkəmləndirib. Həmçinin təsis edilən Ali Dövlətlərarası Şura strateji tərəfdaşlığın dərinləşdirilməsi üçün mühüm institusional mexanizmə çevrilib.</p>
<p>Özbəkistan keçmiş Qarabağ münaqişəsində hər zaman Azərbaycanın ədalətli mövqeyini dəstəkləyib.</p>
<p>Yerigəlmişkən, qardaş ölkə tərəfindən Füzuli şəhərində inşa edilən Mirzə Uluqbəy adına tam orta məktəb və "Dostluq bağı" bu dəstəyin və sarsılmaz birliyin parlaq rəmzləridir. </p>
<p>Qarşılıqlı etimad eyni zamanda iqtisadi və ticari sahədə də əksini tapır, ikitərəfli ticarət dövriyyəsi sürətlə artır. 500 milyon dollar kapitalla yaradılan Azərbaycan-Özbəkistan İnvestisiya Şirkəti fəal layihələr həyata keçirir. Avtomobil sənayesi, energetika, "yaşıl enerji" və nəqliyyat-logistika sahələrində sıx əməkdaşlıq mövcuddur. İki ölkənin coğrafi mövqeyi Şərqlə Qərbi birləşdirən Orta dəhliz çərçivəsində yükdaşımaların həcmini artırmağa imkan verir. Prezident İlham Əliyev müsahibəsində iqtisadi əlaqələrin inkişaf tempini belə ifadə edib: "İqtisadi-ticari əməkdaşlığımız son illərdə sürətli inkişaf dinamikası nümayiş etdirir. Azərbaycanla Özbəkistan arasında ticarət dövriyyəsi 2025-ci ildə əvvəlki illə müqayisədə üç dəfədən çox artıb və 795 milyon dollar təşkil edib. Bu, əla göstəricidir. Bundan əlavə, 2026-cı ilin yanvar-may aylarında ticarət dövriyyəsi ötən ilin müvafiq dövrü ilə müqayisədə 33 faiz artaraq 144 milyon dollara çatıb". </p>
<p>Çoxtərəfli diplomatiya müstəvisində, xüsusilə Türk Dövlətləri Təşkilatı (TDT) çərçivəsində Azərbaycan və Özbəkistanın əməkdaşlığı müstəsna əhəmiyyət kəsb edir. Hər iki dövlət TDT-ni türk dünyasının siyasi, iqtisadi və mənəvi gücünü artıran mühüm birlik kimi qiymətləndirir. Eyni zamanda Azərbaycanın Mərkəzi Asiya Dövlət Başçılarının Məşvərət görüşlərində tamhüquqlu iştirakı ilə "C5" formatının "C6" formatına çevrilməsi regionlararası inteqrasiyanı yeni səviyyəyə qaldırıb.</p>
<p>İkitərəfli münasibətlərin vacib elementlərindən biri də hərbi-texniki sahədə əməkdaşlığın genişlənməsidir. İki ölkənin müdafiə nazirlikləri arasında imzalanan fəaliyyət planlarına uyğun olaraq keçirilən birgə taktiki təlimlər, müdafiə sənayesi sahəsində təcrübə mübadiləsi və hərbçilərin peşəkarlığının artırılmasına yönəlmiş addımlar regional təhlükəsizliyin və sabitliyin təmin olunmasında müstəsna rol oynayır. </p>
<p>Dövlətlərarası inteqrasiyanı tamamlayan mühüm amillər arasında mədəni-humanitar sahələrdə əməkdaşlıq da önəmli rol oynayır. Daşkənddə fəaliyyət göstərən Heydər Əliyev adına Azərbaycan Mədəniyyət Mərkəzi, mütəmadi təşkil olunan Mədəniyyət Günləri, media forumları və ali təhsil müəssisələri arasındakı birbaşa əməkdaşlıq xalqlarımızın bir-birini daha yaxından tanımasına, gənc nəsillər arasında mənəvi körpülərin sarsılmaz olmasına xidmət edir. </p>
<p>Əminliklə deyə bilərik ki, ölkələrimiz arasındakı qarşılıqlı etimada söykənən və əsrlərdir davam edən dostluq və qardaşlıq əlaqələri bundan sonra da inkişaf edəcək, xalqlarımızın rifahının yaxşılaşmasına xidmət göstərəcək.</p>
<p> </p>
<p><strong> </strong></p>
<p><strong>Rafiq Məmmədov, Əməkdar müəllim</strong></p>
<p> </p>
<p> </p>
<p> </p>
]]><p>Azərbaycan Prezidenti İlham Əliyevin Özbəkistana dövlət səfəri ölkələrimiz arasındakı qardaşlıq və strateji tərəfdaşlıq münasibətlərinin yeni mərhələsini bir daha nümayiş etdirir. Bu mühüm səfər çərçivəsində Mərkəzi Asiyanın ən mühüm şəhərsalma təşəbbüslərindən biri olan “Yeni Daşkənd” layihəsinin təqdimatı xüsusi əhəmiyyət daşıyır. Liderlərin birgə nəzərdən keçirdiyi bu irimiqyaslı təşəbbüs iki qardaş xalqın ortaq inkişaf vizyonunu və modernləşmə hədəflərini əyani şəkildə əks etdirir.</p>
<p>AZƏRTAC müasir şəhərsalma strategiyaları kontekstində iki qardaş ölkənin ortaq inkişaf modelini və “Yeni Daşkənd” layihəsinin strateji əhəmiyyətini nəzərdən keçirən təhlili təqdim edir.</p>
<p>Azərbaycan və Özbəkistanın şəhərsalmada tətbiq etdiyi müasir yanaşmalar xüsusi diqqətə layiqdir. Hər iki ölkə sadəcə qlobal bir tendensiyanı izləmək əvəzinə, öz “ağıllı” şəhərləşmə modellərini inkişaf etdirir – bu layihələr texnologiyanın insanlara xidmət etdiyi və daha rahat, dayanıqlı və gələcəyə yönəlmiş şəhərlərin yaradılmasını dəstəkləyir. Bu baxımdan Azərbaycanda da tətbiq olunan “Ağıllı şəhər” və “Ağıllı kənd” layihələri müasir şəhərsalma trendləri ilə ayaqlaşır.</p>
<p>Azərbaycan və Özbəkistanın “Ağıllı şəhər” modeli</p>
<p>Bu model çərçivəsində texnologiya artıq yalnız modernləşdirmə deyil, hərtərəfli ərazi inkişafı üçün bir vasitə kimi qəbul edilir. O, əsas xidmətlərin sürətli bərpasını dəstəkləyir, əhalinin məskunlaşması üçün şərait yaradır, iqtisadi fəaliyyəti stimullaşdırır və məkan inkişafının daha səmərəli idarə olunmasına imkan verir. Oxşar inkişaf modelini işğaldan azad olunan Füzuli, Ağdam, Şuşa, Xocalı və digər yaşayış məntəqələrində də görmək olar. Burada ətraf mühitin dayanıqlığına, nəqliyyatın əlçatanlığına, şəhər və kənd xidmətlərinin rəqəmsal idarə olunmasına əsaslanan yeni infrastruktur sistemləri inkişaf etdirilir.</p>
<p>Onu da xatırladaq ki, işğaldan azad olunmuş Qarabağda – Füzuli şəhərində Özbəkistan Prezidenti Şavkat Mirziyoyevin təşəbbüsü və hədiyyəsi olaraq Mirzə Uluqbəy adına 1 nömrəli tam orta məktəb inşa edilib. Məktəbin rəsmi açılışı 2023-cü il avqustun 23-də Azərbaycan Prezidenti İlham Əliyevin və Özbəkistan Prezidenti Şavkat Mirziyoyevin iştirakı ilə reallaşıb.</p>
<p>Özbəkistan da mövcud şəhər mühitinin məhdud modernləşdirilməsinə deyil, yeni inkişaf mərkəzlərinin yaradılmasına diqqət yetirir. 2019-cu ildə qəbul edilmiş “Ağıllı şəhər” konsepsiyası və ardınca “Rəqəmsal Özbəkistan – 2030” strategiyası şəhər infrastrukturunun və ictimai xidmətlərin genişmiqyaslı rəqəmsal transformasiyası üçün institusional təməl yaradıb. Bu strategiyanın ən mühüm nəticələrindən biri “Yeni Daşkənd” layihəsidir. Əslində, layihə mövcud kapitala təzyiqi azaltmaqla yanaşı, “ağıllı şəhər” prinsiplərinə və davamlı inkişafa əsaslanan tamamilə yeni şəhər təşkilatı modelini tətbiq etməyə qadir olan yeni iqtisadi, inzibati və investisiya mərkəzi yaratmağı hədəfləyir.</p>
<p>Ağıllı texnologiyalar, yaşıl məkanlar və müasir infrastruktur: “Yeni Daşkənd”</p>
<p>Özbəkistanın paytaxtı Daşkənd şəhərinin şərqində həyata keçirilən bu iri şəhərsalma layihəsinin təməli 2023-cü ilin martında qoyulub. Azərbaycan ilə Özbəkistan arasındakı dərin dostluq bağlarının hər sahədə olduğu kimi şəhərsalma və memarlıq təcrübə mübadiləsində də özünü göstərməsi bu layihənin ruhuna təsir edir. Yeni şəhərin Daşkənd vilayətinin Yuxori Çirchiq və Orta Çirchiq rayonları ərazisində salınması regionun sosial-iqtisadi simasını tamamilə dəyişəcək.</p>
<p>Layihənin ümumi ərazisi 19 min 720 hektar təşkil edərək ölkənin miqyaslı gələcək planlarını bir daha göstərir. Yeni Daşkənd şəhərinin layihə üzrə tam formalaşdıqdan sonra 2 milyon nəfər əhali üçün nəzərdə tutulur. Birinci mərhələdə 6 min hektar ərazidə 600 min nəfər üçün müasir yaşayış və infrastruktur şəraiti yaradılacaq.</p>
<p>Yeni Daşkənddə 30 məktəb, 20 uşaq bağçası, 1 çoxprofilli xəstəxana və 5 ailə poliklinikası inşa edilərək vətəndaşların sosial təminatı ən yüksək səviyyədə qurulacaq. Şəhərin əsas yaşıllıq zonasını 420 hektarlıq mərkəzi park təşkil edəcək və burada təxminən 200 min ağac əkilməsi planlaşdırılır. Həmçinin 100 min avtomobil üçün yeraltı dayanacaqların, 14 müasir tunelin və 7 körpünün tikilməsi nəqliyyat axınını təmin edəcək.</p>
<p>Şəhərin “ağıllı və yaşıl şəhər” prinsipi əsasında qurulması planlaşdırılır. Burada metro, elektrobuslar, velosiped və piyada yolları, müasir mühəndis infrastrukturu, biznes, təhsil, səhiyyə və texnologiya mərkəzləri yaradılacaq. Suya qənaət edən texnologiyaların tətbiqi nəticəsində su sərfinin 2 dəfə azaldılması ekoloji dayanıqlığın təmin olunmasında əsas rol oynayacaq.</p>
<p>Nizami Gəncəvi adına kampus “Yeni Daşkənd”in təhsil simvollarından birinə çevrilir</p>
<p>Hazırda Yeni Daşkənddə tikinti işləri sürətlə davam etdirilir və diqqət mərkəzindədir. Layihənin mühüm obyektlərindən biri 55 min tamaşaçı tutumuna malik futbol stadionudur. Stadionun tikintisinə 2025-ci ilin noyabrında başlanılıb, 2026-cı ilin iyuluna qədər tikinti işlərinin təxminən 65 faizi tamamlanıb. Stadionda 3 məşq meydançası və 5500 avtomobil üçün dayanacaq yaradılacaq. Obyektin 2027-ci ildə U-20 Dünya Çempionatında istifadəyə verilməsi planlaşdırılır.</p>
<p>“Yeni Daşkənd” layihəsi ilə paralel olaraq Daşkənd vilayətində Yeni Daşkənd Beynəlxalq Hava Limanının yaradılması istiqamətində də işlər aparılır. Layihədə əsas məqsədlər paytaxtın nəqliyyat infrastrukturunu inkişaf etdirmək, Özbəkistanın tranzit potensialını artırmaq və beynəlxalq hava nəqliyyatı imkanlarını genişləndirməkdir. 2026-cı ilin əvvəlində layihə üzrə ekoloji təsirin qiymətləndirilməsi ilə bağlı keçirilən ictimai dinləmələr layihənin şəffaflığına və qlobal standartlara uyğunluğuna dəlalət edir.</p>
<p>Megalayihə çərçivəsində dahi Azərbaycan şairi Nizami Gəncəvi adına Özbəkistan Milli Pedaqoji Universitetinin yeni kampusunun yaradılması isə xüsusi rəmzi məna daşıyır. Universitet üçün ayrılan 40 hektar ərazidə inşa edilən yeni kompleksin 20 min tələbə üçün nəzərdə tutulması planlaşdırılır. Kampusa müasir tədris binaları, elmi laboratoriyalar, kitabxana və informasiya-resurs mərkəzi, yataqxanalar, idman və mədəniyyət obyektləri daxil olacaq. 2026-cı ilin iyulunda Özbəkistan Prezidenti Şavkat Mirziyoyevin yeni kampusun tikinti işləri ilə şəxsən tanış olması, hazırda isə rektorluq və fakültə binalarında son tamamlama işlərinin aparılması iki ölkənin mədəni-təhsil əlaqələrinin əyani təzahürünü nümayiş etdirir.</p>
<p> </p>
<p>Fərqli başlanğıclar, ortaq inkişaf vizyonu</p>
<p>Yeni Daşkəndin inkişafı uzunmüddətli xarakter daşıyır və strateji tərəfdaşlığın gələcək illərdə də hansı miqyasda davam edəcəyini göstərir. Şəhərin ayrı-ayrı hissələri mərhələlərlə istifadəyə veriləcək. 2045-ci il şəhərin uzunmüddətli inkişaf planında əsas hədəf tarixlərdən biridir. Bu səbəbdən Yeni Daşkəndin bütünlüklə bir tarixdə tamamlanması deyil, mərhələli şəkildə formalaşması qardaş ölkənin iqtisadi qüdrətini və gələcəyə inamını nümayiş etdirir.</p>
<p>Beləliklə, Özbəkistan sıfırdan yeni bir şəhər mühiti qurur, Azərbaycan isə mürəkkəb tarixi və ərazi transformasiyası fonunda öz modelini inkişaf etdirir. İlk baxışdan bunlar çox fərqli başlanğıc nöqtələridir. Lakin onların yanaşmalarındakı oxşarlıqları xüsusilə diqqət cəlb edir.</p>
]]><p>Özbəkistandakı bütün qardaşlarımızı ölkənin inkişafında, onun potensialının möhkəmləndirilməsində, həm sosial-iqtisadi sahədə, həm də beynəlxalq arenada əldə olunan böyük uğurlar münasibətilə təbrik etmək istərdim.</p>
<p>AZƏRTAC xəbər verir ki, bu sözləri Prezident İlham Əliyev Azərbaycan və Özbəkistan Ali Dövlətlərarası Şuranın 3-cü iclasında deyib.</p>
<p>“Bu gün Özbəkistan böyük beynəlxalq nüfuza malik dövlətdir”, - deyən dövlətimizin başçısı bunun Prezident Şavkat Mirziyoyevin xidməti olduğunu vurğulayıb. O deyib: Siz ölkəni inkişaf etdirmək, onun potensialını möhkəmləndirmək, o cümlədən Özbəkistanın beynəlxalq arenadakı rolunu gücləndirmək üçün yorulmadan çalışır, əmək sərf edirsiniz”.</p>
]]><p>Avqustun 23-də Azərbaycan Respublikasının Prezidenti İlham Əliyev Özbəkistanın ən böyük şəhərsalma layihəsi - “Yeni Daşkənd”lə tanış olub.</p>
<p>AZƏRTAC xəbər verir ki, layihə ölkə iqtisadiyyatını, investisiya siyasətini, nəqliyyat sistemini, təhsili, ekologiyanı və rəqəmsal texnologiyaları vahid məkanda birləşdirən yeni şəhərsalma modelidir. Layihə tam yekunlaşdıqdan sonra 260 mindən çox yeni iş yerinin yaradılması nəzərdə tutulur. Hazırda tikinti sahələrində 10 mindən çox işçi çalışır. “Yeni Daşkənd”də tətbiq edilən mühüm innovativ həllərdən biri elektrik enerjisinin istehsalı, istilik və soyutma proseslərinin vahid texnoloji zəncir çərçivəsində idarə olunduğu trigenerasiya texnologiyasıdır.</p>
<p>Ərazidə 60-dan çox dövlət qurumu üçün müasir inzibati binalar, mehmanxanalar, restoranlar, xidmət mərkəzləri, biznes kompleksləri, turizm obyektləri, “Yeni Özbəkistan” Universiteti, Özbəkistan Milli Kitabxanasının yeni kompleksi, elmi laboratoriyalar, multimedia mərkəzləri, muzeylər, idman qurğuları və tələbə şəhərciyi inşa edilir. Burada inşa olunan “Şərq Baharı” kompleksi Mərkəzi Asiyanın ən iri yaşayış layihələrindən biri olacaq. Ərazisi 95 hektar olan kompleksdə təxminən 15 min mənzilin inşası planlaşdırılır.</p>
]]><p>Avqustun 23-də Prezident İlham Əliyevin Özbəkistana dövlət səfəri çərçivəsində iki ölkənin prezidentləri tərəfindən “Azərbaycan Respublikası ilə Özbəkistan Respublikası arasında əbədi dostluq haqqında Müqavilə” imzalanıb. Bu müqavilə Azərbaycan-Özbəkistan münasibətlərinin dostluqdan daha yüksək səviyyəyə qalxdığını göstərir. İki ölkə arasında siyasi, iqtisadi və digər sahələrdə əməkdaşlığın daha da gücləndirilməsi üçün möhkəm əsas yaranır. Xüsusilə türk dövlətləri arasında həmrəyliyin artması baxımından bu sənəd mühüm əhəmiyyət daşıyır.</p>
<p>Sənəd Azərbaycanla Özbəkistan arasında münasibətlərin nə qədər yaxın və etibarlı olduğunu göstərir. Söhbət yalnız dövlətlərarası sənəddən deyil, iki xalqın bir-birinə olan tarixi və mənəvi yaxınlığının siyasi müstəvidə daha da möhkəmlənməsindən gedir. Azərbaycan və Özbəkistan onsuz da bir-birinə yaxın olan iki qardaş ölkədir. Bu müqavilə isə həmin münasibətləri daha konkret və uzunmüddətli çərçivəyə salır. Qarşılıqlı dəstək, iqtisadi və siyasi əməkdaşlıq, eləcə də humanitar əlaqələr bundan sonra daha da inkişaf edəcək. Sənəd, həmçinin Türk dünyasında birlik və həmrəyliyin güclənməsinə töhfə verəcək. Müqavilə Azərbaycan və Özbəkistanın bir-birini yalnız bu gün üçün deyil, gələcəkdə də etibarlı tərəfdaş kimi gördüyünü göstərir.</p>
<p>Əbədi dostluğa, qarşılıqlı etimada, strateji tərəfdaşlığa və müttəfiqliyə əsaslanan müqavilə: götürülən öhdəliklər</p>
<p>Müqavilədə göstərilir ki, iki dövlət beynəlxalq hüququn hamılıqla tanınmış prinsiplərini və normalarını rəhbər tutaraq, münasibətlərində əbədi dostluğa, qarşılıqlı etimada, strateji tərəfdaşlığa və müttəfiqliyə əsaslanır, öz milli reallıqlarına uyğun inkişaf yollarının və modellərinin seçimində bir-birini dəstəkləyirlər. Ölkələrimiz, həmçinin digər tərəfin suverenliyinə, təhlükəsizliyinə və ərazi bütövlüyünə zərər vuran hər hansı bloklarda və ya ittifaqlarda iştirak etməməyi, öz ərazilərinin üçüncü ölkələr tərəfindən digər tərəfin dövlət suverenliyinə, təhlükəsizliyinə və ərazi bütövlüyünə zərər vurmaq məqsədilə istifadə edilməsinə, eləcə də öz ərazilərində digər tərəfin suverenliyinə, təhlükəsizliyinə və ərazi bütövlüyünə zərər vuran təşkilatların və qrupların yaradılmasına və fəaliyyətinə yol verməməyi öhdələrinə götürür.</p>
<p>Bu müddəalar Azərbaycan və Özbəkistan arasında münasibətlərin qarşılıqlı etimad və hörmət üzərində qurulduğunu göstərir. Tərəflər bir-birinin müstəqilliyinə, təhlükəsizliyinə və ərazi bütövlüyünə hörmət etməklə yanaşı, digərinə qarşı yönələ biləcək hər hansı təhlükənin öz ərazisindən yaranmasına imkan verməməyi öhdələrinə götürür. Bu isə iki ölkənin bir-birini sadəcə dost deyil, həm də etibarlı və uzunmüddətli strateji tərəfdaş kimi gördüyünü göstərən mühüm mesajdır.</p>
<p>Həmçinin tərəflər münaqişələrin qarşısının alınması və nizamlanmasında, eləcə də regional və qlobal təhlükəsizlik problemlərinin həllində BMT-nin mərkəzi rolunun daha da möhkəmləndirilməsinə sadiqliklərini təsdiq edir. Sənəd hər iki ölkənin parlamentləri arasında əlaqələrin genişləndirilməsinə kömək edəcək, xalqlar arasında dostluğun inkişafı üçün sosial və ictimai əsası möhkəmləndirəcək və bütün sahələrdə hüquqi əməkdaşlığı gücləndirəcək.</p>
<p>Bu yanaşma Azərbaycan və Özbəkistan arasında münasibətlərin daha səmimi və möhkəm əsasda inkişaf etdiyini göstərir. Burada əsas olan təkcə dövlətlərarası əməkdaşlıq deyil, iki xalqın bir-birinə daha da yaxınlaşmasıdır. Parlamentlər, hüquqi əlaqələr və ictimai münasibətlər inkişaf etdikcə, ölkələr arasındakı dostluq gündəlik həyatda da daha çox hiss olunacaq.</p>
<p>İqtisadiyyat, nəqliyyat və turizm istiqamətlərinin genişləndirilməsi</p>
<p>Müqavilə çərçivəsində tərəflər bərabərlik və qarşılıqlı fayda prinsipləri əsasında ticarət-iqtisadi və investisiya əməkdaşlığını inkişaf etdirir, energetika, nəqliyyat və logistika, rəqəmsal inkişaf, kənd təsərrüfatı, yaşıl və rəqəmsal iqtisadiyyat, elektron ticarət, informasiya-kommunikasiya və kosmik texnologiyalar, habelə qarşılıqlı maraq doğuran digər istiqamətlərdə birgə layihələrin həyata keçirilməsinə köməklik göstərəcək. Bu, iki ölkənin iqtisadi münasibətlərinin daha da genişlənməsi baxımından çox önəmlidir. Azərbaycan və Özbəkistanın energetika, kənd təsərrüfatı, rəqəmsal texnologiyalar, kosmik sənaye və yaşıl iqtisadiyyat kimi müxtəlif sahələrdə birgə işləməsi hər iki tərəf üçün yeni imkanlar yaradacaq. Xüsusilə müasir və innovativ sahələrə diqqət yetirilməsi göstərir ki, əməkdaşlıq yalnız bu günün deyil, gələcəyin iqtisadiyyatına da hesablanıb. Bu proses yeni investisiyaların, biznes əlaqələrinin və iş imkanlarının yaranmasına da müsbət təsir göstərəcək.</p>
<p>Sənədə əsasən, iki ölkə yüklərin və sərnişinlərin əlverişli və qarşılıqlı faydalı daşınmasını təmin etməyə, eləcə də nəqliyyat dəhlizlərinin tranzit potensialının artırılmasına yönəlmiş qarşılıqlı əlaqəli nəqliyyat sisteminin daha da möhkəmləndirilməsi üçün zəruri şərait yaradacaq. Nəqliyyat sahəsində əməkdaşlığın gücləndirilməsi Azərbaycan və Özbəkistan üçün həm iqtisadi, həm də strateji baxımdan əhəmiyyətlidir. Yüklərin və sərnişinlərin daha rahat daşınması iki ölkə arasında əlaqələri sürətləndirəcək. Nəqliyyat dəhlizlərinin imkanlarının artırılması isə Azərbaycanı Mərkəzi Asiya ilə digər regionlar arasında mühüm bağlantı nöqtələrindən birinə çevirir. Bu əməkdaşlığın inkişafı nəticəsində ticarətin artması ilə yanaşı, region ölkələri arasında əlaqələrin də daha da güclənməsi mümkündür.</p>
<p>Tərəflər, eyni zamanda, Azərbaycan və Özbəkistanın turizm potensialından geniş istifadə və turizm məhsullarının tanınmasının artırılması üçün əməkdaşlığı təşviq edəcək. Turizm sahəsində əməkdaşlıq iki ölkənin xalqlarını bir-birinə daha da yaxınlaşdıran istiqamətlərdən biridir. Azərbaycan və Özbəkistanın zəngin tarixi, mədəni irsi və qədim şəhərləri turistlər üçün böyük maraq oyadır. Qarşılıqlı turizmin təşviqi insanların bir-birinin ölkəsini, mədəniyyətini və həyat tərzini daha yaxından tanımasına imkan verəcək. Bu, həm turizm sektoruna, həm də yerli sahibkarlara fayda gətirəcək. Ən əsası isə, insanlar arasında yaranan şəxsi əlaqələr dövlətlərarası dostluğun daha səmimi və davamlı olmasına xidmət edəcək.</p>
<p>Bütün bunlar Azərbaycan və Özbəkistan arasında iqtisadi münasibətlərin daha da dərinləşməsi baxımından müsbət addımlardır. Qarşılıqlı faydaya əsaslanan əməkdaşlıq hər iki ölkə üçün yeni imkanlar, yeni investisiyalar və biznes əlaqələrinin genişlənməsi deməkdir. Belə münasibətlər təkcə dövlətlərə deyil, sahibkarlara və ümumilikdə insanlara da fayda gətirəcək.</p>
<p>Mədəni, təhsil və humanitar əlaqələrin daha da dərinləşdirilməsi</p>
<p>Müqavilə iki ölkə xalqlarının mənəvi, təhsil və mədəni yaxınlığının qorunub saxlanmasına hərtərəfli dəstək olacaq, elm, təhsil, tibb, mədəniyyət, mədəni irs, gənclər, turizm və idman, habelə qarşılıqlı maraq doğuran digər istiqamətlərdə mübadilə və əməkdaşlığı inkişaf etdirəcək. Bu, iki xalq arasında onsuz da mövcud olan mənəvi və mədəni bağların daha da gücləndirilməsi baxımından çox önəmlidir. Elm, təhsil, tibb, mədəniyyət, turizm və idman sahələrində əlaqələrin genişlənməsi insanların bir-birini daha yaxından tanımasına imkan verəcək. Xüsusilə gənclərin qarşılıqlı layihələrdə və proqramlarda iştirakı bu dostluğun gələcək nəsillərə də ötürülməsi üçün yaxşı imkan yaradır. Belə münasibətlər xalqlar arasında yaxınlığı yalnız rəsmi səviyyədə deyil, gündəlik həyatda da daha hiss olunan edir.</p>
<p>Eyni zamanda, müqavilə üzrə Azərbaycan və özbək dillərinin qarşılıqlı tədrisinə, elm və təhsil müəssisələri arasında birbaşa əməkdaşlığın inkişaf etdirilməsinə və birgə layihələrin həyata keçirilməsinə şərait yaradacaq. Dil xalqları bir-birinə yaxınlaşdıran ən mühüm vasitələrdən biridir. Azərbaycan və özbək dillərinin qarşılıqlı öyrənilməsinə şərait yaradılması iki xalqın bir-birinin mədəniyyətini və düşüncə tərzini daha yaxşı anlamasına kömək edəcək. Universitetlər və elmi müəssisələr arasında birbaşa əlaqələrin qurulması, birgə layihələrin həyata keçirilməsi də gənclər və alimlər üçün yeni imkanlar yaradır. Bu baxımdan, söhbət sadəcə dil öyrənməkdən deyil, iki xalq arasında daha səmimi ünsiyyət körpüsünün qurulmasından gedir.</p>
<p>Müqaviləyə əsasən, tərəflər regionlararası əməkdaşlığın inkişafını dəstəkləyir, şəhərlər və regionlar arasında tərəfdaşlıq əlaqələrinin qurulmasını təşviq edəcək. Şəhərlər və regionlar arasında tərəfdaşlıq əlaqələrinin qurulması münasibətlərin yalnız paytaxtlar səviyyəsində qalmadığını göstərir. Müxtəlif şəhər və rayonların bir-biri ilə əməkdaşlığı turizm, təhsil, mədəniyyət, sahibkarlıq və digər sahələrdə yeni imkanlar yarada bilər. Bu cür əlaqələr dövlətlərarası dostluğu insanların yaşadığı şəhərlərə və regionlara qədər yaxınlaşdırır. Bu da Azərbaycan və Özbəkistan arasında münasibətlərin daha geniş və davamlı xarakter almasına xidmət edir.</p>
<p>Bu istiqamətlər Azərbaycan və Özbəkistan arasında münasibətlərin yalnız siyasət və iqtisadiyyatla məhdudlaşmadığını göstərir. İki xalqın dilinin, mədəniyyətinin və ortaq dəyərlərinin qorunması və gələcək nəsillərə ötürülməsi xüsusilə önəmlidir. Təhsil, elm, turizm, gənclər və mədəniyyət sahələrində əlaqələrin genişlənməsi xalqları bir-birinə daha da yaxınlaşdıracaq. Regionlar və şəhərlər arasında birbaşa münasibətlərin qurulması isə bu dostluğun daha da davamlı olmasına xidmət edəcək.</p>
<p>İki xalq arasında əbədi dostluq və sarsılmaz həmrəyliyin rəsmi ifadəsi</p>
<p>Bu sənəd ilə Azərbaycan-Özbəkistan qardaşlığı yeni və daha möhkəm mərhələyə qədəm qoyaraq, iki xalq arasında əbədi dostluğun və sarsılmaz həmrəyliyin rəsmi ifadəsinə çevriləcək. Müttəfiqlik münasibətlərindən əbədi dostluğa uzanan bu yol Azərbaycanla Özbəkistan arasında qardaşlığın yalnız bu gününü deyil, gələcək nəsillərini də birləşdirən möhkəm təməl rolunu oynayacaq.</p>
<p>Müqavilə Azərbaycan və Özbəkistan arasında münasibətlərin sadəcə bu gününü deyil, gələcəyini də müəyyənləşdirən mühüm siyasi və mənəvi addımdır. İki ölkə arasında tarixdən, dildən, mədəniyyətdən və ortaq dəyərlərdən gələn yaxınlıq artıq daha möhkəm hüquqi və siyasi əsas üzərində qurulacaq. Burada əsas diqqətçəkən məqam qarşılıqlı etimad və həmrəylikdir. Azərbaycan və Özbəkistan bir-birinin yanında olmağa, suverenliyinə və təhlükəsizliyinə hörmət etməyə, müxtəlif sahələrdə əməkdaşlığı genişləndirməyə hazır olduqlarını ortaya qoyur. Bu isə münasibətlərin yalnız rəsmi görüşlər və sənədlərlə məhdudlaşmadığını, real əməkdaşlıq və qarşılıqlı dəstəklə möhkəmləndiyini göstərir.</p>
<p>Ən vacibi isə bu yaxınlığın gələcək nəsillərə ötürülməsidir. Təhsil, dil, mədəniyyət, turizm, gənclər və digər sahələrdə əlaqələrin inkişafı Azərbaycan və Özbəkistan xalqlarının bir-birini daha yaxından tanımasına imkan verəcək. Çünki dövlətlərarası dostluğun ən güclü tərəfi onun insanlar arasında da özünü göstərməsidir. Bu baxımdan, sənəd iki qardaş ölkənin gələcəyə birlikdə baxmasının ifadəsidir. Bu gün daha da dərinləşən siyasi, iqtisadi və humanitar əlaqələr gələcəkdə daha geniş əməkdaşlığa çevriləcək. Söhbət yalnız mövcud münasibətləri qorumaqdan deyil, onları gələcək nəsillər üçün daha möhkəm və davamlı şəkildə formalaşdırmaqdan gedir.</p>
]]><p>Belarus və Şimali Koreya (KXDR) yaxın gələcəkdə vətəndaşları üçün vizasız səyahət haqqında saziş imzalamağa hazırlaşır.</p>
<p>AZƏRTAC xəbər verir ki, bu barədə Belarusun xarici işlər naziri Maksim Rıjenkov “Belarus-1” televiziya kanalına müsahibəsində məlumat verib. Nazir sənədin tam hazır olduğunu bildirib: “Saziş artıq hazırdır, yalnız bir neçə texniki detal qalıb. Biz onu çox yaxın gələcəkdə imzalayacağıq”.</p>
<p>Məzuniyyətini KXDR-də keçirdiyini deyən nazir istirahət zamanı həmkarı Çoy Son-hui ilə də görüşdüyünü qeyd edib. Rıjenkovun sözlərinə görə, görüşdə ikitərəfli münasibətlərin bütün spektri, Xarici İşlər nazirlikləri arasındakı gələcək əlaqələr və vizasız rejim daxil olmaqla bir sıra mühüm sazişlər müzakirə edilib.</p>
<p>Xatırladaq ki, cari ilin mart ayının sonunda Belarus Prezidenti Aleksandr Lukaşenko KXDR-də Belarus səfirliyinin açılması və vizasız səyahət sazişinin hazırlanması işlərinin sürətləndirilməsi barədə tapşırıq vermişdi.</p>
]]><p>Kiyev və Helsinki Ukrayna və Avropanın ehtiyacları üçün Finlandiyada pilotsuz uçuş aparatlarının (PUA) birgə istehsalına dair sənədlər imzalayıblar.</p>
<p>AZƏRTAC Rusiya mediasına istinadla xəbər verir ki, bu barədə Ukrayna Prezidenti Vladimir Zelenski avqustun 23-də öz “Telegram” kanalında məlumat verib. Zelenski bildirib ki, yerli şirkətlər Finlandiyada dronların hazırlanması və istehsalı ilə bağlı rəsmi razılıq əldə ediblər. Onun sözlərinə görə, tərəflər dəniz dronlarının istehsalında imkanları genişləndirmək, həmçinin yerüstü robot sistemlərinin istehsalı üçün müştərək müəssisələr yaratmaq barədə razılığa gəliblər. Ukrayna lideri bu tərəfdaşlığın ölkəsinin döyüş təcrübəsi ilə Finlandiyanın qabaqcıl texnologiyalarını birləşdirəcəyini vurğulayıb.</p>
<p>Qeyd edək ki, bir müddət əvvəl "Politico" qəzeti Pentaqonun Ukraynaya silah tədarükündə aparıcı rolundan imtina edəcəyini yazmışdı. Avqustun 16-da isə ABŞ-nin bir neçə departament və agentliyinin Ukraynaya silah tədarükü ilə bağlı eyni vaxtda 49 araşdırma apardığı məlum olub.</p>
]]><p>“Neftçi” futbol üzrə Azərbaycan Premyer Liqasının II turunda “Araz-Naxçıvan”ı darmadağın edib.</p>
<p>AZƏRTAC xəbər verir ki, “Palms Sports Arena”da keçirilən qarşılaşma “ağ-qaralar”ın 5:0 hesablı qələbəsi ilə başa çatıb. Qolları Breno Almeyda (2), Falaye Sako, İqor Ribeyro və Endryu Qraviyon vurublar.</p>
<p>Bu nəticə ilə xallarını 6-ya çatdıran “Neftçi” liderliyə yüksəlib. İkinci pillədə qərarlaşan “Zirə”nin də 6 xalı var. “Araz-Naxçıvan” isə 1 xalla 9-cu sırada yer alıb.</p>
<p>Qeyd edək ki, turun əvvəlki oyunlarında “Şəfa” səfərdə “Qəbələ”yə 1:0, “Zirə” evdə “İmişli”yə 3:1 hesabı ilə qalib gəlib.</p>
<p>“Sabah” – “Sumqayıt” və “Qarabağ” – “Kəpəz” görüşləri isə avrokuboklara görə təxirə salınıb.</p>
]]><p>ABŞ administrasiyası İrana qarşı genişmiqyaslı “maliyyə hücumu”na başladığını elan edib.</p>
<p>AZƏRTAC Rusiya mediasına istinadla xəbər verir ki, ölkənin maliyyə naziri Skott Bessent bu addımı münaqişənin “son mərhələsi” kimi qiymətləndirib və 24 avqust tarixini həlledici “D” günü adlandırıb. Nazirin sözlərinə görə, Prezident Donald Trampın rəhbərliyi altında düşmənə qarşı indiyə qədər görünməmiş miqyasda ən böyük iqtisadi təzyiq mexanizmləri, o cümlədən əvvəllər istifadəsinə ehtiyac duyulmayan bütün dövlət strukturları və səlahiyyətləri tam aktivləşdirilib. Tramp daha əvvəl Tehrana qarşı amansız “iqtisadi müharibə və təcrid” siyasətini bəyan edərək, İrana hər hansı formada dəstək verən xarici maliyyə qurumlarını, biznesləri, hava limanlarını və dövlət orqanlarını ABŞ-nin ciddi sanksiyaları ilə hədələmişdi.</p>
<p>Rəsmi Tehran isə Vaşinqtonun bu hərəkətlərinə kəskin reaksiya verib.</p>
]]><p>Avqustun 23-də Azərbaycan Respublikasının birinci xanımı Mehriban Əliyeva və qızı Leyla Əliyeva Özbəkistan Respublikasının birinci xanımı Ziroatxon Mirziyoyeva, qızları Saida və Şaxnoza Mirziyoyevalar ilə birlikdə Daşkənddə “Oxunguzar” incəsənət məkanında olublar.</p>
<p>AZƏRTAC xəbər verir ki, bu layihə Özbəkistan Respublikasının Prezident Administrasiyası yanında Mədəniyyət və İncəsənətin İnkişafı Fondunun sifarişi ilə həyata keçirilib.</p>
<p>İncəsənət məkanında keramika, tikiş, zərgərlik məmulatları, həmçinin ağac üzərində oyma nümunələrinin nümayiş olunduğu sərgilər təşkil edilir.</p>
<p>Burada, eyni zamanda, müxtəlif görüşlər, mühazirələr və maarifləndirici tədbirlər keçirilir.</p>
]]><p>Avqustun 23-də Daşkənddə Azərbaycan Respublikasının Prezidenti İlham Əliyevin və Özbəkistan Respublikasının Prezidenti Şavkat Mirziyoyevin iştirakı ilə Azərbaycan və Özbəkistan Ali Dövlətlərarası Şuranın 3-cü iclası keçirilib.</p>
<p>AZƏRTAC xəbər verir ki, əvvəlcə Özbəkistan ilə Azərbaycan arasında dostluq, ticarət və investisiya əməkdaşlığı haqqında qısa film nümayiş olundu.</p>
<p>Sonra Özbəkistan Prezidenti Şavkat Mirziyoyev çıxış edərək dedi:</p>
<p>-Hörmətli İlham Heydər oğlu, əziz qardaşım. İclasın hörmətli iştirakçıları.</p>
<p>Sizi və qardaş Azərbaycan nümayəndə heyətini Daşkənddə bir daha səmimi-qəlbdən salamlayıram. Özbəkistana xoş gəlmisiniz.</p>
<p>Sizin səfəriniz bizim üçün ortaq tarix, mədəni yaxınlıq və qarşılıqlı hörmətlə bir-birinə bağlı olan, ruhən yaxın dövlətlərin görüşüdür. Bu gün Ali Dövlətlərarası Şuranın artıq üçüncü iclasını açırıq. Bu mexanizmin qüsursuz fəaliyyəti ölkələrimizin əldə etdiyi müttəfiqlik münasibətlərinin ən yüksək səviyyəsinin ən yaxşı nümayişidir.</p>
<p>Gündəlikdəki məsələlərə keçməzdən əvvəl, hörmətli İlham Heydər oğlu, Sizi Azərbaycanda həyata keçirdiyiniz uzaqgörən dərin islahatlar kursunun uğurla reallaşdırılması münasibətilə təbrik etmək istəyirəm. Biz qardaşlar və müttəfiqlər olaraq Azərbaycan iqtisadiyyatının necə dinamik və dayanıqlı inkişaf etdiyinə, yeni sahələrin və müasir infrastrukturun yaradılmasına səmimi-qəlbdən sevinirik. Bütün bunlar Azərbaycan xalqının rifahının sabit şəkildə yüksəlməsinə gətirib çıxarır. Sizin qətiyyətlə həyata keçirdiyiniz suveren siyasət ölkənin beynəlxalq nüfuzunun möhkəmlənməsinə, Cənubi Qafqazda sülh və quruculuq gündəliyinin irəlilədilməsinə xidmət edir.</p>
<p>Ötən ilin avqustunda Vaşinqtonda Azərbaycan, Ermənistan və ABŞ liderlərinin tarixi görüşünü və Birgə Bəyannamənin imzalanmasını Sizin şəxsi diplomatiyanızın parlaq qələbəsi kimi qiymətləndiririk. Sizi bir daha təbrik edir, Sizə yeni böyük uğurlar arzulayıram.</p>
<p>Hörmətli iclas iştirakçıları.</p>
<p>Biz ikitərəfli münasibətlərimizi tamamilə tarixi bir zirvəyə çatdırmışıq. Bunun təsdiqi kimi, hazırkı sammitin yekunları üzrə Əbədi dostluq haqqında tarixi Müqavilənin imzalanmasını göstərmək olar.</p>
<p>Ən başlıcası odur ki, strateji tərəfdaşlığımızın və müttəfiqliyimizin hər bir müddəası konkret, real işlərdə öz əksini tapır. Son beş ildə qarşılıqlı ticarətin həcmi 3 dəfə artıb, birgə layihələrin ümumi portfeli isə 5 milyard dolları ötüb. Bu da heç də son hədd deyil. Səfərə hazırlıq çərçivəsində Hökumətlərarası Komissiyanın iclası, Biznes Şurasının və Regionlar Forumunun toplantıları uğurla keçirilib və həmin tədbirlər çərçivəsində birgə layihə və proqramların icrası üzrə sıçrayış xarakterli təşəbbüslər hazırlanıb. İndi iki ölkənin hökumətlərinin, nazirliklərinin və idarələrinin əsas vəzifəsi onların səmərəli icrasını təmin etməkdir. Biz Dövlətlərarası Şuranın iclasını hər dəfə keçirərkən İlham Heydər oğlu ilə birlikdə həmişə sizə deyirik ki, məsələləri ciddi nəzarətə götürəcəyik.</p>
<p>Hərtərəfli əməkdaşlığımızın prioritet istiqamətlərini qısaca diqqətinizə çatdırmaq istəyirəm:</p>
<p>Birincisi, regional və beynəlxalq platformalarda ortaq maraqlarımızı təşviq etmək məqsədilə xarici siyasət idarələrimiz arasında sıx koordinasiyanı davam etdirmək vacibdir. Həmçinin məhdud formatda parlamentlər, hökumətlər, nazirliklər, idarələr və bölgələrimiz arasında əlaqələrə güclü təkan vermək barədə razılığa gəldik.</p>
<p>İkincisi, indi dediyim kimi, ən yaxın hədəfimiz 1 milyard dollarlıq ticarət dövriyyəsi həddinə çatmaqdır. Bunun üçün əsas bu gün qəbul etdiyimiz və həmin mühüm mərhələyə çatmaq üçün konkret tədbirləri müəyyənləşdirən proqram olacaq.</p>
<p>Üçüncüsü, sənaye kooperasiyasının dərinləşdirilməsinə xüsusi diqqət yetiririk. Ölkələrimizin biznes icmaları geologiya, energetika, kimya, maliyyə, tikinti, kənd təsərrüfatı və digər sahələrdə bir sıra layihələri uğurla həyata keçirir. Bu iclas çərçivəsində yeni layihələrə start verəcəyik. Təşəbbüsləri dəstəkləmək üçün birgə investisiya şirkətindən vəsaitləri fəal şəkildə cəlb etməliyik. İlham Heydər oğlu ilə razılaşdıq ki, 500 milyon vəsaiti tez bir zamanda istifadə etməliyik, sonra isə bu fondu artıracağıq. Çünki onun vəsaitlərini düzgün istiqamətdə tətbiq etmək üzrə yaxşı birgə təcrübə əldə etmişik. Bugünkü iclasda ticarətin artırılması və əməkdaşlığın dərinləşdirilməsi üzrə müfəssəl planlarına dair Hökumətlərarası Komissiyanın həmsədrlərini dinləyəcəyik.</p>
<p>Dördüncüsü, nəqliyyat nazirlərimizin qarşısında ciddi vəzifələr durur. Orta Dəhlizin inkişafı çərçivəsində Xəzərdə birgə donanmanın istifadəyə verilməsini sürətləndirməliyik. Həmçinin Xəzər dənizində vahid operatoru olan ayrıca Özbəkistan-Azərbaycan dəhlizi yaratmaqda maraqlıyıq.</p>
<p>Beşincisi, müttəfiqliyimiz çoxəsrlik ortaq tarixə və iki qardaş xalqın mədəni dəyərlərinin yaxınlığına əsaslanır. Bu zəngin irsi diqqətlə qorumaq və artırmaq, müntəzəm olaraq qarşılıqlı Mədəniyyət günlərini lazımi miqyasda keçirmək bizim borcumuzdur. Həm də bu cür tədbirlər yalnız paytaxtlarda deyil, ölkələrimizin bölgələrində keçirilməlidir. Bu gün biz birlikdə Nizami Gəncəvi adına Milli Pedaqoji Universitetin yeni binasını açacağıq və Yeni Daşkənddə “Azərbaycan” parkının tikintisinə start verəcəyik.</p>
<p>Xalqlarımızı daha da yaxınlaşdırmaq üçün Nizami Gəncəvi ilə Əlişir Nəvai arasında birgə filmlərin, ədəbi körpünün yaradılmasını təklif edirik. Bu, xalqlarımız üçün gözəl yaxınlaşma imkanı və gənclər üçün nümunə olardı. Biz belə silsilə filmlər yaratmalıyıq.</p>
<p>Biz bu ilin payızında Azərbaycanda iki ölkənin aparıcı universitetlərinin rektorlarının ikinci forumunun keçirilməsini dəstəkləyirik. Gələn il ölkələrimiz mühüm idman tədbirinə - gənclər arasında futbol üzrə dünya çempionatına ev sahibliyi edəcək. Bununla əlaqədar yarışlardan əvvəl keçirilən idman, mədəni və gənclər tədbirlərimizi bir araya gətirəcək genişmiqyaslı “İki ölkə - bir çempionat” proqramı hazırlamalıyıq. Həmçinin gənclərin təkcə idman arenalarında deyil, həm də intellektual fənlərdə yarışa biləcəyi Özbəkistan-Azərbaycan İdman Oyunlarının yaradılmasını təklif edirik. İlham Heydər oğlu, bunu komandalarımıza həvalə etsək, çox gözəl olardı.</p>
<p>Hörmətli iclas iştirakçıları.</p>
<p>Ölkələrimiz regional konsolidasiyanı və əməkdaşlığın gücləndirilməsini dəstəkləyir. Daşkəndin və Bakının regionlararası inteqrasiyanın əsas hərəkətverici qüvvələri kimi öz rollarını təmin etmələri sevindirici haldır. Azərbaycanın Məşvərət Görüşləri formatına qoşulması iki region arasında iqtisadi və humanitar əməkdaşlığın genişləndirilməsi üçün yeni üfüqlər açıb. Ortaq səylərlə səmərəli şəkildə yeni geoiqtisadi reallıq - birgə inkişaf üçün güclü potensiala malik vahid, özünü təmin edən makroregion yaradırıq.</p>
<p>Bu gün çoxşaxəli Özbəkistan-Azərbaycan tərəfdaşlığının digər məsələlərini də müzakirə edəcəyik. Bilməlisiniz ki, biz, sözün əsl mənasında, hər bir sahə üzrə əlimizdə qələmlə araşdırma aparmışıq. İlham Heydər oğlu ilə bütün digər istiqamətlərdə güclü, böyük layihələr həyata keçirmək üçün qarşılıqlı yaxşı istəyimiz var.</p>
<p>İlham Heydər oğlu, məmnunluqla sözü Sizə verirəm. Buyurun.</p>
<p>x x x</p>
<p>Qardaş Özbəkistana səfərə dəvətə, qonaqpərvərliyə, Azərbaycana və xalqımıza xoş münasibətinə, həmçinin ikitərəfli münasibətlərimizin inkişafına verdiyi şəxsi töhfəyə görə Prezident Şavkat Mirziyoyevə təşəkkürünü ifadə edən Prezident İlham Əliyev iclasdan əvvəl nümayiş etdirilən videoçarxda hazırda üzərində işlənilən layihələrin peşəkar şəkildə təqdim olunduğunu, onların bir hissəsinin artıq reallaşdığını, bir hissəsinin isə həyata keçiriləcəyini bildirib. “Əsas məsələ ondan ibarətdir ki, qarşılıqlı fəaliyyətimizin möhkəmləndirilməsi ilə bağlı konkret gündəliyimiz var. Əminəm ki, artıq müəyyən edilmiş layihələr həyata keçirildikcə yeni layihələr də meydana çıxacaq və bu videotəqdimata daha çox vaxt lazım olacaq. Əslində, mən belə bir təqdimata çox müsbət mənada təəccübləndim, çünki burada bu gün bizi birləşdirən əsas istiqamətlər öz əksini tapıb”.</p>
<p>Prezident İlham Əliyev iki ölkə arasındakı dostluq münasibətlərini və Özbəkistanın əldə etdiyi uğurları yüksək qiymətləndirərək deyib: “İlk növbədə, Sizi, hörmətli Şavkat Miromonoviç, Özbəkistandakı bütün qardaşlarımızı ölkənin inkişafında, onun potensialının möhkəmləndirilməsində, həm sosial-iqtisadi sahədə, həm də beynəlxalq arenada əldə olunan böyük uğurlar münasibətilə təbrik etmək istərdim. Bu gün Özbəkistan böyük beynəlxalq nüfuza malik dövlətdir. Bu isə ilk növbədə Sizin xidmətinizdir. Siz ölkəni inkişaf etdirmək, onun potensialını möhkəmləndirmək, o cümlədən Özbəkistanın beynəlxalq arenadakı rolunu gücləndirmək üçün yorulmadan çalışır, əmək sərf edirsiniz. Sizin də düzgün qeyd etdiyiniz kimi, biz ikitərəfli formatda, iştirak etdiyimiz bütün beynəlxalq təşkilatlarda həmişə bir-birimizi dəstəkləyirik. Bu, avtomatik rejimdə baş verir”.</p>
<p>Dövlətimizin başçısı, həmçinin Cənubi Qafqazda gedən müsbət proseslərə verdiyi qiymətə görə Şavkat Mirziyoyevə təşəkkür edib. Bildirib ki, Cənubi Qafqazda sülhün təmin olunması nəticəsində bu gün region, nəhayət rahat nəfəs ala və dinc inkişafın üstünlüklərini görə bilər.</p>
<p>Birgə İnvestisiya Fondunun potensialına toxunan Azərbaycan Prezidenti deyib: “Mənə məruzə ediblər ki, 500 milyon dollardan təxminən 160 milyonu artıq müəyyənləşdirilib. Təbii ki, düşünürəm, biz bu vəsaiti tezliklə istifadə edəcəyik və əməkdaşlığın yeni istiqamətlərini müəyyənləşdirəcəyik. Həmçinin deməliyəm ki, Azərbaycanın müxtəlif ölkələrlə bu cür əməkdaşlıq formatları var. Amma mən deyərdim ki, ən səmərəli və nəticəyönümlü fond məhz Özbəkistan-Azərbaycan İnvestisiya Fondudur. Lakin bizim nəzərdə tutduğumuz və artıq müqavilələri bağlanmış layihələr üzrə investisiyaların həcmi fondun həcmindən xeyli çoxdur. Bu təqdimatda deyildi ki, təkcə Özbəkistanın turizm sektoruna 5 milyard dollar investisiya yatırılması planlaşdırılır. Həmçinin Daşkənddə həyata keçirilən layihələr, – hotel kompleksləri və yaşayış kompleksləri, – bu İnvestisiya Fondunun çərçivəsindən kənardadır. Ona görə də ümumilikdə investisiya portfelinə baxsaq, onun müəyyən etdiyimiz 500 milyon dollardan xeyli böyük olduğunu görərik”.</p>
<p>Prezident İlham Əliyev Qarabağın bərpa edilməsi prosesində göstərilən dəstəyə görə təşəkkürünü bildirərək vurğulayıb ki, Özbəkistan və onun dövlət başçısı azad olunmuş ərazilərə praktiki yardım göstərən ilk ölkə və ilk Prezident olub. “Mirzə Uluqbəy adına məktəb bu gün artıq orada təhsil ala biləcək şagirdlərin demək olar ki, hamısını qəbul edib. Məktəb təxminən 1000 nəfərlikdir, son məlumatlara görə isə orada artıq bir neçə yüz şagird təhsil alır və bu məktəb həm də dostluğumuzun, qardaşlığımızın bir rəmzidir. Həmçinin biz Sizinlə birlikdə Xankəndidə özbək dostlarımız tərəfindən rekord qısa müddətdə yaradılmış tikiş fabrikini ziyarət etmişik. Biz Xankəndidə birlikdə kollektivlə də görüşmüşük. Təbii ki, Qarabağ regionunda iş yerlərinin yaradılması, - xüsusilə qadınlar üçün, - hazırda böyük əhəmiyyət daşıyır. Yenə də müasir istehsal müəssisəsinin yaradılması və 200-dən çox iş yerinin açılması üzrə ilk investisiya layihəsi Özbəkistan tərəfindən həyata keçirilir. Buna görə Sizə çox minnətdaram”, - deyə Azərbaycan Prezidenti vurğulayıb.</p>
<p>Özbəkistanın avtomobil sənayesindəki təcrübəsinin bu gün Azərbaycana da ötürüldüyünü xatırladan dövlətimizin başçısı qeyd edib ki, ilk layihə həyata keçirilib, lakin hazırda tam istehsal dövründən söhbət gedir. Hacıqabulda 80 milyon dollardan çox investisiya yatırılması planlaşdırılır və ikinci zavod tikilir. Bu zavod, əslində, ölkəmizin avtomobil sənayesinə böyük təkan verəcək.</p>
<p>Kənd təsərrüfatının inkişafı ilə bağlı layihələrin də uğurla icra olunduğunu vurğulayan Prezident İlham Əliyev deyib: “Nəqliyyat-tranzit sahəsində artıq müəyyən nəticələrimiz var. Mənə məruzə ediblər ki, Özbəkistandan Azərbaycan ərazisindən yüklərin həcmi artır. Özbəkistan üçün bərə tikintisini də sürətləndirmək zəruridir. Şavkat Miromonoviçlə bu barədə danışmışıq. Məsələ həllini tapıb, sadəcə, bu layihəni prioritet siyahıya daxil etmək lazımdır. Hazırda gəmiqayırma zavodumuzda, eyni zamanda, təxminən on müxtəlif modifikasiyalı - bərə, tanker və quru yük gəmiləri inşa edilir. Zavod indi yüz faiz gücü ilə işləyir”.</p>
<p>Nəqliyyat sektorundakı layihələrə toxunan dövlət başçısı Zəngəzur dəhlizinin reallaşdırılması istiqamətində işlərin fəal şəkildə davam etdirildiyini bildirib. Azərbaycanın əsas hissəsində bu layihənin gələn il başa çatacağını vurğulayan Prezident İlham Əliyev Naxçıvan Muxtar Respublikasında da müvafiq işlərə başlanıldığını diqqətə çatdırıb. Konseptual yanaşmanın Naxçıvan dəmir yolunu Azərbaycan dəmir yollarının tərkib hissəsi kimi görməkdən ibarət olduğunu qeyd edən dövlət başçısı bu marşrut üzrə investisiya yatırmaq, mənfəət əldə etmək və daşıma həcmlərini təmin etmək istəyən maraqlı şirkətlər və ölkələrin iştirakı ilə beynəlxalq konsorsiumun yaradılmasının planlaşdırıldığını vurğulayıb.</p>
<p>“Məlumat üçün bildirmək istəyirəm ki, Ermənistanda da işlər gedir, amerikalı tərəfdaşlarımız bizi bu barədə müntəzəm məlumatlandırırlar. Bizə deyilənlərə görə, Ermənistan ərazisində tikinti ya bu ilin sonunda, ya da gələn ilin əvvəlində başlayacaq. Lakin oradakı məsafə cəmi 42 kilometrdir, Naxçıvan Muxtar Respublikasının ərazisində isə 194 kilometrdir. Bəli, buna görə də işə başladıq, bütün hallarda onu tamamlayacağıq. Amma müxtəlif şirkətlərdən maraq olduğunu bildiyimiz üçün sadəcə məlumat vermək istərdim ki, əgər maraq varsa, təklif olunan konsorsiumda iştirak etmək imkanı mövcuddur”, - deyə dövlətimizin başçısı əlavə edib.</p>
<p>Həmçinin diqqətə çatdırılıb ki, Azərbaycan Bakıdan Ermənistan sərhədinə qədər təxminən 400 kilometr məsafədə olan mövcud dəmir yolu xəttinin bir hissəsini sıfırdan yenidən qurur və modernləşdirir. Xəttin Naxçıvan hissəsi isə təxminən 200 kilometrdir. Bu, Orta Dəhlizin əhəmiyyətli bir qolu olacaq.</p>
<p>Azərbaycanın Mərkəzi Asiya ölkələrinin Məşvərət Görüşünə tamhüquqlu üzv kimi cəlb olunmasında Özbəkistan Prezidentinin xüsusi rolunu vurğulayan dövlətimizin başçısı bu qərarın Daşkənddə keçirilən görüşdə qəbul edilməsinin rəmzi məna daşıdığını diqqətə çatdırıb və buna görə təşəkkürünü ifadə edib. Azərbaycanın bu formatda tamhüquqlu iştirakının təmin edilməsində Özbəkistan liderinin şəxsi rolunu yüksək qiymətləndirən Prezident İlham Əliyev bildirib ki, Azərbaycan Mərkəzi Asiya ölkələri ilə əməkdaşlıq çərçivəsində məsuliyyətlidir və bu işə böyük həvəslə yanaşır.</p>
]]><p>Avqustun 23-də Daşkənddə Azərbaycan və Özbəkistan prezidentlərinin təltifolunma mərasimi keçirilib.</p>
<p>AZƏRTAC xəbər verir ki, əvvəlcə Özbəkistan Prezidenti Şavkat Mirziyoyev çıxış edərək dedi:</p>
<p>-Hörmətli İlham Heydər oğlu, Özbəkistana bir daha xoş gəlmisiniz. Bizim hər bir görüşümüz tarixdir. Bugünkü səfər də tarixidir. Bu gün bütün istiqamətləri, hər bir layihəni çox dəqiqliklə nəzərdən keçirdik və İlham Heydər oğlu olduqca ciddi dəstək verdi. Biz yeni Yol Xəritəsini qəbul etdik, ticarət dövriyyəsini bir milyard dollara çatdırmaq barədə razılıq əldə etdik. Əlbəttə, bu, son hədd deyil.</p>
<p>Əziz dostlar, Azərbaycan Prezidentinin Özbəkistana səfəri tarixi hadisədir. Biz görülən işlər və iki liderin iradəsi sayəsində nələrə nail olduğumuz barədə özümüzə daim hesabat verməliyik. Bu, qısa müddətdə əldə olunan böyük nəticədir. İlham Heydər oğluna dedim ki, 27 il aramızda heç bir nəticə olmayıb. Başa düşənlər bunu anlayır. Beləliklə, bu gün ikitərəfli münasibətlərin möhkəmləndirilməsində yeni səhifə açırıq. Qardaş Azərbaycanın nailiyyətlərinə səmimi-qəlbdən heyranıq. Hörmətli İlham Heydər oğlu, Azərbaycan Sizin rəhbərliyiniz ilə ölkənin inkişafında və beynəlxalq arenada böyük uğurlar qazanır. Yaxın dost, yaxın qonşu və müttəfiq olaraq, biz həmişə bu nəticələrə sevinirik. Siz ölkənin ərazi bütövlüyünü bərpa etməklə bir daha xalqınızı birləşdirdiniz. Siz dahi atanız, hörmətli Heydər Əliyevin işini layiqincə davam etdirirsiniz, onun müdrik vəsiyyətlərini, arzularını və istəklərini ardıcıl olaraq həyata keçirirsiniz. Azərbaycana səfərlərim zamanı şəxsən Qarabağda baş verən böyük dəyişikliklərin və bölgənin dinamik inkişafının şahidi oldum. Həmişə deyirəm ki, Azərbaycan bizim yaxın, etibarlı, zamanın sınağından çıxmış dostumuz və tərəfdaşımızdır.</p>
<p>Əsrlərdən bəri iki ölkənin xalqlarını qardaşlıq münasibətləri, ortaq tarix və din, oxşar mədəniyyət, dil və adət-ənənələr birləşdirir. İlham Heydər oğlu, Siz Özbəkistanla çoxşaxəli əməkdaşlığın inkişafına böyük töhfə vermisiniz. Siz ölkələrimiz arasında müttəfiqliyin ön sıralarında olmusunuz.</p>
<p>Əminəm ki, Əbədi dostluq haqqında Müqavilə münasibətlərimizi yeni məzmunla zənginləşdirəcək. Bu gün ölkəmizin əsl dostu olan Sizə bu nüfuzlu mükafatı - ən yüksək dərəcəli “Dostluq” ordenini təqdim etməkdən xüsusilə məmnunam. Bu, Özbəkistanla Azərbaycan arasında əbədi dostluq, strateji tərəfdaşlıq və müttəfiqlik münasibətlərinin möhkəmləndirilməsinə Sizin verdiyiniz böyük töhfəyə hörmətin və minnətdarlığın rəmzidir. Sizi ürəkdən təbrik edirəm. Sizə möhkəm cansağlığı, ali dövləti vəzifənizdə yeni-yeni uğurlar, qardaş Azərbaycan xalqına isə sülh və tərəqqi arzulayıram. Bilirsiniz, bunun baş verməsi məni çox sevindirir. Fərmanı məmnunluqla imzaladım, bu günün gəlib çatması ilə fəxr edirdim. İlham Heydər oğlu, Sizi bu münasibətlə təbrik edirəm. Bu, Özbəkistan dövlətinin ən yüksək ordenidir və Siz əmin ola bilərsiniz ki, buna layiqsiniz. Təbrik edirəm.</p>
<p>x x x</p>
<p>Prezident Şavkat Mirziyoyev ali dərəcəli “Dostluq” ordenini dövlətimizin başçısına təqdim etdi.</p>
<p>x x x</p>
<p>Sonra çıxış edən Prezident İlham Əliyev dedi:</p>
<p>-Hörmətli Şavkat Miromonoviç.</p>
<p>Əziz dostlar.</p>
<p>Əvvəlcə, fəaliyyətimə verilən belə yüksək qiymətə görə Sizə səmimi-qəlbdən minnətdaram. Siz dediyiniz kimi, ali dərəcəli, - Azərbaycan dilində də bu, belə səslənir – “Ali dərəcəli”, - “Dostluq” ordeni ilə təltif olunmağım mənim üçün böyük şərəfdir. Belə qardaş münasibətinə görə Sizə ürəkdən təşəkkür etmək istərdim. Artıq dediyim kimi, bu, mənim üçün böyük şərəfdir və bu yüksək mükafata layiq olmaq, xalqlarımız, dövlətlərimiz arasında dostluğu və qardaşlığı möhkəmləndirmək naminə fəaliyyətimə davam etmək üçün bundan sonra da bütün səylərimi əsirgəməyəcəyəm.</p>
<p>Şavkat Miromonoviç çıxışında münasibətlərimizin strateji müttəfiqlik xarakterini qeyd etdi. Biz buna nisbətən qısa müddət ərzində nail olmuşuq. Özbəkistana səfərlərimin xronologiyasına baxanda ən intensiv dövr son dörd-beş ilə təsadüf edir. Bu müddət ərzində mən Özbəkistana artıq yeddinci dəfədir səfər edirəm, Şavkat Miromonoviçin Azərbaycana səfərlərinin sayı isə həmin dövrdə daha çox olub.</p>
<p>Bu, sadəcə statistikadır. Amma bu statistikanın arxasında, ilk növbədə, ortaq köklərimiz, xalqlarımızın yaxınlığı, mədəniyyətlərimizin, dillərimizin və adət-ənənələrimizin yaxınlığı, bir-birimizə qarşı səmimi münasibət, özbək və Azərbaycan xalqları arasında əsrlər boyu davam edən dostluq dayanır. Bu, həmin təməldir - əlbəttə, qardaşlığımızın bu binasını necə möhkəmləndirdiyimiz, hansı layihələri həyata keçirdiyimiz, qarşılıqlı fəaliyyətimizə və ölkələrimizin inkişafına yönəlmiş müxtəlif təşəbbüslərdə necə birgə iştirak etdiyimiz.</p>
<p>Əlbəttə, bu yüksək mükafatı alarkən Özbəkistan Prezidenti Şavkat Miromonoviç Mirziyoyevin ikitərəfli münasibətlərimizin möhkəmlənməsindəki xüsusi rolunu, xalqımıza qarşı səmimi münasibətini və Qarabağın bərpasında göstərdiyi köməyi qeyd etmək istərdim. Mən bu gün artıq bu barədə danışdım və Azərbaycanda hamı bilir ki, dünyada Qarabağın bərpasında bizə ilk kömək edən Prezident, ilk ölkə Prezident Mirziyoyev və Özbəkistandır.</p>
<p>Təbii ki, Özbəkistana hər dəfə səfər edəndə artıq bir çox yerləri gəzmişəm, Daşkəndin necə gözəlləşdiyini, binaların, küçələrin və infrastrukturun necə yeni görkəm aldığını, bütün bu işlərin necə böyük zövqlə, böyük sevgi ilə və yüksək keyfiyyətlə görüldüyünün şahidi olmuşam. Əziz qardaşımın “Yeni Daşkənd” layihəsi müasir şəhərsalmanın nadir əsəridir, Özbəkistan paytaxtının gələcək inkişafı ilə bağlı onun vizyonunun nəticəsidir.</p>
<p>Əlbəttə ki, bu, həm də Özbəkistanın inkişafının və qüdrətinin rəmzidir. Heç də hər ölkə sıfırdan şəhərlər tikmək imkanına malik deyil. Buraya Səmərqəndin necə dəyişdiyini də əlavə etməliyəm. Bunu ilk səfərimdən və nisbətən bu yaxınlarda orada olduğumuz vaxtdan yaxşı xatırlayıram. Keçən səfərimdə olduğum Xivə də çox gözəl təəssürat yaratdı. Tarixi abidələrin qorunması, tarixi memarlığa diqqət yetirilməsi, həmçinin şəhərsalmada müasir inkişaf tam və müvafiq şəkildə vəhdət təşkil edir. Bütün bunlar Şavkat Miromonoviçin Özbəkistanı gücləndirmək, ölkənin potensialını artırmaq, onun iqtisadiyyatını və sənayesini inkişaf etdirmək üzrə məqsədyönlü fəaliyyətinin nəticəsidir.</p>
<p>Bu gün kənd təsərrüfatı, sənaye, dağ-mədən və energetika sahələrində birgə layihələrdən xeyli danışdıq. Lakin ölkələrimizin bu potensialı olmasaydı, bunlar mümkün olmazdı. Bu zəmin olmasaydı, birgə layihələr haqqında düşünə bilməzdik, yalnız ölkə daxilində işləri necə yaxşılaşdırmaq barədə düşünərdik. Bu gün isə biz qarşılıqlı fəaliyyətə, birgə investisiyalara diqqət yetiririk. Birgə investisiyalar milyardlarla dollar təşkil edəcək. Bunlar artıq planlar deyil, konkret layihələr, konkret müqavilələr və bizim konkret investisiya təşəbbüslərimizdir. Əlbəttə ki, dost və qardaş olaraq hörmətli Şavkat Miromonoviçi bütün nailiyyətləri münasibətilə təbrik etmək istərdim. Biz buna ürəkdən sevinirik. Qardaşlığa və müttəfiqliyə əsaslanan ikitərəfli münasibətlərimizin möhkəmləndirilməsinə verdiyi böyük töhfəyə görə Şavkat Miromonoviç Mirziyoyevi Azərbaycanın ən ali ordeni – “Heydər Əliyev” ordeni ilə təltif etmək haqqında Sərəncam imzaladım.</p>
<p>x x x</p>
<p>Prezident İlham Əliyev “Heydər Əliyev” ordenini Özbəkistanın dövlət başçısına təqdim etdi.</p>
]]><p>Təbii ki, Özbəkistana hər dəfə səfər edəndə artıq bir çox yerləri gəzmişəm, Daşkəndin necə gözəlləşdiyini, binaların, küçələrin və infrastrukturun necə yeni görkəm aldığını, bütün bu işlərin necə böyük zövqlə, böyük sevgi ilə və yüksək keyfiyyətlə görüldüyünün şahidi olmuşam.</p>
<p>AZƏRTAC xəbər verir ki, bu sözləri Prezident İlham Əliyev Özbəkistan Prezidenti Şavkat Mirziyoyevlə təltifetmə mərasimində bildirib.</p>
<p>Dövlətimizin başçısı deyib: “Əziz qardaşımın “Yeni Daşkənd” layihəsi müasir şəhərsalmanın nadir əsəridir, Özbəkistan paytaxtının gələcək inkişafı ilə bağlı onun vizyonunun nəticəsidir”.</p>
]]><p>Bu gün Tərtər, Ağdaş, Bərdə, Goranboy və Bakının Yasamal rayonunun bir sıra ərazilərinə enerjisinin verilişində məhdudiyyət yaranacaq.</p>
<p>AZƏRTAC xəbər verir ki, bu barədə "Azərişıq" ASC məlumat yayıb. Bildirilib ki, elektrik enerjisinin verilişində keyfiyyət göstəricilərinin artırılması, artan yük tələbatının qarşılanması məqsədilə bir sıra rayonlarda və paytaxtda elektrik şəbəkələrində təmir işləri aparılacaq.</p>
<p>Tərtər Elektrik Şəbəkəsinin (EŞ) xidməti ərazisində saat 10:00-dan 14:00-dək 10 kV-luq elektrik xəttinə toxunan ağacların budanması işləri ilə əlaqədar İrəvanlı və Bayandur kəndlərinin bir hissəsində elektrik enerjisinin verilişində məhdudiyyət tətbiq olunacaq.</p>
<p>Ağdaş EŞ-yə daxil olan 35 kV-luq "Pirəzə" və 10 kV-luq "Kükəl" hava xətlərində görüləcək təmir işləri ilə əlaqədar saat 10:00-dan 17:00-dək Abad, Ağzıbir, Ağcaqovaq, Eymur, Ərəbşəki, Hüşün, Xınaxlı, Kotavan, Kükəl, Qaradeyin, Qaraoğlan, Pirəzə kəndlərinin bəzi ərazilərində enerjinin verilişində fasilə yaranacaq.</p>
<p>Bərdə EŞ ərazisində yerləşən 35/10 kV-luq "Şirvanlı" yarımstansiyasında 16 mVA gücündə yeni transformatorun quraşdırılması ilə əlaqədar planlı fasilə saat 10:00-dan 19:00-dək Böyük Qacar, Dəymədağıldı, Hüseynbəyli, Xanxanımlı, Kətəlparaq, Qullar, Qurdlar, Piyadalar, Soğanverdilər, Şahvəlilər, Şirvanlı, Uğurbəyli kəndlərini əhatə edəcək.</p>
<p>Goranboyda bir sıra 10 kV-luq hava xətləri boyunca həyata keçirilən ağac budanması işləri ilə əlaqədar saat 09:45-dən 14:45-dək Bəşirli, Göynüyən və Hazırəhmədli, saat 10:00-dan 15:00-dək Xınalı, Qaramusalı kəndlərinin bir hissəsində enerjinin verilişi məhdudlaşdırılacaq.</p>
<p>Regionlarla yanaşı, paytaxtda Yasamal Rayon Enerji Təchizatı və Satışı İdarəsinin (RETSİ) ərazisində Transformator Məntəqəsində (TM) təmir işi aparılacaq. Bununla əlaqədar olaraq saat 10:00-dan saat 13:00-dək Ələsgər Ələkbərov, Hüseyn Cavid, Eldar Ağayev, Abbas Mirzə Şərifzadə, Mirəli Seyidov, Nazim Hikmət küçələrinin bir hissəsində enerjinin verilişində məhdudiyyət yaranacaq.</p>
<p>Görülən işlər yekunlaşdıqdan sonra həmin ərazilərdə abonentlər daha keyfiyyətli və dayanıqlı elektrik enerjisi ilə təmin olunacaqlar.</p>
]]><p>Bakının bəzi yollarında nəqliyyatın sıxlığı müşahidə olunur.</p>
<p>AZƏRTAC xəbər verir ki, bu barədə Nəqliyyatı İntellektual İdarəetmə Mərkəzi (NİİM) məlumat yayıb.</p>
<p>Hazırda yollardakı vəziyyət:</p>
<p>1. Bakı-Sumqayıt şosesi, "20 Yanvar" metro stansiyası istiqamətində;</p>
<p>2. 1-ci Göl kənarı yolu, Ziya Bünyadov prospekti istiqamətində;</p>
<p>3. Ziya Bünyadov prospekti, Əhməd Rəcəbli küçəsi ilə kəsişmədən Atatürk prospekti ilə kəsişməyə qədər;</p>
<p>4. 8 Noyabr prospekti, Süleyman Əhmədov küçəsi ilə kəsişmədən mərkəz istiqamətində sıxlıq müşahidə olunur.</p>
]]><p>Azərbaycan Respublikası Dövlət Təhlükəsizliyi Xidməti (DTX) tərəfindən həbs edilmiş B.H.R. və İ.R.F. barəsində cinayət işi üzrə məhkəmə prosesi yekunlaşıb.</p>
<p>AZƏRTAC xəbər verir ki, müvafiq proses təcrübədə ilk dəfə kriptovalyutanın dövlət nəfinə müsadirə edilməsi ilə fərqlənib. Belə ki, Yasamal Rayon Məhkəməsinin hökmünə əsasən ittiham olunan şəxslər Cinayət Məcəlləsinin 206-1.3-cü maddəsi üzrə əvəzləşdirmə və digər qarşılıqlı hesablaşma üsulları ilə xüsusilə külli miqdarda pul vəsaitlərinin qanunsuz olaraq Azərbaycandan xarici ölkəyə və ya xarici ölkədən Azərbaycana gizli köçürülməsi fəaliyyətinin təşkilində təqsirli biliniblər. B.H.R. 2 il 5 ay müddətinə azadlığın məhdudlaşdırılması və 3 milyon 623 min 568 manat cərimə cəzasına, İ.R.F. isə 3 il müddətinə azadlığın məhdudlaşdırılması və 31 milyon 399 min 709 manat cərimə cəzasına məhkum ediliblər.</p>
<p>Eyni zamanda, hökmlə ibtidai istintaq dövründə məhkəmə qərarı ilə üzərinə həbs qoyulmuş “Binance” beynəlxalq virtual aktiv xidməti təminatçısındakı hesabda saxlanılan 830 ədəd kriptovalyuta dövlət nəfinə müsadirə edilib.</p>
<p>Vurğulanmalıdır ki, Cinayət Məcəlləsinin 99-1-ci maddəsinə əsasən, xüsusi müsadirə cinayət törədilərkən istifadə olunan alət və vasitələrin, cinayət yolu ilə əldə olunan əmlakın məcburi və əvəzsiz olaraq dövlət nəfinə alınmasını nəzərdə tutur. Bununla yanaşı, “Cinayət yolu ilə əldə edilmiş əmlakın leqallaşdırılması və terrorçuluğun maliyyələşdirilməsinə qarşı mübarizə haqqında” Azərbaycan Respublikası Qanununun 1.1-ci maddəsinə görə cinayət yolu ilə əldə edilmiş əmlak dedikdə, həmçinin virtual aktivlər başa düşülür.</p>
<p>Kriptovalyutanın dövlət nəfinə müsadirə edilməsinin icrası mexanizmi praktiki olaraq yenilikdir və müvafiq məsələ mediada geniş müzakirə mövzusudur. Bu baxımdan hazırkı dövrədək tənzimlənməyən sözügedən sahə Azərbaycanla yanaşı, qlobal miqyasda da nisbətən yeni istiqamət olaraq qalır.</p>
<p>Xatırladaq ki, Azərbaycanda virtual aktivlər və kripto bazarlarının hüquqi tənzimlənməsini nəzərdə tutan qanunun qəbul edilməsi istiqamətində intensiv işlər aparılır.</p>
]]><p>Doqquz hissədən ibarət kitabın ilk bölməsində Azərbaycan “qəribə və gözəl ölkə” kimi oxucuya tanıdılır, ölkənin tarixi və mədəni irsi, görməli yerləri və turizm imkanları haqqında məlumat verilir. Nəşrin ilk 32 səhifəsi isə Azərbaycanın müxtəlif bölgələrini, Bakı, Qobustan, Şəki kimi məkanları, milli mətbəxi və süfrə ənənələrini əks etdirən rəngli fotoşəkillərdən ibarətdir.</p>
<p>Kitabın əsas mövzularından biri Azərbaycan şərabçılığı və onun ölkələr arasında mədəni körpüyə çevrilməsidir. Müəllif Azərbaycan və Gürcüstanın paylaşdığı qədim şərab mədəniyyətindən, Xəzər dənizinin təbiətindən və Azərbaycanın müxtəlif şərab növlərindən bəhs edir. Eyni zamanda, oxuculara Azərbaycan şərabçıları, şərab istehsalı və şərab vasitəsilə ölkəni tanımaq imkanları barədə məlumat təqdim olunur.</p>
<p>Əlibəy Məmmədov kitabda Azərbaycan-Yaponiya münasibətlərinə də xüsusi yer ayırıb. Onun sözlərinə görə, bir butulka şərabın Yaponiyada təqdimatı zamanla yalnız məhsul satışından ibarət olmayıb, Azərbaycanın tarixini, mədəniyyətini, iqtisadiyyatını, insanların gündəlik həyatını və süfrə ənənələrini yapon cəmiyyətinə çatdıran vasitəyə çevrilib. Müəllif bu prosesi belə xarakterizə edir: “Bu, təkcə bir butulka şərab satmaq deyil. Azərbaycanın mədəni irsini, tarixini, insanların gündəlik həyat tərzini, süfrəsini və mentalitetini yaponlara çatdırmaqdır”.</p>
<p>Nəşrdə Azərbaycan süfrə mədəniyyəti də geniş təqdim olunur. Dolma, qutab və digər milli yeməklərlə yanaşı, Azərbaycan ailəsində qonağa münasibət, evə dəvət, ən yaxşı yeməyin və ən rahat yerin qonağa təqdim edilməsi kimi ənənələrdən bəhs edilir.</p>
<p>Kitabın son bölmələrində isə Azərbaycan və Yaponiya arasında gələcək əməkdaşlıq imkanları nəzərdən keçirilir. Mədəniyyət, iqtisadiyyat, biznes və kənd təsərrüfatı məhsulları vasitəsilə iki ölkə arasında əlaqələrin daha da inkişaf etdirilməsinin mümkün istiqamətləri diqqətə çatdırılır.</p>
<p>Əlibəy Məmmədovun fikrincə, Azərbaycanı xarici auditoriyaya tanıtmağın ən təsirli yollarından biri ölkənin qonaqpərvərlik və süfrə mədəniyyətini, tarixi və gündəlik həyatını bir arada təqdim etməkdir: “Yeni nəşr olunan “Şərabla səfər edəcəyiniz Azərbaycan” kitabı da bu yanaşmanın Yaponiyada yazılı formada davamıdır. Ümumiyyətlə, bu, yalnız şərab haqqında kitab deyil. Nəşr bir məhsul üzərindən bütöv bir ölkənin — onun tarixinin, mədəniyyətinin, insanlarının, qonaqpərvərlik ənənələrinin və turizm imkanlarının Yaponiyada tanıdılmasına yönəlmiş təqdimat nümunəsidir”.</p>
<p>Nəşrdə Azərbaycana dair geniş məlumatlar, fotoşəkillər və ölkənin turizm, mədəniyyət və şərabçılıq imkanlarını birləşdirən materiallar yer alıb.</p>
<p>Qeyd edək ki, kitabın 2026-cı il avqust ayının 31-dən Yaponiyada rəsmi satışlarına başlanılacaq. Artıq “Amazon” reytinqlərində də yapon dilində kifayət qədər satışları gedir və ön sıralardadır. Kitab, eyni zamanda bir çox mərkəzi kitabxanalara, universitetlərə paylanılacaq. </p>
<p>Xatırladaq ki, Əlibəy Məmmədov 2012-ci ilədən Yaponiyada yaşayır. Hokkaydo Universitetində siyasi elmlər üzrə təhsil alıb. Yaponiya hökuməti təqaüdçüsü olmuş Əlibəy Məmmədov, eyni zamanda konfliktoloq, Yaponiya-Azərbaycan Əməkdaşlıq Assosiasiyasının sədridir. Diaspor fəaliyyətinə təhsil illərindən başlayıb. 2015-ci ildən isə Yaponiyada biznes sahəsində fəaliyyət göstərir. Onun 2018-ci ildə yapon dilində “Azərbaycanın indi maraqlı olmasının səbəbləri”, bu ilin aprelində isə “Azərbaycan adlı strategiya” adlı kitabları çap olunub.</p>
<p><img src="https://xalqqazeti.az/uploads/galleries/252886/2.jpg" /><br /> <br /> <img src="https://xalqqazeti.az/uploads/galleries/252887/3.jpg" /><br /> <br /> <img src="https://xalqqazeti.az/uploads/galleries/252888/4.jpg" /><br /> <br /> <img src="https://xalqqazeti.az/uploads/galleries/252889/5.jpg" /><br /> <br /> <img src="https://xalqqazeti.az/uploads/galleries/252890/6.jpg" /></p>
]]><p>Hazırda Azərbaycan ilə İndoneziya arasında qarşılıqlı maraq doğuran bir sıra sahələr, xüsusilə də iqtisadiyyat, qarşılıqlı investisiya qoyuluşu, humanitar və digər istiqamətlər üzrə əməkdaşlığımızın əhatə dairəsinin daha da genişləndirilməsi üçün yaxşı imkanlar vardır.</p>
<p>AZƏRTAC xəbər verir ki, bu fikir Azərbaycan Prezidenti İlham Əliyevin İndoneziya Prezidenti Prabovo Subiantoya bu ölkənin Müstəqillik Günü münasibətilə ünvanladığı təbrik məktubunda yer alıb.</p>
<p>Məktubda, həmçinin Azərbaycan-İndoneziya dostluğunun və əməkdaşlığının xalqlarımızın rifahı naminə möhkəmlənməsinə nail olunacağına əminlik ifadə edilib.</p>
]]><p>“Neftçi” Azərbaycan Premyer Liqasındakı uğursuz start seriyasına son qoyub.</p>
<p>AZƏRTAC xəbər verir ki, ardıcıl üç mövsümə qələbəsiz başlayan Bakı klubu I turda “Sumqayıt”a qalib gəlib – 3:1.</p>
<p>“Ağ-qaralar” sonuncu dəfə 2022/2023-cü illər mövsümünə qələbə ilə başlamışdı. Həmin vaxt “Neftçi” səfərdə “Şamaxı”nı 1 qolla məğlub edib.</p>
<p>“Neftçi”nin ilk turda ən azı 3 qol vurması isə sonuncu dəfə 2013/2014-cü illər mövsümündə qeydə alınmışdı. 13 il əvvəl paytaxt derbisində AZAL üzərində böyükhesablı ev qələbəsi əldə olunub – 4:1.</p>
<p>“Ağ-qaralar” startdakı səfər görüşündə 3 və ya daha çox qol vurmağı sonuncu dəfə 25 il əvvəl bacarmışdı. 2001/2002-ci illər mövsümündə “Ümid”in qonağı olan “Neftçi” 4 cavabsız qolla qalib gəlib.</p>
]]><p>2026-cı ilin yanvar-iyul aylarında Azərbaycandan dəyəri 54,79 milyon dollar olmaqla 152,6 min ton metanol ixrac olunub.</p>
<p>AZƏRTAC xəbər verir ki, bu barədə Dövlət Gömrük Komitəsinin (DGK) yaydığı məlumatda deyilir.</p>
<p>Hesabat dövründə ixrac olunan metanolun dəyəri əvvəlki illə müqayisədə 8,4 faiz, həcmi isə 37,9 faiz azalıb.</p>
<p>Qeyd edək ki, 2025-ci ilin müvafiq aylarında ölkədən 245,9 min ton metanol ixrac olunub, ixracın dəyəri 59,79 milyon dollar təşkil edib.</p>
]]><p>Azərbaycan Prezidenti İlham Əliyev Bakıda səfərdə olan Ukraynanın sabiq Prezidenti Viktor Yuşenko ilə görüşüb.</p>
<p>AZƏRTAC xəbər verir ki, bu barədə dövlətimizin başçısının “X” sosial şəbəkə hesabında bildirilib.</p>
<p>Paylaşımda, həmçinin qeyd olunub: “20 ildən artıq davam edən tanışlığımız əsnasında xoş xatirələrimizi bölüşdük, Azərbaycan–Ukrayna münasibətlərinin möhkəmləndirilməsi istiqamətində gördüyümüz birgə işləri xatırladıq və əlaqələrin gələcək perspektivləri barədə fikir mübadiləsi apardıq.</p>
<p>Görüş zamanı Ukraynanın Azərbaycandakı səfiri tərəfindən mənə “İrpin şəhərinin fəxri vətəndaşı” vəsiqəsi təqdim edildi”.</p>
]]><p>Ali təhsil müəssisələrinə qəbul imtahanında III ixtisas qrupunun DT altqrupu üzrə 893 nəfər, TC altqrupu üzrə isə 10 nəfər 600 və daha çox bal toplayıb.</p>
<p>Dövlət İmtahan Mərkəzindən AZƏRTAC-a bildirilib ki, imtahan nəticələrinə əsasən III ixtisas qrupunun DT altqrupu üzrə ümumi balı 200-dən və imtahanın ikinci mərhələsi üzrə balı 100-dən az olmayan 20 min 805, ümumi balı 150-dən və imtahanın ikinci mərhələsi üzrə balı 50-dən az olmayan 24 min 653 abituriyent müsabiqədə iştirak hüququ əldə edib. III ixtisas qrupunun TC altqrupu üzrə isə ümumi balı 200-dən və imtahanın ikinci mərhələsi üzrə balı 100-dən az olmayan 7 min 949, ümumi balı 150-dən və imtahanın ikinci mərhələsi üzrə balı 50-dən az olmayan 11 min 142 abituriyent qəbul müsabiqəsində iştirak hüququ qazanıb.</p>
<p>2026/2027-ci tədris ili üçün ali təhsil müəssisələrinin III ixtisas qrupuna Azərbaycan bölməsi üzrə 11 min 848, rus bölməsi üzrə 1355, hər iki bölmənin birgə müsabiqəsi üzrə 2 min 350 yer olmaqla, ümumilikdə 15 min 553 yer nəzərdə tutulur. Həmin yerlərdən 4min 140-ı dövlət sifarişi əsasındadır. III ixtisas qrupundakı plan yerlərinin altqruplar üzrə paylanmasına gəldikdə isə DT altqrupu üzrə ümumilikdə 13 min 373 (o cümlədən Azərbaycan bölməsində 10 min 423, rus bölməsində 1135, hər iki bölmənin birgə müsabiqəsi üzrə 1815) yer ayrılıb. DT altqrupu üzrə dövlət sifarişi əsasında 3 min 920 plan yeri var.</p>
<p>TC altqrupu üzrə isə ümumilikdə 2 min 180 (o cümlədən Azərbaycan bölməsində 1425, rus bölməsində 220, hər iki bölmənin birgə müsabiqəsi üzrə 535) yer ayrılıb. TC altqrupu üzrə dövlət sifarişi əsasında 220 plan yeri mövcuddur.</p>
]]><p>Sabirin satirasında ən çox diqqət çəkən problemlərdən biri cəhalətdir. Şair cəhaləti təkcə savadsızlıq kimi deyil, həm də düşüncəsizlik, yeniliklərə qarşı çıxmaq və xurafata aludə olmaq kimi qiymətləndirirdi. Onun fikrincə, xalqın geridə qalmasının əsas səbəbi məhz maarifsizlik idi. Buna görə də Sabir elmə, təhsilə və müasir düşüncəyə böyük önəm verir, cəmiyyətin inkişaf yolunun maariflənmədən keçdiyini göstərirdi.</p>
<p>Şairin yaradıcılığında sosial bərabərsizlik və ictimai ədalətsizlik də mühüm yer tutur. O, varlılarla kasıblar arasındakı dərin fərqləri, zəhmətkeş insanların hüquqsuzluğunu, məmur özbaşınalığını, rüşvəti satiranın əsas mövzularından birinə çevirmişdir. Sabir bu problemləri tənqid etməklə cəmiyyətin daha ədalətli və humanist olmasını arzulayırdı.<br /> Mirzə Ələkbər Sabir saxta dinpərvərlik və riyakarlığa qarşı da kəskin mövqe nümayiş etdirmişdir. O, dini deyil, dini şəxsi mənafe üçün istifadə edən, xalqı aldadan və mövhumatı yayan şəxsləri tənqid edirdi. Şair əsl inamın mənəvi dəyərlərə söykəndiyini vurğulayır, dini fanatizmi və ikiüzlülüyü cəmiyyət üçün təhlükəli hesab edirdi.</p>
<p>Sabirin satirik əsərlərində qadın hüquqsuzluğu və təhsil problemləri də geniş şəkildə əks olunmuşdur. O, qadınların savadsız saxlanmasını, qızların təhsildən məhrum edilməsini və köhnə ailə münasibətlərini cəmiyyətin inkişafına mane olan amillər kimi qiymətləndirirdi. Müəllim kimi fəaliyyət göstərən Sabir yaxşı bilirdi ki, gələcəyin sağlam cəmiyyəti yalnız savadlı və dünyagörüşlü nəsil yetişdirməklə mümkündür.</p>
<p>Şair, həmçinin milli məsuliyyətsizlik, tənbəllik, yersiz təqlidçilik və mənəvi deqradasiya kimi problemləri də tənqid edirdi. O, xalqın öz milli kimliyini, dilini və mədəniyyətini qorumasını vacib sayır, kor-koranə xarici təsirlərə aludə olmağı düzgün hesab etmirdi. Sabirin satirasının əsas məqsədi insanları alçaltmaq deyil, onları düşündürmək, qüsurlarını görməyə və dəyişməyə sövq etmək idi.</p>
<p><img alt="" src="https://newscenter.az/uploads/posts/2026-08/ekber.jpg" /></p>
<p>Beynəlxalq "Alaş" Ədəbiyyat mükafatı laureatı, şair-publisist Əkbər Qoşalının da qeyd etdiyi kimi, Sabir yalnız öz dövrünün satiriki deyil, milli vicdanın sözə çevrilmiş simvoludur: “Onun satirasında qaldırılan problemlərin bir çoxu bu gün də müəyyən dərəcədə aktuallığını qoruyur. Məhz buna görə Sabirin yaradıcılığı hər yeni dövrdə yenidən oxunur və fərqli baxış bucağından dəyərləndirilir. Özü müəllim olan Sabir təhsilin geriliyi, qadın hüquqsuzluğu, uşaq tərbiyəsindəki yanlışlıqlar, milli məsuliyyətsizlik, təqlidçilik, tənbəllik, mənəvi deqradasiya kimi problemləri də cəmiyyətin inkişafına əngəl olan əsas amillər sırasında göstərirdi. Bəs kim deyə bilər, düz etmirdi? – Budur, üstündən qərinələr keçib, hələ də müəyyən problemlərdən tam qurtulmamışıq.</p>
<p>O, insandakı qüsuru hədəfə alırdı. Sabirin ən böyük uğuru da bəlkə, elə bundadır. Ədibin satirasının məqsədi oyatmaq idi; zatən onun aşağılamaq, alçaltmaq kimi bir niyyəti niyə olmalıydı?..”</p>
<p><strong>Satiranın ictimai şüurun formalaşmasında rolu</strong></p>
<p>Satira cəmiyyətin mənəvi güzgüsü hesab olunur. O, insanı və ya cəmiyyəti birbaşa dəyişdirməsə də, onun mövcud problemlərini, qüsurlarını və ziddiyyətlərini aydın şəkildə göstərərək düşünməyə sövq edir. Mirzə Ələkbər Sabirin satirası da məhz bu missiyanı yerinə yetirmiş, Azərbaycan cəmiyyətinin sosial və mənəvi problemlərini bədii dillə ictimai müzakirəyə çıxarmışdır. Şairin məqsədi insanları alçaltmaq və ya qorxutmaq deyil, onları vicdanı ilə üz-üzə qoymaq, öz səhvlərini dərk etməyə və islah olunmağa səsləmək idi.</p>
<p>Əkbər Qoşalı bildirib ki, satiranın əsas gücü cəmiyyəti düşündürməkdədir. Onun fikrincə, Sabirin və ümumən mollanəsrəddinçilərin yaradıcılığı insanların ictimai məsuliyyət hissini gücləndirmiş, milli maarifçilik hərəkatının inkişafına mühüm töhfə vermişdir: “Ulusun tərəqqisi iqtisadi və siyasi islahatlarla yanaşı, həm də mənəvi islahatlarla mümkündür. Sabir və qələmdaşları bunu parlaq şəkildə göstərdi. Doğrudan da, cəmiyyət dəyişmədən dövlət də tam dəyişə bilməz.</p>
<p>Sağlam satira bu gün də demokratik düşüncənin, söz azadlığının, ictimai məsuliyyətin və vətəndaş fəallığının elementlərindən biri olaraq qalır; lakin satira təhqirə çevrilməməli, milli maraqlara, mənəvi dəyərlərə və ictimai məsuliyyət prinsipinə söykənməlidir. Sabirin məktəbi, əslinə qalsa, bax, bunu öyrədir.</p>
<p>Dövlətimiz müstəqil, dilimiz dövlət dili, respublikamızın ərazisi bütöv, ölkəmizin suverenliyi tam, şanlı Ordumuz qalibsə, Türk Dövlətləri Təşkilatımız qurulubsa, qələmimiz, üslubumuz, janrımız da bu qutlu əsaslara dayanmağa borcludur”.</p>
<p>Ədəbiyyatşünaslıqda satiranın ictimai şüurun formalaşmasında üç əsas funksiyası xüsusi qeyd olunur. Birincisi, satira cəmiyyətdə gizlədilməyə və ya adi qəbul edilməyə çalışılan problemləri açıq şəkildə üzə çıxarır. İkincisi, insanlarda ictimai məsuliyyət hissini gücləndirərək onları baş verən hadisələrə laqeyd qalmamağa çağırır. Üçüncüsü isə tənqidi düşüncə mədəniyyətini inkişaf etdirir, insanları hadisələri yalnız zahiri görünüşünə görə deyil, mahiyyətinə uyğun qiymətləndirməyə sövq edir.</p>
<p><strong>Keçmişlə bu gün arasında oxşarlıqlar</strong></p>
<p>Mirzə Ələkbər Sabirin yaradıcılığının bu gün də aktuallığını qorumasının əsas səbəblərindən biri onun toxunduğu sosial və mənəvi problemlərin müəyyən mənada müasir dövrdə də mövcud olmasıdır. Zaman dəyişir, texnologiyalar inkişaf edir, cəmiyyətlər yenilənir, lakin insanın mənəvi seçimləri və qarşılaşdığı etik sınaqlar çox vaxt eyni qalır. Məhz buna görə Sabirin satirası yalnız yaşadığı dövrü deyil, müxtəlif zamanlarda cəmiyyətin üzləşdiyi problemləri də əks etdirən universal ədəbi irs kimi dəyərləndirilir. Əkbər Qoşalının fikrincə, XX əsrin əvvəllərində cəhalətin əsas səbəblərindən biri savadsızlıq və məktəblərin azlığı idi: “Şairin tənqid etdiyi vəzifəpərəstlik, şəxsi çıxarların ictimai çıxarlardan üstün tutulması, zahiri nümayiş, təmtəraq həvəsi, məsuliyyətsizlik kimi hallar müxtəlif formalarda bu gün də müşahidə oluna bilir; hə, deməli, dəyişən yalnız və ya əsasən formadır; mahiyyət isə insanın mənəvi seçimlərindən asılı olaraq qalır…</p>
<p>Bu vurğularımız qətiyyən bədgümanlıq yaratmamalıdır; əlbəttə, önəmli fərq də var. Müstəqil Azərbaycanımız güclü dövlət institutlarına, inkişaf edən təhsil sisteminə, milli-mənəvi dəyərlərə söykənən dövlət siyasətinə malikdir. Bu baxımdan Sabirin tənqid etdiyi problemlərin önəmli bölümü artıq sistem səviyyəsində müşahidə olunmur; biz onları daha çox fərdi və ictimai davranış müstəvisində qiymətləndirməliyik. Bax, bu, cəmiyyətin inkişaf etdiyini, mənəvi özünütənqid ehtiyacının isə daim qaldığını göstərir. Belə deyək, satira atəşinə möhtac olmasaq da, onun tamamən gözardı edilməsini də gərəkli saymırıq”.</p>
<p>Mirzə Ələkbər Sabirin satirik yaradıcılığı keçmişlə bu gün arasında mənəvi körpü yaradır. Onun əsərləri oxucunu təkcə tarixi hadisələr haqqında məlumatlandırmır, həm də müasir cəmiyyətin problemləri üzərində düşünməyə, milli dəyərləri qorumağa və daha məsuliyyətli vətəndaş mövqeyi formalaşdırmağa çağırır. Bu xüsusiyyət Sabir irsinin zamanın sınağından uğurla çıxaraq bu gün də öz aktuallığını qorumasının əsas səbəblərindən biridir. Mirzə Ələkbər Sabirin satirası bu funksiyaların hər birini uğurla yerinə yetirmişdir. Onun əsərlərində cəhalət, rüşvətxorluq, sosial bərabərsizlik, qadın hüquqsuzluğu, saxta dinpərvərlik və digər ictimai problemlər tənqid olunmaqla yanaşı, oxucuda dəyişmək və cəmiyyəti dəyişdirmək arzusu formalaşdırılır. Buna görə də Sabirin satirası yalnız bir dövrün deyil, bütün zamanların ictimai düşüncəsinə təsir göstərən, milli özünüdərk və maarifçilik ideyalarını yaşadan qiymətli ədəbi irs hesab olunur.<br /> Mirzə Ələkbər Sabirin satirik yaradıcılığı Azərbaycan cəmiyyətinin sosial, mənəvi və mədəni problemlərinin bədii salnaməsidir. Onun əsərləri cəhalətə, ədalətsizliyə, riyakarlığa və geriliyə qarşı mübarizə ideyalarını təbliğ edir. Sabirin satirası təkcə güldürən deyil, düşündürən və cəmiyyəti dəyişməyə çağıran böyük bir ədəbi məktəbdir. Bu baxımdan onun irsi Azərbaycan ədəbiyyatında və ictimai fikir tarixində öz əhəmiyyətini bu gün də qoruyub saxlayır.</p>
<p><strong>Fuad Hüseynzadə</strong></p>
<p>Yazı Mirzə Ələkbər Sabir Fondunun Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirdiyi “Sabirin sözü, zamanın gözü” layihəsi çərçivəsində hazırlanıb. Məqalədə qeyd olunan fikir və mülahizələr müəllifə aiddir və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin rəsmi mövqeyini əks etdirməyə bilər.</p>
]]><p>Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilib.</p>
<p>Layihə çərçivəsində 3 iyul Lənkəranda, 10 iyul Qubada, 31 iyul Şəkidə və 14 avqust Qəbələdə maarifləndirici tədbirlər təşkil olunub.</p>
<p>Tədbirlərin əsas məqsədi fermerləri trüfel istehsalı, fındıqçılıqda məhsuldarlığın artırılması, su ehtiyatlarından səmərəli istifadə, torpağın qorunması və trüfel turizminin, xüsusilə trüfel ovçuluğunun inkişafı barədə məlumatlandırmaq olub.</p>
<p>Layihənin mühüm nəticələrindən biri fermerlərin öz həyətlərində və təsərrüfatlarında rastlaşdıqları trüfellərin əslində nə olduğunu artıq müəyyən edə bilmələri olub. Maarifləndirici tədbirlərdən sonra iştirakçılar əvvəllər tanımadıqları bu qiymətli göbələk barədə məlumat əldə edib, onun xüsusiyyətlərini və əhəmiyyətini öyrəniblər.</p>
<p>Yekun tədbirdə layihənin nəticələri ümumiləşdirilib, iştirakçıların sualları cavablandırılıb və sertifikatlar təqdim olunub. Trüfel ovçuluğunun gələcəkdə Azərbaycanda yeni aqroturizm və ekoturizm istiqaməti kimi inkişaf etdirilməsi vurğulanıb.</p>
<p><img alt="" src="https://www.mustaqil.az/wp-content/uploads/2026/09/tWhatsApp-Image-2026-09-03-at-09.02.21-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhaftsApp-Image-2026-09-03-at-09.02.21-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-0dd9-03-at-09.02.23-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-0fd9-03-at-09.02.21-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-03-accct-09.02.26-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-03-at-0ccc9.02.25-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-03-at-09.02.2f3-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-03-at-09.02.20-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-03-at-09.02vv.22-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-03-at-09bb.02.24-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-03-at-09g.02.21-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-03-at-czzccz09.02.25-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-03-bat-09.02.22-600x404.jpeg" style="height:404px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-03ss-at-09.02.24-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09-03z-at-09.02.22-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-09dd-03-at-09.02.24-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/WhatsApp-Imagec-2026-09-03-at-09.02.21-600x398.jpeg" style="height:398px; width:600px" /> <img alt="" src="https://www.mustaqil.az/wp-content/uploads/2026/09/xxx-600x400.jpeg" style="height:400px; width:600px" /></p>
]]><p style="text-align:justify"><span style="font-size:12.0pt"><span style="font-family:"Arial",sans-serif">Qeyd edək ki, müstəqillik tariximizdə Naxçıvanın xüsusi siyasi və strateji əhəmiyyəti həmişə olub. Azərbaycanın əsas hissəsindən coğrafi baxımdan ayrı düşməsi muxtar respublikanı həm təhlükəsizlik, həm enerji, həm də nəqliyyat baxımından xüsusi yanaşma tələb edən əraziyə çevirib. Prezident İlham Əliyevin səfər zamanı verdiyi mesajlardan görünür ki, artıq əsas məqsəd Naxçıvanın mövcud problemlərinin aradan qaldırılması ilə kifayətlənmək deyil. Məqsəd Naxçıvanı gələcək regional proseslərin fəal iştirakçısına çevirməkdir. Bu baxımdan səfər çərçivəsində hərbi təhlükəsizlikdən enerjiyə, sənayedən nəqliyyata, sosial siyasətdən şəhərsalma və mədəni irsə qədər bütün sahələrin eyni proqram daxilində təqdim edilməsi təsadüfi deyil. Bu, vahid inkişaf konsepsiyasının formalaşdırıldığını göstərir.</span></span></p>
<p style="text-align:justify"><span style="font-size:12.0pt"><span style="font-family:"Arial",sans-serif">Dövlət başçımızın Azərbaycan Televiziyasına verdiyi müsahibəyə və səfərdən dərhal sonra qəbul edilmiş qərarlara kompleks şəkildə nəzər saldıqda, bunun daha geniş siyasi və geostrateji məzmun daşıdığı görünür. </span></span></p>
<p style="text-align:justify"><span style="font-size:12.0pt"><span style="font-family:"Arial",sans-serif">Hazırda bölgədə hərbi və təhlükəsizlik siyasətinin gücləndirilməsi xüsusi diqqət mərkəzindədir. Naxçıvanda komando hərbi hissələrinin yaradılması da bunu təsdiqləyir. Əlahiddə Ümumqoşun Orduda yeni komando bölmələrinə Döyüş bayraqlarının verilməsi Naxçıvanın müdafiə qabiliyyətinin ən müasir standartlara çatdırılmasının göstəricisidir. Bununla da, Azərbaycan Silahlı Qüvvələrinin bölgədə söz sahibi olması mesajı bir daha verildi və Muxtar Respublikanın təhlükəsizliyinin sarsılmazlığı nümayiş etdirildi.</span></span></p>
<p style="text-align:justify"><span style="font-size:12.0pt"><span style="font-family:"Arial",sans-serif">Eyni zamanda alternativ enerji potensialının gücləndirilməsi də dövlətimizin siyasətində prioritetdir. Bu baxımdan, Naxçıvanın da yaşıl enerji zonası elan olunması xüsusi vurğulanmalıdır. Bu mənada, Naxçıvan üzərindən Avropaya elektrik enerjisinin ixracı hədəflərinin reallaşdırılması imkanları böyükdür. </span></span></p>
<p style="text-align:justify"><span style="font-size:12.0pt"><span style="font-family:"Arial",sans-serif">Cənab Prezidentin Naxçıvana səfəri zamanı verilən mühüm mesajlardan biri Zəngəzur dəhlizi ilə bağlıdır. Dövlətimizin başçısı Naxçıvanda Azərbaycan Televiziyasına müsahibəsində bu istiqamətdə görülən işlərdən danışıb və dəmiryolunun Naxçıvan hissəsində edilən yeniliklərin əhəmiyyətini vurğulayıb. Belə ki, həmin hissədə yenidənqurma işləri nəticəsində yükdaşımaların ildə 15 milyon tona çatdırılması nəzərdə tutulur. Bununla, Naxçıvan da nəqliyyat-logistika qovşağı olaraq Orta Dəhliz çərçivəsində əhəmiyyətli inkişaf edəcək. Eyni zamanda, beynəlxalq qurumların Azərbaycan dəmir yollarının Naxçıvan seqmentinə böyük maraq göstərməsi regionun əvəzolunmaz nəqliyyat mərkəzinə çevriləcəyinə sübutdur. İnfrastruktur layihələrinin tamamlanmasına gəlincə, Horadiz–Ağbənd avtomobil yolunun demək olar ki, tam hazır olması regional blokadanın tamamilə yarılması prosesini sürətləndirir. Eyni xətt üzrə dəmiryolu isə gələn il başa çatacaq. Bu il Ermənistan ərazisində TRIPP layihəsinin də praktiki icrasına başlanılması nəzərdə tutulur. Avqustun 8-də dövlətimizin başçısının ABŞ Prezidenti Donald Trampla telefon söhbətində bu məsələ xüsusi diqqət mərkəzində olub. Bütövlükdə, bu layihənin reallaşdırılması Naxçıvanı beynəlxalq logistika mərkəzlərindən birinə çevirəcək. </span></span></p>
<p style="text-align:justify"><span style="font-size:12.0pt"><span style="font-family:"Arial",sans-serif">Həmçinin Prezident İlham Əliyevin səfərinin Naxçıvanın sosial-iqtisadi inkişafı və yeni idarəetmə konsepsiyası baxımından da əhəmiyyətinə diqqət çəkib. Prezidentin bəyan etdiyi kimi, Naxçıvan, Şərqi Zəngəzur və Qarabağ artıq eyni idarəetmə və inkişaf mexanizmləri əsasında tərəqqi edəcək. Eləcə də, muxtar respublikada sosial xidmətlər də modernləşdirilir. Regionda açılan yeni DOST Mərkəzi və ekoloji təmiz elektrik avtobuslarının xəttə buraxılması əhalinin rifahının artırılmasına xidmət edir.</span></span></p>
<p style="text-align:justify"> </p>
<p style="text-align:justify"><span style="font-size:12.0pt"><span style="font-family:"Arial",sans-serif">Belə ki, son illərin hadisələri göstərib ki, Bakı həm yumşaq gücdən, həm iqtisadi diplomatiyadan, həm nəqliyyat diplomatiyasından, həm də sərt güc potensialından eyni strateji sistem daxilində istifadə edə bilir.</span></span></p>
<p style="text-align:justify"> </p>
<p><strong><span style="font-size:11.0pt"><span style="font-family:"Arial",sans-serif"><span style="color:#111111">Nizami NOVRUZOV, texnika üzrə fəlsəfə doktoru</span></span></span></strong></p>
]]><p>Layihə çərçivəsində Xankəndi şəhəri, Laçın, Ağdam, Xocalı və Suqovuşanda yaşayan qadınların iştirakı ilə müxtəlif mövzularda təlimlər keçirilib. Təlimlər zamanı iştirakçılara sahibkarlıq, məşğulluq və iqtisadi imkanların genişləndirilməsi istiqamətində faydalı məlumatlar təqdim olunub.</p>
<p>Tədbirlərdə iştirak edən qadınlar əldə etdikləri yeni biliklərlə yanaşı, onları narahat edən məsələləri səsləndirib, təklif və fikirlərini bölüşüblər. Layihənin nəticələrindən müxtəlif sahələrdə çalışan, həmçinin yeni biznes qurmaq və mövcud bizneslərini genişləndirmək istəyən 100-dən çox qadın faydalanıb.</p>
<p>Təlimlər psixoloq-həkim Əli Nağıyev, peşəkar təlimçilər Tural İsaqov, Sevinc Ədilova və Rəqsanə Camalova tərəfindən həyata keçirilib.</p>
<p>Təlimlərdə “Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti” publik hüquqi şəxsin nümayəndəsi Ədibə Quliyeva və Xocalı Rayon İcra Hakimiyyətinin nümayəndəsi Xəlil Vəliyev iştirak ediblər.</p>
<p>Layihənin həyata keçirilməsinə Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyi, Xocalı Rayon İcra Hakimiyyətinin əməkdaşları və Qarabağ Təlim Mərkəzinin rəhbərliyi dəstək göstərib.</p>
<p>“Qadın dünyası” İctimai Birliyinin həyata keçirdiyi layihə Qarabağ regionunda qadınların iqtisadi fəallığının artırılması, onların yeni bilik və bacarıqlar əldə etməsi, sahibkarlıq təşəbbüslərinin dəstəklənməsi və sosial-iqtisadi imkanlarının genişləndirilməsi baxımından əhəmiyyətli olub.<img alt="" src="https://www.mustaqil.az/wp-content/uploads/2026/09/WhatsApp-Im43age-2026-08-31-at-22.41.33-450x600.jpeg" style="height:600px; width:450px" /></p>
<p><img alt="" src="https://www.mustaqil.az/wp-content/uploads/2026/09/WhatsApp-Image-2026-08-31e-at-22.41.35-600x450.jpeg" style="height:450px; width:600px" /></p>
<p><img alt="" src="https://www.mustaqil.az/wp-content/uploads/2026/09/1WhatsApp-Image-2026-08-31-at-22.37.53-490x600.jpeg" style="height:600px; width:490px" /> <img alt="" src="https://www.mustaqil.az/wp-content/uploads/2026/09/W2hatsApp-Image-2026-08-31-at-22.37.53-501x600.jpeg" style="height:600px; width:501px" /> <img alt="" src="https://www.mustaqil.az/wp-content/uploads/2026/09/WhatsApp-Image-202cv6-08-31-at-22.41.36-338x600.jpeg" style="height:600px; width:338px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-08-31z-at-22.41.36-338x600.jpeg" style="height:600px; width:338px" /> <img alt="" src="https://www.mustaqil.az/wp-content/uploads/2026/09/WhatsApp-Image-2026-b08-31-at-22.41.35-338x600.jpeg" style="height:600px; width:338px" /> <img alt="" src="https://www.mustaqil.az/wp-content/uploads/2026/09/WhatsApp-Image-v2026-08-31-at-22.41.36-338x600.jpeg" style="height:600px; width:338px" /> <img alt="" src="https://www.mustaqil.az/wp-content/uploads/2026/09/WhatsApp-Imarge-2026-08-31-at-22.41.35-600x450.jpeg" style="height:450px; width:600px" /></p>
]]><p>2025-ci il avqustun 8-də Azərbaycan Prezidenti İlham Əliyev, Amerika Birləşmiş Ştatlarının Prezidenti Donald Tramp və Ermənistanın Baş naziri Nikol Paşinyan Vaşinqton şəhərində keçirilmiş görüşə dair Birgə Bəyannaməni imzaladılar.</p>
<p>Birgə Bəyannamə Azərbaycan-Ermənistan münasibətlərində yeni mərhələni və Ağ Evin Cənubi Qafqaz siyasətində rəsmi Bakının prioritetlərini dəstəkləməsini nümayiş etdirir. Yeddi maddədən ibarət sənəd Azərbaycan-Ermənistan sülh gündəmində ABŞ-nin mövqeyini yeniləyərək, onu Cənubi Qafqazdakı reallıqların nəticələri ilə uyğunlaşdıran struktura malikdir.</p>
<p>TRIPP – müasir nizamda yenilik</p>
<p>Prezident İlham Əliyevin rəhbərliyi ilə Azərbaycan həm Ermənistanla müharibədə, həm də sülh prosesində qələbə qazanıb.</p>
<p>Azərbaycan bununla Ermənistanın işğal və revanşist doktrinasını dəyişdirmək üçün göstərdiyi prinsipiallıqda real nəticələr əldə edir. Bu dövrdə Ermənistan sülhə məcbur edilib və sülh üçün sənədin paraflanması ABŞ-nin vasitəçiliyi ilə baş tutub. Azərbaycanla Ermənistan arasında ABŞ-də sülh müqaviləsinin paraflanması uzun prosesin məntiqi nəticəsi idi.</p>
<p>Bu proses Azərbaycanın Ermənistanla sülh müqaviləsi üçün irəli sürdüyü beş baza prinsipinə Vaşinqton tərəfindən xüsusi dəstəyini qazandırıb. Qeyd edək ki, Azərbaycan 2022-ci ilin fevralında Ermənistana suverenlik meyarlarında əsaslanan 5 baza prinsipi təqdim edib. Bu təkliflərin mətni və detalları 2022-ci ilin martında ictimaiyyətə açıqlanıb.</p>
<p>- Dövlətlərin bir-birilərinin suverenliyi, ərazi bütövlüyü, beynəlxalq sərhədlərinin toxunulmazlığı və siyasi müstəqilliyini qarşılıqlı şəkildə tanıması;</p>
<p>- Dövlətlərin bir-birilərinə qarşı ərazi iddialarının olmamasının qarşılıqlı təsdiqi və gələcəkdə belə bir iddianın qaldırılmayacağına dair hüquqi öhdəliyin götürülməsi;</p>
<p>- Dövlətlərarası münasibətlərdə bir-birlərinin təhlükəsizliyinə hədə törətməkdən, siyasi müstəqillik və ərazi bütövlüyünə qarşı hədə və gücdən istifadə etməkdən, habelə BMT Nizamnaməsinin məqsədlərinə uyğun olmayan digər hallardan çəkinmək;</p>
<p>- Dövlət sərhədinin delimitasiyası və demarkasiyası, diplomatik münasibətlərin qurulması;</p>
<p>- Nəqliyyat və kommunikasiyaların açılışı, digər müvafiq kommunikasiyaların qurulması və qarşılıqlı maraq doğuran digər sahələrdə əməkdaşlığın qurulması.</p>
<p>Həmin prinsiplər Azərbaycanın qurulmaqda olan yeni dünya nizamındakı mövqelərini möhkəmləndirərək yeni tərəfdaşlıq və müttəfiqlik münasibətlərinin yaranmasını şərtləndirir.</p>
<p>Bu çərçivədə regionda kommunikasiyaların açılması prinsipi beynəlxalq oyunçuların iştirakı ilə reallaşan transmilli layihələr üçün fundamental hüquqi zəmin rolunu oynayır.</p>
<p>Başqa sözlə, Donald Trampın Zəngəzur dəhlizi (“Beynəlxalq Sülh və Rifah Naminə Tramp Marşrutu” -TRIPP) prioritetlərini dəstəkləməsinin məzmunu Azərbaycanın nəqliyyat-logistika üzrə strategiyasına uyğun formada qurulub. Razılaşmaya əsasən, ABŞ-nin rəhbərlik etdiyi konsorsium Ermənistan hakimiyyəti ilə birlikdə TRIPP marşrutunu inşa edəcək və bu da öz növbəsində Azərbaycanın quru yolla Naxçıvana birbaşa çıxışını təmin edəcək.</p>
<p>Bu, TRIPP marşrutunun təchizat və logistika zəncirlərində Trans-Xəzər Beynəlxalq Nəqliyyat Marşrutuna (Orta Dəhliz) inteqrasiyasını sürətləndirir. Azərbaycan üçün Orta Dəhlizin bütün seqmentlər üzrə böyüməsi və infrastrukturun inkişaf etdirilməsi strateji məsələdir. TRIPP marşrutunun əhəmiyyəti Azərbaycan-ABŞ əlaqələri, prosesdə Ermənistanın iştirakı fonunda aşağıdakı strateji istiqamətləri müəyyənləşdirir:</p>
<p>TRIPP Prezident İlham Əliyevin rəhbərliyi ilə irəli sürülən Azərbaycan-Ermənistan sülh formulu əsasında Xəzər regionuna daha böyük faydalar verə bilər.</p>
<p>ABŞ Mərkəzi Asiya ilə Cənubi Qafqazdakı prioritetlərini vahid geosiyasi məkan kimi təyin edərək Azərbaycanın bu iki regiondakı maraqlarına dəstək göstərir. Azərbaycan burada TRIPP vasitəsilə təchizatların Mərkəzi Asiyadan Avropaya və ondan kənara çatdırılmasını daha səmərəli edən mərkəz rolunu oynayır.</p>
<p>Ermənistan Azərbaycanın tələb etdiyi Konstitusiya dəyişikliklərinin gözlənilən nəticələrini TRIPP-in çərçivəsi ilə eyniləşdirir. Bu, Azərbaycanın iştirakı ilə Ermənistanın iqtisadi təcriddən çıxarılmasını stimullaşdırır. Bu amil Ermənistan üçün “xilas kəməri” layihəsində Azərbaycanın mövqeyini daha üstün yerlərə çıxarır.</p>
<p>Strateji tərəfdaşlığın xüsusiyyətləri</p>
<p>ABŞ kimi supergücün Prezident İlham Əliyevin irəli sürdüyü təhlükəsizlik və sülh çərçivələrini inkişaf etdirmək planları Bakı-Vaşinqton əlaqələrini strateji tərəfdaşlıq səviyyəsinə yüksəldib.</p>
<p>Vaşinqtona səfər zamanı qeyd olunan Birgə Bəyannamə ilə bərabər, Prezident İlham Əliyevin iştirakı ilə “Azadlığa Dəstək Aktı”na 907-ci düzəlişin tətbiqinin dayandırılması barədə ABŞ Prezidenti tərəfindən Sərəncam imzalanması da diqqət çəkir. 907-ci düzəlişin tətbiqinin dayandırılması Azərbaycan-ABŞ hərbi-texniki əməkdaşlığını üfüqdə göstərir.</p>
<p>Prezident İlham Əliyevin Prezident Donald Tramp və Baş nazir Nikol Paşinyanla görüşü çərçivəsində əlavə olaraq hər iki ölkənin xarici işlər nazirləri tərəfindən “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsinə dair Saziş” paraflanıb, habelə ATƏT-in fəaliyyətdə olan sədrinə birgə müraciət edilərək Minsk prosesinin və onunla əlaqədar strukturların tamamilə ləğvi barədə sənəd imzalanıb.</p>
<p>Bunlar regionun gələcək münaqişələrdən uzaqlaşmasının vacib elementlərini və buna ABŞ-nin dəstək mexanizmlərini ehtiva edir. Prezident İlham Əliyevin strateji qərarları güc mərkəzlərini Cənubi Qafqazda dominantlıq ambisiyasından uzaqlaşmağa məcbur etməklə konstruktiv əməkdaşlığa yönəldir.</p>
<p>Bu prosesdə Azərbaycan-ABŞ əməkdaşlığının strateji çalarları önə çıxır. Dövlətimizin başçısı Vaşinqtonda liderlərin mətbuata bəyanatları zamanı deyib: “Biz strateji tərəfdaşlıq yoluna qədəm qoyuruq və bir neçə ay ərzində Strateji Tərəfdaşlıq Xartiyası işlənib hazırlanacaq. Bu isə Azərbaycan üçün tarixi nailiyyətdir. Çünki dünyanın ən qüdrətli ölkəsi ilə strateji tərəfdaşlıq münasibətlərinə malik olmaq həm fürsətdir, həm də məsuliyyət. Bu strateji tərəfdaşlıq formatı bir çox vacib sahələri əhatə edir - qarşılıqlı sərmayə, ticarət, enerji, bağlılıq, tranzit, süni intellekt, müdafiə sahəsində kontraktlar və terrorizmlə mübarizə”.</p>
<p>Azərbaycanla ABŞ strateji tərəfdaşlığı regionda prestijli əməkdaşlıq modeli üçün yaxşı çıxış yoludur. Ancaq gedişatın məntiqi davamı üçün tamamlayıcı xətlər lazım idi ki, o da dörd hadisədə özünü göstərdi:</p>
<p>- Prezident İlham Əliyevlə Donald Tramp arasında 2026-cı ilin yanvarın 21-də məktub mübadiləsi oldu;</p>
<p>- 2026-cı il yanvarın 22-də Prezident İlham Əliyevin Donald Tramp ilə görüşü keçirildi. Prezident İlham Əliyev həmin gün “Sülh Şurasının Nizamnaməsi” (“Board of Peace Charter”) sənədinin imzalanma mərasimində iştirak etdi;</p>
<p>- Fevralın 10-da ABŞ-nin Vitse-prezidenti Cey.Di.Vens Azərbaycana səfər etdi. Səfər çərçivəsində ABŞ ilə Azərbaycan arasında Strateji Tərəfdaşlıq haqqında Xartiya imzalandı;</p>
<p>- Prezident İlham Əliyev fevralın 19-da Amerika Birləşmiş Ştatlarının paytaxtı Vaşinqton şəhərində Sülh Şurasının ilk iclasına qatıldı.</p>
<p>İclasda prezidentliyi dövründə 8 münaqişəyə son qoyduğunu deyən Donald Tramp vurğuladı ki, iki çox vacib ölkə arasında sülh əldə edib və bunu heç vaxt unutmayacaq. ABŞ Prezidenti Azərbaycan və Ermənistan liderlərinə regionda yaranan sülhə görə təşəkkür edərək dedi: “Bilirsiniz, müharibə edəndə onun xərcləri sülhün dəyərindən 100 qat artıq olur. Orada sonda əyləşən cənabı (Prezident İlham Əliyevi - red.) görürük. O gülümsəyir. Otuz il mübarizədən sonra bu, aydın oldu, elə deyilmi? Otuz il müharibə gedib və biz onun öhdəsindən gəldik”.</p>
<p>Sülh Şurası ABŞ-nin rəhbərliyi altında münaqişələri sonlandırmaq strategiyası ilə bərabər, ABŞ maraqlarının TRIPP marşrutu üzərində cəmləşdirilməsini təmin edir. Şura BMT-yə alternativ təşkilat kimi yaradılıb – bu, Prezident İlham Əliyevin BMT-nin yenilənməsi ilə bağlı çağırışlarına cavab verən qərarın göstəricisidir.</p>
<p>Nəticə etibarilə ötən il avqustun 8-də Vaşinqtonda əldə edilən razılaşmalar, imzalanan sənədlər, ondan sonrakı proseslər Azərbaycan Prezidenti İlham Əliyevin sülh və təhlükəsizlik üçün səylərinin uğurlu olduğunun barometridir. ABŞ-Azərbaycan əlaqələrindəki strateji istiqamətləri TRIPP marşrutu ilə Sülh Şurası arasındakı əlaqələri koordinasiya edən məqam kimi xarakterizə etmək olar.</p>
<p>Bu cür addımlar həlledici zamanda olmaqla Azərbaycana qarşı informasiya əməliyyatları ilə təşkilatlanmış qüvvələrə ağır zərbə vurur. Azərbaycana qarşı iqtisadi və siyasi təzyiq göstərmək üçün təlimat almış qüvvələrin qabiliyyəti zəifləməklə Bakının regional indeksdəki mövqeləri dəyişməz reallıq kimi qəbul edilir.</p>
]]><p>Telefon danışığı zamanı tərəflər ABŞ Prezidenti Donald Trampın dəstəyi ilə 2025-ci il avqustun 8-də Vaşinqtonda keçirilmiş və Azərbaycanla Ermənistan arasında sülhün bərqərar olmasını təmin etmiş Sülh Sammitinin birinci ildönümü, habelə Azərbaycan Respublikası ilə Ermənistan Respublikası arasında Sülh Sazişinin mətninin ilkin paraflanması münasibətilə fikir mübadiləsi aparıblar.</p>
<p>Tərəflər sülh prosesinin irəlilədilməsində Prezident Donald Trampın və Amerika Birləşmiş Ştatları Hökumətinin oynadığı mühüm rolu xüsusi vurğulayıblar.</p>
<p>Tərəflər ötən il ərzində Azərbaycan ilə Ermənistan arasında münasibətlərin normallaşdırılması istiqamətində əldə olunmuş irəliləyişi qeyd ediblər.</p>
<p>Söhbət zamanı iki ölkə arasında iqtisadi və ticari əlaqələrin inkişafının sülhün faydalarının konkret təzahürü olduğu vurğulanıb. Bu kontekstdə tərəflər Azərbaycanın neft məhsullarının Ermənistana ixracını, habelə tranzit yüklərin Azərbaycan ərazisindən Ermənistana və Ermənistandan digər istiqamətlərə daşınmasını qeyd ediblər.</p>
<p>Bundan əlavə, tərəflər Vaşinqtonda əldə edilmiş razılaşmalara uyğun olaraq TRIPP marşrutunun icrası ilə bağlı fikir mübadiləsi aparıblar.</p>
<p>Tərəflər sülh prosesinin irəlilədilməsi və regionda davamlı sülhün, sabitliyin, o cümlədən bağlantıların və iqtisadi əməkdaşlığın təmin olunması istiqamətində səylərin davam etdirilməsinin vacibliyini vurğulayıblar.</p>
]]><p>Türkiyə Azərbaycandakı yataqlarda müxtəlif layihələrin həyata keçirilməsinə hazırdır.</p>
<p>AZƏRTAC xəbər verir ki, bunu Türkiyənin energetika və təbii sərvətlər naziri Alparslan Bayraktar ölkənin televiziya kanallarından birinin efirində bildirib.</p>
<p>Nazir qeyd edib ki, hazırda Türkiyə “Azəri – Çıraq – Günəşli” neft-qaz yataqları blokunun işlənməsində iştirak edir və “Şahdəniz” yatağında fəaliyyət göstərir.</p>
<p>“Ankara enerji daşıyıcılarının dünya bazarlarına çıxarılması sahəsində də Bakı ilə uğurlu əməkdaşlıq edir”, - deyə A.Bayraktar bildirib. O, buna nümunə olaraq iyunun 1-də Azərbaycan Dövlət Neft Şirkətinin (SOCAR), Türkiyənin BOTAŞ dövlət şirkətinin, “TotalEnergies”in və Əbu-Dabinin milli neft şirkəti olan ADNOC-un iştirakı ilə sazişin imzalanmasını göstərib.</p>
<p>Nazir xatırladıb ki, əldə olunan razılaşmaya əsasən, Azərbaycan 2029-cu ildən başlayaraq 15 il ərzində Türkiyəyə ümumilikdə 33 milyard kubmetr qaz tədarük edəcək.</p>
<p>Onun sözlərinə görə, Türkiyənin xaricdə energetika sektoruna yatırdığı investisiyalar yalnız neft və təbii qaz hasilatının artırılmasına deyil, həmçinin texniki biliklərin və texnologiyaların ötürülməsinə, investisiya qoyuluşuna və istehsal güclərinin beynəlxalq bazarlara çıxarılmasına yönəlib.</p>
<p>“Türkiyə İraqdan başlayaraq Somali, Liviya, Oman, Azərbaycan və Macarıstanadək geniş coğrafi ərazidə möhkəm tərəfdaşlıq əlaqələrinə malik olmaqla enerji bazarında fəal və nüfuzlu ölkəyə çevrilir. Türkiyənin enerji strategiyası xaricdəki möhkəm tərəfdaşlıq əlaqələri sayəsində inkişaf edir”, - deyə nazir vurğulayıb.</p>
]]><p>Rusiya və Pakistan iki ölkə arasında ilk yük dəmir yolu marşrutunun istifadəyə verilməsi üzərində iş aparırlar.</p>
<p>AZƏRTAC xəbər verir ki, bunu Rusiyanın Pakistandakı səfiri Albert Xorev bildirib.</p>
<p>Onun sözlərinə görə, yükdaşımaların Moskva-Feysəlabad və Moskva-Kəraçi marşrutları üzrə hər iki istiqamətdə həyata keçirilməsi planlaşdırılır. Bundan əlavə, Belarusun da layihəyə qoşulması imkanları nəzərdən keçirilir.</p>
<p>Diplomat qeyd edib ki, 2025-ci ildə və 2026-cı ilin əvvəlində regionda geosiyasi gərginliyin artması fonunda layihənin həyata keçirilməsi dəfələrlə təxirə salınıb.</p>
<p>Hazırda tərəflər xidmətlərin göstərilməsi ilə bağlı müqavilə üzərində işi yekunlaşdırır, həmçinin qatarın nəzərdə tutulan hərəkət marşrutu üzərində yerləşən ölkələrdən yükdaşımaların həyata keçirilməsində maraqlı olan şirkətlərin seçilməsi ilə məşğuldurlar.</p>
]]><p>Bir il əvvəl bu gün ABŞ Prezidenti Donald Tramp Azərbaycan və Ermənistanı 35 illik qəddar münaqişəyə son qoyan tarixi bir sülh müqaviləsi imzalamaq üçün bir araya gətirdi.</p>
<p>AZƏRTAC xəbər verir ki, bu sözləri ABŞ Prezidentinin xüsusi elçisi Stiv Uitkoff X sosial media hesabında yazıb.</p>
<p>“Prezidentin liderliyi sayəsində Cənubi Qafqaz daha təhlükəsiz, daha firavan və daha sabitdir və bu böyük ölkələrin gələcəyi parlaqdır. Bu tarixi administrasiyanın bir hissəsi olmaqdan şərəf duyuram”, - deyə o qeyd edib.</p>
]]><p>Respublika əhalisinə yüksəksəviyyəli oftalmoloji yardımın göstərilməsi çərçivəsində Akademik Zərifə Əliyeva adına Milli Oftalmologiya Mərkəzinin Səyyar Klinikasının fəaliyyəti xüsusi əhəmiyyət daşıyır. Səyyar Klinika müasir diaqnostik və cərrahi oftalmoloji avadanlıqla təchiz edilib. Bu Səyyar Klinika ölkəmizin ucqar rayon və kəndlərinə müntəzəm şəkildə gedərək əhaliyə yüksəkixtisaslı, müasir texnologiyalara əsaslanan cərrahi və terapevtik oftalmoloji yardım göstərir. Eyni zamanda, Bakı şəhərində müxtəlif müəssisələrdə, məktəblərdə və uşaq bağçalarında kontingentin dispanser müayinəsini həyata keçirir.</p>
<p>Azərbaycanda oftalmoloji yardımın optimallaşdırılması istiqamətində böyük işlər görülür. Eyni zamanda, “Böyük Qayıdış” Dövlət Proqramına qoşularaq işğaldan azad edilmiş ərazilərimizdə oftalmoloji xidmətlər həyata keçirilir.</p>
<p>Bunu AZƏRTAC- a açıqlamasında Azərbaycan Oftalmoloqlar Cəmiyyəti sədrinin müavini, Akademik Zərifə Əliyeva adına Milli Oftalmologiya Mərkəzinin Elmi-məlumat, təşkilati-metodik bölməsinin rəhbəri tibb üzrə elmlər doktoru Yazgül Abdıyeva deyib.</p>
<p>Y.Abdıyevanın sözlərinə görə, oftalmoloji müayinələr zamanı müxtəlif göz xəstəlikləri ilə yanaşı, refraksiya patologiyalarına - miopiya, hipermetropiya və astiqmatizə rast gəlinir. Qeyd olunub ki, görmənin zəifləməsi, uzaq və ya yaxın məsafədə obyektləri aydın görə bilməmək, gözlərdə yorğunluq və başağrısı kimi əlamətlərə diqqət yetirmək lazımdır: “Bu cür şikayətlər olduqda vaxtında oftalmoloqa müraciət etmək və müayinədən keçmək vacibdir. Eyni zamanda, heç bir şikayət olmasa belə, müəyyən aralıqlarla profilaktik oftalmoloji müayinədən keçmək göz xəstəliklərinin erkən aşkarlanması baxımından əhəmiyyətlidir.</p>
<p>Yay mövsümündə günəşin ultrabənövşəyi şüaları, hovuz suyundakı kimyəvi maddələr, dəniz suyu və qum gözlərdə qıcıqlanma, quruluq və digər narahatlıqlar yarada bilər. Bu risklərin qarşısını almaq üçün UV şüalarından qoruyan gün eynəklərindən, hovuzlarda qoruyucu üzgüçülük eynəklərindən istifadə etmək məsləhətdir. Gözlərdə quruluq və narahatlıq yarandıqda isə həkim məsləhəti ilə təbii gözyaşı preparatlarından istifadə etmək olar. Eyni zamanda, çirkli əllərlə gözlərə toxunmamaq və gözə yad cisim düşdükdə onu əl ilə çıxarmağa çalışmamaq lazımdır.</p>
<p>İqlim dəyişiklikləri, isti və quru hava, həmçinin havanın çirklənməsi gözlərdə quruluq, qıcıqlanma və allergik reaksiyaların yaranmasına səbəb ola bilər. Göz sağlamlığını qorumaq üçün hər fəslə uyğun qidalanmaya və sağlam həyat tərzinə diqqət yetirmək lazımdır. Günəşli havalarda qoruyucu eynəklərdən istifadə etmək, gözləri toz və digər zərərli təsirlərdən qorumaq da vacibdir. Xüsusilə uzun müddət açıq havada olan və ya tozlu, çirkli mühitdə çalışan insanların gözlərini xarici təsirlərdən qoruması xüsusilə diqqətdə saxlanılmalı məsələlərdən biridir”.</p>
]]><p>Azərbaycanda avqustun 9-na gözlənilən hava şəraiti açıqlanıb.</p>
<p>Milli Hidrometeorologiya Xidmətindən AZƏRTAC-a bildirilib ki, Bakıda və Abşeron yarımadasında hava günəşli olacaq, cənub-şərq küləyi əsəcək.</p>
<p>Havanın temperaturu gecə 22-26°, gündüz 34-39° isti olacaq. Atmosfer təzyiqi 756 mm civə sütunu təşkil edəcək. Nisbi rütubət gecə 70-75 faiz, gündüz 45-50 faiz olacaq.</p>
<p>Sabah Abşeron çimərliklərində cənub-şərq küləyi əsəcək. Dəniz suyunun temperaturu şimal çimərliklərində - Sumqayıt, Novxanı, Pirşağı, Nardaran, Bilgəh və Zağulbada 26-27°, cənub çimərliklərində - Türkan, Hövsan, Sahil və Şıxda isə 27-28° isti olacaq.</p>
<p>Azərbaycanın rayonlarında hava əsasən yağmursuz keçəcək. Lakin gündüz saatlarında bəzi dağlıq ərazilərdən başlayaraq arabir yağış yağacağı, ayrı-ayrı yerlərdə qısamüddətli şimşək çaxacağı və dolu düşəcəyi ehtimalı var. Gecə və səhər bəzi dağlıq ərazilərdə arabir duman olacaq. Mülayim şərq küləyi əsəcək. Havanın temperaturu gecə 22-27°, gündüz 35-39°, bəzi yerlərdə 40°, dağlarda gecə 15-20°, gündüz 25-30° isti olacaq.</p>
]]><p>Hazırda ölkə ərazisində, o cümlədən Bakıda və Abşeron yarımadasında qızmar hava şəraiti müşahidə olunur. Belə hava şəraitinin bazar günü də davam edəcəyi gözlənilir.</p>
<p>Fövqəladə Hallar Nazirliyi (FHN) isti havalarda istirahət və sərinləmək məqsədilə su hövzələrinə üz tutan vətəndaşları təhlükəsizlik qaydalarına ciddi əməl etməyə çağırıb.</p>
<p>Nazirlikdən AZƏRTAC-a bildirilib ki, xüsusilə həftəsonları bəzi vətəndaşların təhlükəsizlik tələblərinə riayət etməməsi suda boğulma halları ilə nəticələnə bilər.</p>
<p>Qeyd olunub ki, çimərlik kimi nəzərdə tutulmayan ərazilərdə, o cümlədən kanal, çay, arx və digər su hövzələrində çimmək qadağandır. Həmçinin çimmə zonasının işarələnmiş sərhədlərindən kənara üzmək, xilasetmə texnikasından başqa digər qayıq və kiçik gəmilərlə çimərliyə daxil olmaq yolverilməzdir.</p>
<p>FHN uşaqların çimərlikdə nəzarətsiz buraxılmamasını, xəbərdaredici nişan və lövhələrin tələblərinə, eləcə də xilasedicilərin çağırış və göstərişlərinə əməl olunmasını tövsiyə edir.</p>
<p>Qızmar günəş altında uzun müddət fasiləsiz qalmaq və hava qaraldıqdan sonra suya daxil olmaq da təhlükəlidir.</p>
]]><p><a href="https://report.az/" target="_blank">"Report"</a> xəbər verir ki, bunu iqtisadiyyat naziri, SOCAR-ın Müşahidə Şurasının sədri Mikayıl Cabbarov "X" sosial şəbəkəsindəki hesabında bildirib.</p>
<p>Nazirin sözlərinə görə, 2023-cü ildə SOCAR ABŞ-nin "McKinsey" şirkəti ilə strateji tərəfdaşlığı çərçivəsində başlanılan və iki il yarım davam edən "SOCAR Karbamid" zavodunda rəqəmsal transformasiya süni intellektin, rəqəmsal platformaların və innovativ texnoloji həllərin əməliyyatların modernləşdirilməsində yaratdığı böyük potensialı nümayiş etdirir.</p>
<p>O bildirib ki, "EnergyAI" platforması, proqnozlaşdırıcı texniki xidmət və müəssisənin ehtiyaclarına uyğunlaşdırılmış rəqəmsal həllər, eyni zamanda SOCAR Rəqəmsal Akademiyası vasitəsilə kadr potensialının gücləndirilməsi nəticəsində istehsal həcmi artıb: "Enerji səmərəliliyi, eləcə də əməliyyatların etibarlılığı yüksəldilib, həmçinin yerli mütəxəssislərin peşəkar inkişafına dəstək verilib. Bu transformasiyanın "McKinsey" şirkətinin rəsmi internet səhifəsində yer alması bir daha onun qlobal əhəmiyyətini göstərir".</p>
<p>M. Cabbarovun fikrincə, bu təşəbbüs SOCAR-ın rəqəmsal transformasiya sahəsində əldə etdiyi mühüm nailiyyətlərə əsaslanır: "Şirkətin Dünya İqtisadi Forumunun (World Economic Forum) "Digital Lighthouse" statusuna üç dəfə layiq görülməsi onu sənaye sahəsində rəqəmsal innovasiyalar üzrə seçilən qlobal liderlər sırasında qərarlaşdıran əhəmiyyətli göstəricidir. "SOCAR karbamid"də qazanılmış təcrübə isə SOCAR-ın digər fəaliyyət istiqamətlərinin, eləcə də Azərbaycanın sənaye sektorunun rəqəmsal transformasiyası üçün daha geniş miqyasda tətbiq edilə bilən uğurlu model təqdim edir".</p>
]]><p><img alt="4343" onclick="return false;" src="https://ssl.xeber7.az/file/articles/2026/08/06/1786018764_whatsapp-imagddde-2026-08-06-at-07.42.17.jpeg" /><br /> Beynəlxalq biznes və Afrika bazarları arasındakı münasibətlər qısamüddətli ticarətdən uzunmüddətli sənaye tərəfdaşlığına doğru inkişaf etməlidir.<br /> Məhsulların bazara satılması müvəqqəti kommersiya dəyəri yarada bilər, lakin yerli infrastrukturun qurulması, insanlara təlim verilməsi və əməliyyatların qurulması davamlı milli dəyər yaradır.<br /> Bu yanaşma, xüsusilə hökumətlərin getdikcə iqtisadi şaxələndirməyə, məşğulluğun yaradılmasına və sənaye potensialına diqqət yetirdiyi Anqola və Afrika boyunca vacibdir.<br /> Bölgəyə tərəfdaşlıq düşüncə tərzi ilə daxil olan beynəlxalq şirkətlər etimad qazanmaq və davamlı əməliyyatlar qurmaq üçün daha yaxşı mövqedə olacaqlar.<br /> Onlar yerli toplantıları, işçi qüvvəsinin inkişafını, təchizatçı tərəfdaşlıqlarını və universitetlər, texniki institutlar və dövlət qurumları ilə əməkdaşlığı nəzərdən keçirməlidirlər.<br /> “Ən güclü investisiya ən sürətli gəlir əldə edən investisiya deyil. Bu, bacarıqları, iş yerlərini, qurumları və daha güclü iqtisadiyyatı geridə qoyan investisiyadır.”<br /> Bu fəlsəfə Afrikada növbəti nəsil biznes əlaqələrinə rəhbərlik etməlidir.<br /> Mənfəət və sosial təsir rəqabət məqsədləri kimi qəbul edilməməlidir. Tərəfdaşlıqlar məsuliyyətlə qurulduqda, onlar bir-birini gücləndirə bilər.<br /> Uğurlu bir biznes iş yerləri yaradır, vergilər ödəyir, təchizatçıları inkişaf etdirir, innovasiyalar tətbiq edir və xidmətləri təkmilləşdirir. Uğurlu bir iqtisadiyyat, öz növbəsində, bizneslər üçün sabitlik, istedad, infrastruktur və bazar artımı təmin edir.<br /> <strong>Diplomatiya və Biznesin İnkişafı</strong><br /> Diplomatik institutlar kommersiya münasibətlərinin gücləndirilməsində mühüm rol oynayır.<br /> Səfirliklər bizneslərə milli prioritetləri anlamağa, etibarlı qurumları müəyyən etməyə, tənzimləyici mühitlərdə hərəkət etməyə və müvafiq maraqlı tərəflərlə əlaqələr qurmağa kömək edə bilər.<br /> Buna görə də biznes liderləri diplomatik missiyalarla yalnız rəsmi mərasimlər zamanı deyil, həm də ticarət və investisiya inkişafında strateji tərəfdaşlar kimi əlaqə saxlamalıdırlar.<br /> Zati-aliləri səfir cənab Julio Belarmino Gomes Maiato ilə görüş diplomatiya və özəl sektor arasında konstruktiv dialoqun vacibliyini nümayiş etdirdi.<br /> Bu cür əlaqələr geniş ambisiyaları praktik təşəbbüslərə çevirməyə kömək edə bilər.<br /> Onlar investisiya missiyalarını, biznes nümayəndə heyətlərini, sənaye forumlarını, sahibkarlıq proqramlarını və müxtəlif ölkələrdəki şirkətlər arasında birbaşa əməkdaşlığı dəstəkləyə bilərlər.<br /> “Diplomatiya qapıları açır, lakin məsuliyyətli biznes tərəfdaşlığı bu qapılardan vizyon, dürüstlük və öhdəliklə keçməlidir.”<br /> Növbəti addım davamlı əlaqə olmalıdır.<br /> Görüşlər dəyərlidir, lakin təsir yaradan şey onun davamıdır.<br /> Maraqlı tərəflər prioritet sektorları müəyyən etməli, potensial layihələri müəyyənləşdirməli, işçi qrupları yaratmalı və həyata keçirilməsi üçün vaxt cədvəlləri yaratmalıdırlar. İrəliləyiş imzalanmış tərəfdaşlıqlar, başlanan layihələr, yaradılan iş yerləri və investisiyaların asanlaşdırılması kimi konkret nəticələrlə ölçülməlidir.<br /> <strong>Afrika üçün Yeni Biznes Hekayəsi</strong><br /> Afrikanın qlobal biznes hekayəsi dəyişməyə davam etməlidir.<br /> Qitə yalnız çətinliklər baxımından müzakirə edilməməlidir. Onun nailiyyətləri, istedadı, sahibkarlığı, resursları və innovasiyası bərabər şəkildə tanınmalıdır.<br /> Afrikalı sahibkarlar texnologiya, logistika, kənd təsərrüfatı, maliyyə, mobillik, enerji və istehsal sahələrində şirkətlər qururlar. Hökumətlər infrastruktura və şaxələndirməyə investisiya qoyurlar. Gənclər yerli və qlobal bazarlar üçün həllər yaradırlar.<br /> Beynəlxalq biznes icması bu impulsu qəbul etməli və Afrika ilə bərabərhüquqlu tərəfdaş kimi əməkdaşlıq etməlidir.<br /> “Afrikanın rəğbətə əsaslanan biznesə ehtiyacı yoxdur. Hörmətə əsaslanan investisiyaya, fürsətə əsaslanan tərəfdaşlığa və nəticələrə əsaslanan liderliyə ehtiyacı var.”<br /> Anqola bu yeni hekayənin vacib bir hissəsinə çevrilə bilər.<br /> Beynəlxalq əməkdaşlığı gücləndirməklə, özəl sektorun artımını dəstəkləməklə və avtomobil, logistika, istehsal və texnologiya kimi sənaye sahələrini inkişaf etdirməklə ölkə regional biznes məkanı kimi rolunu genişləndirə bilər.</p>
<p><br /> <strong>Liderlik, Vizyon və Fəaliyyət</strong><br /> <img alt="4345" onclick="return false;" src="https://ssl.xeber7.az/file/articles/2026/08/06/1786018718_wsshatsapp-image-2026-08-06-at-07.42.16.jpeg" /></p>
<p>Baş Biznes Xilaskarları olaraq, inanıram ki, biznes liderliyi başqaları üçün yaratdığı imkanlarla ölçülməlidir.<br /> Liderin məsuliyyəti şəxsi nailiyyətlərdən kənara çıxır. Buraya platformalar qurmaq, insanları birləşdirmək, sahibkarları dəstəkləmək və investisiya və inkişaf üçün yollar yaratmaq daxildir.<br /> OBS – Bir Biznes Mövsümü bu öhdəliyi əks etdirir.<br /> Ciddi maraqlı tərəfləri bir araya gətirməyə və mənalı əməkdaşlığa səbəb olan söhbətləri təşviq etməyə çalışır. Məsuliyyətli investisiyaları təşviq etmək, beynəlxalq tərəfdaşlıqları asanlaşdırmaq və Afrikanın qlobal iqtisadiyyatda artan rolunu vurğulamaq məqsədi daşıyır.<br /> Zati-aliləri səfir cənab Julio Belarmino Gomes Maiato ilə məhsuldar görüş bu istiqamətdə ruhlandırıcı bir addımdır.<br /> Anqola, OBS və Afrika avtomobil sektoru ilə bağlı fikir mübadiləsini və əməkdaşlığın inkişaf etdirilməsinə ortaq marağı dərindən qiymətləndirirəm.<br /> İrəlidə gedən yol vizyon, ardıcıllıq və kollektiv səy tələb edir.<br /> Amma fürsət aydındır.<br /> Afrika qlobal biznes və investisiya məkanı kimi yüksəlir və dürüstlük, səbr və strateji öhdəliklə məşğul olanlar dövrümüzün ən vacib iqtisadi transformasiyalarından birində iştirak etmək imkanına sahib olacaqlar.<br /> “Afrikanın böyüməsinin növbəti fəsli yalnız satmaq istəyənlər tərəfindən deyil, qurmağa hazır olanlar tərəfindən yazılacaq.”<br /> Gəlin sənaye sahələri quraq.<br /> Gəlin tərəfdaşlıqlar quraq.<br /> Gəlin imkanlar quraq.<br /> Və hər şeydən əvvəl, biznes uğurunun Anqola və Afrika qitəsində iqtisadi tərəqqiyə, insan inkişafına və ortaq rifaha birbaşa töhfə verdiyi bir gələcək quraq.</p>
<p><img alt="4344" onclick="return false;" src="https://ssl.xeber7.az/file/articles/2026/08/06/1786018713_whatsapp-image-2026-08-06-at-07.42.15.jpeg" /><br /> <br /> <strong>Dr. MAC Munir Ahmad Chaudhry</strong><br /> <strong>Baş Biznes Xilaskarı</strong> <em>(Chief Business Savior)</em><br /> <strong>OBS – Bir Biznes Mövsümü</strong> <em>(One Business Season)</em></p>
]]><p style="text-align:justify"><span style="font-size:14.0pt"><span style="font-family:"Times New Roman",serif">Bu baxımdan, </span></span><span style="font-size:14.0pt"><span style="font-family:"Times New Roman",serif">30 iyulda Prezident İlham Əliyevin Qırğızıstana dövlət səfəri həm Azərbaycan-Qırğızıstan ikitərəfli münasibətlərinin dərinləşdirilməsi, həm də ümumilikdə Mərkəzi Asiya regionu ilə strateji əməkdaşlığın genişləndirilməsi məqsədinə xidmət edir. </span></span></p>
<p style="text-align:justify"><span style="font-size:14.0pt"><span style="font-family:"Times New Roman",serif">Səfər çərçivəsində gələcək əməkdaşlıq məqsədi ilə bir çox sənədlər imzalanıb və hər iki dövlətin prezidentləri mətbuata birgə bəyanatla çıxış ediblər. Azərbaycan Prezidenti İlham Əliyev Qırğızıstan Prezidenti Sadır Japarov ilə mətbuata bəyanatında dövlət başçımızın vurğuladığı kimi, “Bu gün biz Sizinlə dövlətlərarası münasibətləri ən yüksək səviyyəyə qaldırdıq, qarşılıqlı fəaliyyətimizin möhkəmlənməsinə birgə səyləri bir daha nümayiş etdirdik”</span></span><span style="font-size:14.0pt"><span style="font-family:"Times New Roman",serif">- deyə bildirib</span></span><span style="font-size:14.0pt"><span style="font-family:"Times New Roman",serif">.</span></span></p>
<p style="text-align:justify"><span style="font-size:14.0pt"><span style="font-family:"Times New Roman",serif">Eyni zamanda ikitərəfli qarşılıqlı fəaliyyət üzrə bir çox məsələlər - investisiya və digər sahələrdə əməkdaşlığın perspektiv məsələləri müzakirə olunub. Azərbaycanla Qırğızıstan arasında ticarət dövriyyəsinin artması tendensiyasının mövcud olduğunu bildirən Cənab Prezident vurğulayıb ki, biz iqtisadi-ticari sahədə fəal əməkdaşlıq edirik. Azərbaycan-Qırğızıstan İnkişaf Fondunun Nizamnamə fondu 200 milyon dollaradək artıb. "Qırğızıstanda həyata keçirilən çoxlu layihə var və onlar birgə istehsal, yeni iş yerləri yaradır, qarşılıqlı fəaliyyətimizin iqtisadi potensialını möhkəmləndirir", - deyən dövlət başçısı əlavə edib ki, əminəm ki, 200 milyon da son hədd deyil. <br /> Azərbaycan tarixi Zəfərdən sonra azad olunan ərazilərimizdə abadlıq-quruculuq işlərini davam etdirir. Türk dövlətləri də Azərbaycanın Qarabağda və Şərqi Zəngəzurda apardığı bərpa-yenidənqurma işlərinə də öz töhfələrini verirlər. Qırğızıstan tərəfindən tikilib istifadəyə verilmiş orta məktəb məhz ölkələrimizin və xalqlarımızın dostluğunun, qardaşlığının sarsılmazlığının parlaq nümunələridir. Eyni zamanda türk dünyasının böyük yazıçısı, diplomat və ictimai xadim Qırğızıstanın Xalq yazıçısı Çingiz Aytmatovun Bakıdakı abidəsinin açılışı da bu birliyin, dostluğun və qardaşlığın rəmzidir. <br /> Əminlillə deyə bilərik ki, ortaq soy-kök, ortaq tarix və mədəniyyət, milli dəyərlər, eləcə də mövcud potensial və həyata keçiriləcək layihələr dövlətlərarası bağları daha da möhkəmləndirəcəkdir.</span></span></p>
<p style="text-align:justify"> </p>
<p style="text-align:justify"> </p>
<p style="text-align:justify"><strong><span style="font-size:14.0pt"><span style="font-family:"Times New Roman",serif">İmran Qasımov, Azərbaycan Yazıçılar Birliyinin üzvü, şair</span></span></strong></p>
]]><p>Bu gün dünyada 50 milyondan çox insan üçün Azərbaycan dili ana dilidir. Müstəqil dövlətin olmadığı dövrlərdə azərbaycanlıları bir xalq kimi qoruyan, assimilyasiya olunmağa imkan verməyən Azərbaycan mədəniyyəti, Azərbaycan dili, milli mənəvi dəyərlər olub.</p>
<p>Ana dilin hərtərəfli inkişafı, dövlət dilinə çevrilməsi, diplomatiya aləminə yol açması, dünyanın ən mötəbər tədbirlərində eşidilməsi qürurvericidir. Çünki dil təkcə ünsiyyət vasitəsi deyil, həm də xalqın tarixi, ədəbiyyatı, mədəniyyətidir. Hansı ölkədə yaşamasından asılı olmayaraq, hər bir azərbaycanlı öz ana dilini, dinini, milli adət və ənənələrini unutmamalı, onları təbliğ etməlidir. Ümummilli Liderimiz Heydər Əliyevin dediyi kimi: “Dil ədəbiyyatla, mədəniyyətlə, mənəviyyatla bağlıdır. Bunlarsız isə vətənpərvərlik formulu yoxdur”.</p>
<p>Bu gün yazıçı-publisist, şair Sevinc Ağa Xəlilqızı ana dilində gənclərə iki şeir ünvanlayıb: “Eşqim” və “Gənclik”.</p>
<p>Şair gənclik illərində yaşanan saf, təmiz, bir hissiyyatla yaşanan duyğuları “Eşqim” şeirində əks etdirir. Şair sevgisiz həyatı cəhənnəmə bənzədərək oxucuya sual verir: “Sənsiz cənnət olsa mənə bu aləm de nəyimə gərək? Səninlə cəhənnəm cənnətdir mənə...”</p>
<p>“Gənclik” şeirində şair deyir: “Eşqim gedən qatar geriyə dönmür! Bu gənc yaşda itib mənim gəncliyim”. Müəllif hər iki şeirində gənclərə sahib olduqları saf sevgiyə dəyər verməyi, onu zamanında qiymətləndirməyi tövsiyə edir.</p>
<p>Şeir poeziyasevərlərə təqdim edilir.</p>
<p> </p>
<p><iframe allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen="" frameborder="0" height="509" src="https://www.youtube.com/embed/J9sQowR3r9w" title="Ana dilimizin gözəlliyini tərənnüm edən şeir" width="905"></iframe></p>
]]><p>Azərbaycan Respublikası ilə Qırğız Respublikası arasında münasibətlər tarixən dostluq, qarşılıqlı hörmət və ortaq mənəvi dəyərlər üzərində formalaşmışdır. Eyni mədəni köklərə, türk kimliyinə və ortaq tarixi irsə malik olan iki dövlət müstəqillik əldə etdikdən sonra siyasi, iqtisadi, humanitar və beynəlxalq əməkdaşlıq sahələrində əlaqələrin davamlı inkişafına xüsusi önəm vermişdir. Son illərdə bu münasibətlər keyfiyyətcə yeni mərhələyə yüksələrək strateji tərəfdaşlıqdan müttəfiqlik səviyyəsinə çatmış, Türk dünyasında inteqrasiyanın möhkəmləndirilməsi baxımından mühüm nümunəyə çevrilmişdir.</p>
<p>Azərbaycan Respublikasının Prezidenti İlham Əliyevin 31 iyul 2026-cı il tarixində Qırğızıstan Respublikasına həyata keçirdiyi dövlət səfəri iki ölkə arasında münasibətlərin tarixində ən əlamətdar hadisələrdən biri kimi qiymətləndirilir. Prezident İlham Əliyev Qırğızıstan Prezidenti Sadır Japarov ilə keçirilən görüşdən sonra mətbuata verdiyi bəyanatda iki ölkə arasında münasibətlərin artıq ən yüksək səviyyəyə yüksəldiyini xüsusi vurğuladı. Dövlət başçısı bildirdi: <strong>"</strong>Bizi tarix, mədəniyyət, xalqlarımızın görkəmli nümayəndələrinə hörmət ilə bağlı çox şey birləşdirir. Biz Sizinlə, həmçinin Bakıda Çingiz Aytmatovun abidəsini və onun adını daşıyan parkın açılışını etdik. Bu yerlər, həmçinin Çingiz Aytmatovun həyatı və fəaliyyəti ilə bağlıdır. Bu gün görüş keçirdiyimiz ev də onunla bağlıdır və divarlarda onun portreti var. Bütün bunlar bizim bir-birimizə yaxınlaşmaq səylərimizi nümayiş etdirir.</p>
<p>Bir neçə il əvvəl Sizinlə birlikdə Bişkekdə Qırğızıstan-Azərbaycan dostluğu parkının açılışını da unutmayacağam. Bu park da birgə əməkdaşlığımızın paytaxtdakı kiçik guşəsidir.</p>
<p>Bu gün bizim danışdığımız humanitar əlaqələr – Qırğızıstanda Azərbaycanın, Azərbaycanda isə Qırğızıstanın Mədəniyyət Günləri müsbət ab-hava yaradır, ortaq köklərə malik və bir neçə beynəlxalq strukturda birləşmiş xalqlarımızın necə yaxın olduğunu bir daha nümayiş etdirir<strong>". </strong>Bu fikirlər Azərbaycan və Qırğızıstan arasında münasibətlərin tarixi, mədəni kökləri olduğunu göstərir. Prezident İlham Əliyev vurğuladı ki, Azərbaycan və Qırğızıstan bundan sonra da beynəlxalq təşkilatlar çərçivəsində bir-birini dəstəkləyəcək, iqtisadi və ticarət əlaqələrini genişləndirəcək, regional təhlükəsizliyin möhkəmləndirilməsi istiqamətində birgə fəaliyyət göstərəcək. Bu yanaşma hər iki dövlətin beynəlxalq hüququn prinsiplərinə sadiqliyini və çoxtərəfli əməkdaşlığın inkişafına verdiyi önəmi əks etdirir.</p>
<p>Dövlət səfəri çərçivəsində Azərbaycan və Qırğızıstan arasında müxtəlif sahələri əhatə edən geniş sənədlər paketi imzalandı. Həmin sənədlər siyasi dialoqun dərinləşdirilməsi, iqtisadi əməkdaşlığın genişləndirilməsi, investisiyaların təşviqi, nəqliyyat və logistika, rəqəmsal inkişaf, kənd təsərrüfatı, enerji, təhsil, elm, mədəniyyət və humanitar sahələr üzrə qarşılıqlı fəaliyyətin inkişafına xidmət edir. İmzalanmış sənədlər göstərir ki, tərəflər münasibətləri yalnız siyasi dialoqla məhdudlaşdırmır, əməkdaşlığın praktiki nəticələrə yönəlməsinə xüsusi diqqət yetirirlər. Yeni razılaşmalar iqtisadi layihələrin həyata keçirilməsi, biznes dairələri arasında əlaqələrin genişləndirilməsi və qarşılıqlı investisiyaların artırılması üçün yeni imkanlar yaradır.</p>
<p>Prezident İlham Əliyev bəyanatında qeyd etdi ki, imzalanan sənədlər qarşılıqlı fəaliyyətin çox geniş spektrini əhatə edir və əldə edilmiş bütün razılaşmalar əvvəlki layihələr kimi uğurla icra olunacaq. Bu, iki ölkə rəhbərliyinin qarşılıqlı etimada əsaslanan əməkdaşlığa sadiqliyini nümayiş etdirir.</p>
<p>Azərbaycan və Qırğızıstan Türk Dövlətləri Təşkilatının fəal üzvləri kimi türk dünyasının siyasi, iqtisadi və mədəni inteqrasiyasının gücləndirilməsində mühüm rol oynayırlar. Son illərdə Türk Dövlətləri Təşkilatının institusional inkişafı, ortaq layihələrin həyata keçirilməsi və nəqliyyat-kommunikasiya əlaqələrinin genişləndirilməsi istiqamətində atılan addımlar iki ölkənin əməkdaşlığını daha da möhkəmləndirib.</p>
<p>Azərbaycanın təşəbbüsü ilə həyata keçirilən regional nəqliyyat layihələri, xüsusilə Orta Dəhliz boyunca formalaşan yeni logistika imkanları Qırğızıstan üçün də mühüm iqtisadi perspektivlər açır. Bu marşrut Asiya ilə Avropanı birləşdirən ən mühüm ticarət yollarından birinə çevrilməkdədir və Qırğızıstanın beynəlxalq bazarlara çıxış imkanlarını genişləndirir. Bununla yanaşı, enerji, yaşıl iqtisadiyyat, rəqəmsal transformasiya və innovasiya sahələrində əməkdaşlığın genişləndirilməsi də tərəflərin əsas prioritetlərindən biri kimi müəyyənləşdirilib.</p>
<p>Dövlət səfərinin ən yaddaqalan hadisələrindən biri iki ölkə prezidentlərinin qarşılıqlı şəkildə ali dövlət mükafatları ilə təltif olunması oldu. Azərbaycan Respublikasının Prezidenti İlham Əliyev Qırğız Respublikasının ən ali dövlət mükafatı olan 1-ci dərəcəli "Manas" ordeni ilə təltif edildi. Bu yüksək mükafat Prezident İlham Əliyevin Azərbaycan–Qırğızıstan münasibətlərinin inkişafına, Türk dünyasında həmrəyliyin möhkəmləndirilməsinə və iki qardaş xalq arasında dostluq əlaqələrinin güclənməsinə verdiyi müstəsna töhfənin ifadəsidir.</p>
<p>"Manas" ordeni Qırğızıstanın dövlətçilik tarixində xüsusi yer tutur və ölkənin milli qəhrəmanı Manasın adını daşıyır. Bu orden yalnız dövlətlərarası münasibətlərin inkişafına xüsusi xidmət göstərən nüfuzlu şəxsiyyətlərə təqdim edilir. Prezident İlham Əliyevin bu ali mükafata layiq görülməsi onun beynəlxalq nüfuzunun, eləcə də Türk dünyasının birliyinə verdiyi töhfələrin yüksək qiymətləndirilməsinin göstəricisidir.</p>
<p>Eyni zamanda, Qırğızıstan Respublikasının Prezidenti Sadır Japarov Azərbaycan Respublikasının ən yüksək dövlət təltifi olan "Heydər Əliyev" ordeni ilə təltif olundu. Bu orden Azərbaycan dövlətçiliyinin möhkəmləndirilməsi, beynəlxalq əməkdaşlığın inkişafı və ölkələr arasında dostluq münasibətlərinin genişləndirilməsi istiqamətində mühüm xidmətləri olan dövlət xadimlərinə təqdim edilir. Sadır Japarovun bu yüksək mükafata layiq görülməsi onun Azərbaycan ilə münasibətlərin inkişafına verdiyi töhfənin, strateji tərəfdaşlığın möhkəmləndirilməsi istiqamətində göstərdiyi siyasi iradənin və Türk dünyasında əməkdaşlığın genişlənməsinə verdiyi dəstəyin yüksək qiymətləndirilməsi kimi dəyərləndirilir. Bu qarşılıqlı təltiflər təkcə dövlət başçılarına göstərilən ehtiram deyil, həm də Azərbaycan ilə Qırğızıstan arasında dostluğun, etimadın və müttəfiqlik münasibətlərinin ən yüksək səviyyədə təsdiqi kimi böyük siyasi və mənəvi məna daşıyır.</p>
<p>Bu gün Azərbaycan və Qırğızıstan münasibətləri yalnız ikitərəfli əməkdaşlıq çərçivəsi ilə məhdudlaşmır. Hər iki dövlət regional və beynəlxalq layihələrdə fəal iştirak edir, nəqliyyat dəhlizlərinin inkişafına, iqtisadi inteqrasiyanın genişlənməsinə və Türk dünyasının vahid iqtisadi məkanının formalaşdırılmasına mühüm töhfələr verir. Müttəfiqlik münasibətlərinin möhkəmləndirilməsi gələcəkdə qarşılıqlı investisiyaların artmasına, ticarət dövriyyəsinin genişlənməsinə, yeni sənaye və logistika layihələrinin həyata keçirilməsinə, elm, təhsil və yüksək texnologiyalar sahəsində əməkdaşlığın dərinləşməsinə geniş imkanlar yaradacaq.</p>
<p> </p>
<p><strong>Qasımov Səyavuş Kamran oğlu, Avrasiya Universitetinin rektoru, siyasi elmlər üzrə fəlsəfə doktoru, dosent</strong></p>
]]><p><img alt="" src="https://planetinfo.az/uploads/posts/2026-08/1786022594_11126qq-08-06-at-17_14_44.jpg" /></p>
<p><img alt="" src="https://planetinfo.az/uploads/posts/2026-08/1786022566_whatsapp-image-2026-08-06-asst-17_14_44.jpeg" /></p>
<p><img alt="" src="https://planetinfo.az/uploads/posts/2026-08/1786022506_whatsapp-image-2026-08-06-at-17_14_44.jpeg" /></p>
<p><img alt="" src="https://planetinfo.az/uploads/posts/2026-08/1786022542_whatsapp-image-2026-ee08-06-at-17_14_44.jpeg" /></p>
<p><img alt="" src="https://planetinfo.az/uploads/posts/2026-08/1786022564_whatsapp-image-2026-08-06-at-17_14_4vv5.jpeg" /></p>
<p><img alt="" src="https://planetinfo.az/uploads/posts/2026-08/1786022529_whatsapp-image-2026-08-06-atuu-17_14_44.jpeg" /></p>
<p><img alt="" src="https://planetinfo.az/uploads/posts/2026-08/1786022524_whatsapp-image-2026-08-06-at-17_14_4cc4.jpeg" /></p>
]]>
