<p>Görüşdə Azərbaycanla Ermənistan arasında münasibətlərin normallaşdırılması, dayanıqlı sülhün təmin olunması, ikitərəfli ticarət münasibətlərinin başlanması, həmçinin Azərbaycandan Ermənistana neft və neft məhsullarının ixracı və üçüncü ölkələrdən Ermənistana ixrac olunan məhsulların Azərbaycan ərazisindən tranzit keçidi müsbət dəyərləndirildi. Söhbət zamanı Mərkəzi Asiya ilə Avropa arasında regional bağlantılarda Azərbaycanın vacib rolu qeyd olundu, ölkəmizlə Avropa İttifaqı arasında enerji sahəsində uğurlu əməkdaşlığın həyata keçirildiyi vurğulandı. Eyni zamanda Azərbaycanın Avropanın enerji təhlükəsizliyində roluna toxunularaq, onun etibarlı tərəfdaş olması, ölkəmizdən Avropa İttifaqına qaz ixracının həcminin artması məmnunluqla qeyd edildi.</p>
<p>Son dörd ildə Azərbaycanın Avropa İttifaqına qaz ixracının təxminən 65 faiz artması, artıq Aİ-nin 10 üzv dövlətinin Azərbaycan qazı alması təsdiqləyir ki, Avropa alternativ enerji mənbələri axtararkən ən etibarlı tərəfdaşlardan birini məhz Azərbaycanda tapıb. 2022-ci ildə imzalanmış “Avropa Komissiyası tərəfindən təmsil olunan Avropa İttifaqı ilə Azərbaycan Respublikası arasında enerji sahəsində Strateji Tərəfdaşlığa dair Anlaşma Memorandumu” bu gün konkret iqtisadi nəticələr verir və Brüssel bunu açıq şəkildə etiraf edir. Lakin münasibətlər artıq yalnız qaz üzərində qurulmur. Dövlət başçımızın açıqladığı rəqəmlər gələcəyin enerji xəritəsinin də Azərbaycanda formalaşdığını göstərir. Ursula Fon der Lyayenin də çıxışında Azərbaycanın təmiz enerji və elektrik bağlantıları üzrə böyük potensiala malik olduğunu vurğulaması bu baxışın Brüsseldə də bölüşüldüyünü göstərir.</p>
<p>Qeyd etdiyim kimi görüşdə diqqətçəkən ən mühüm siyasi mesajlardan biri də sülh prosesi ilə bağlı idi. Prezident İlham Əliyev bildirdi ki, Azərbaycan və Ermənistan arasında de-fakto sülh artıq qurulub və Bakı bunun praktik nəticələrini göstərmək üçün konkret addımlar atır. Ermənistana tranzit məhdudiyyətlərinin aradan qaldırılması, yanacaq ixracının başlanması regionda yeni iqtisadi münasibətlər modelinin formalaşdığını göstərir. Dövlətimizin başçısının “Biz göstəririk ki, sülh bizim üçün artıq hiss olunan məfhumdur, onu hiss edə bilirik və sülh şəraitində yaşamağı öyrənirik” fikri əslində Azərbaycanın yeni regional strategiyasının mahiyyətini ifadə edir. Burada diqqətçəkən başqa məqam Avropa Komissiyasının da bu prosesi açıq şəkildə dəstəkləməsi və regional əməkdaşlığın genişləndirilməsi üçün maliyyə və siyasi dəstək verməyə hazır olduğunu bəyan etməsidir. <br /> Bütün bunlar onu göstərir ki, Prezident İlham Əliyevin həyata keçirdiyi çoxşaxəli və balanslaşdırılmış xarici siyasət nəticəsində Azərbaycan dünyanın əsas güc mərkəzləri ilə etibarlı tərəfdaşlıq münasibətləri qurub. Bu səfər isə tərəflər arasında əməkdaşlığın daha da genişləndirilməsi, mövcud tərəfdaşlığın möhkəmləndirilməsi və qarşılıqlı maraqlara əsaslanan əlaqələrin yeni mərhələyə yüksəldilməsi məqsədi daşıyırdı.</p>
<p> </p>
<p><strong>Hümbət Hüseynov</strong></p>
<p><strong>Azərbaycan Qəsəbə Bələdiyyələrinin Milli Assosiasiyasının sədri, Avropa Şurasında Yerli və Regional Hakimiyyətlər Konqresində Azərbaycan nümayəndə heyətinin üzvü</strong></p>
]]><p>Paytaxt Karakas və Venesuelanın digər bölgələrinin sakinləri zəlzələdən sonra axşam saatlarında ölkənin üzərindəki səmanın qırmızıya çevrildiyini görüblər.</p>
<p>AZƏRTAC xəbər verir ki, bu barədə VTV televiziya kanalı iyulun 1-də məlumat verib.</p>
<p>Məlumatda deyilir: “Zəlzələdən sonra müşahidə edilən qırmızı rəngdə səma havadakı hissəciklərin yüksək konsentrasiyasından qaynaqlanan optik və meteoroloji bir fenomendir və bu, “releyev” səpələnməsi adlanır”.</p>
<p>Telekanalın məlumatına görə, seysmik aktivlikdən sonra toz, qum və kiçik qaya hissəcikləri atmosferə daxil olub. Bu hissəciklər Günəş işığının yolunu dəyişdirərək üfüqdə qırmızı və narıncı çalarların üstünlük təşkil etməsinə səbəb olub.</p>
<p>VTV qeyd etdiyi kimi, təsir güclü küləklər və ya atmosferdəki tozun, o cümlədən səhradan gələn tozun olması ilə güclənə bilər. Buna görə də, qeyri-adi səma rəngi bəzən səhvən yeni təbii hadisələrin xəbərçisi kimi qəbul edilir, baxmayaraq ki, bu, atmosferdəki fiziki proseslərlə izah olunur.</p>
<p>Venesuelada zəlzələ iyunun 24-də baş verib. Zəlzələnin episentri Valensiya şəhərindən 60 kilometr şimal-qərbdə və San Felipe şəhərindən 28 kilometr şimal-şərqdə yerləşirdi. Təbii fəlakətin gücü 7,5 bala çatıb. Zəlzələ 1900-cü ildən bəri ölkədə baş verən ən güclü yeraltı təkan olub. Son məlumatlara görə, 1943 nəfər həlak olub, 10500-dən çox insan yaralanıb.</p>
]]><p>Sağlam rəqabət mühitinin formalaşdırılması dövlət vəsaitlərindən daha səmərəli istifadəyə birbaşa təsir göstərir.</p>
<p>AZƏRTAC xəbər verir ki, bu sözləri Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin sədri Elnur Bağırov Ali Audit Qurumların Beynəlxalq Təşkilatının (INTOSAI) Dövlət Satınalmalarının Auditi üzrə İşçi Qrupunun Bakıda keçirilən illik toplantısındakı çıxışı zamanı deyib.</p>
<p>Onun sözlərinə görə, ötən il elektron satınalmalar nəticəsində dövlət büdcəsinə qənaət edilmiş vəsaitin ehtimal olunan qiymətdə xüsusi çəkisi 17,9 faiz təşkil edib. Bu nəticə rəqabətli satınalma mühitinin gücləndirilməsi, elektron satınalma mexanizmlərinin geniş tətbiqi və rəqəmsal transformasiya sahəsində həyata keçirilən islahatların effektivliyini nümayiş etdirir.</p>
<p>Agentlik sədri əlavə edib ki, dövlət satınalmalarının inkişafı həm büdcə vəsaitlərinin səmərəli idarə olunmasına, həm də biznes subyektləri üçün daha əlverişli və bərabər rəqabət şəraitinin formalaşmasına xidmət edir.</p>
]]><p>ABŞ “NATO 3.0” konsepsiyası çərçivəsində Avropa istiqaməti və Ukrayna ilə bağlı məsuliyyətin böyük hissəsini “köhnə qitə” ölkələrinin üzərinə qoyacaq.</p>
<p>AZƏRTAC xəbər verir ki, NATO-nun Baş katibi Mark Rütte bu barədə Anadolu agentliyinə müsahibəsində deyib.</p>
<p>Baş katib qeyd edib ki, ABŞ Avropadakı hərbi mövcudluğunu və nüvə çəkindirmə imkanlarını qoruyacaq, Aİ ölkələri isə alyans daxilində daha böyük məsuliyyət daşıyacaqlar. Onun sözlərinə görə, yaxın vaxtlarda NATO-nun birgə komandanlığından üçünə avropalılar rəhbərlik edəcək.</p>
<p>Mark Rütte, həmçinin Avropa ölkələrinin Ukraynaya maliyyə dəstəyinin göstərilməsində də aparıcı rol oynayacağını, ABŞ-nin isə mühüm hərbi texnika tədarükünü davam etdirəcəyini bildirib. O əlavə edib ki, maliyyələşdirmə əsasən Avropa ölkələri və Kanada tərəfindən təmin olunacaq.</p>
<p>Baş katibin fikrincə, bu model NATO daxilində məsuliyyət bölgüsünü daha ədalətli edəcək, alyansın çəkindirmə potensialını gücləndirəcək və dayanıqlılığını artıracaq.</p>
]]><p>İsti yay günlərində həm orqanizmin su balansını qorumağa kömək edən, həm də sərinləşdirici təsir göstərən qarpız və yemişə tələbat əhəmiyyətli dərəcədə artır. Vitamin və minerallarla zəngin olan bu məhsulları alarkən bir sıra vacib məqamlara diqqət yetirmək lazımdır.</p>
<p>Azərbaycan Qida Təhlükəsizliyi İnstitutunun İctimaiyyətlə əlaqələr şöbəsindən AZƏRTAC-a verilən məlumata görə, ilk növbədə, məhsulun xarici görünüşü qiymətləndirilməlidir. İstehlakçılar qarpız və yemiş alarkən onun rənginə, bərkliyinə, ölçüsünə, saplağına fikir verməlidirlər. Üzərində müşahidə olunan sarı ləkələr məhsulun torpaqla təmas etdiyi yerlərdir.</p>
<p>Qabığının hamar, səthinin parlaq olması qarpızın təzə və yetişmiş olduğuna işarə edir. Əksinə, solğun görünüş köhnəliyin əlaməti hesab olunur. Saplağının yaşıl rəngdə olması qarpızın hələ tam yetişməməsinin, qurumuş olması isə yetişmiş olmasının göstəricisidir. Qarpız və yemişin üzərində çürümüş yer və çatlar olmamalıdır.</p>
<p>Bundan başqa, qarpız və yemiş torpaqla təmasda yetişdiyindən onların səthinin müxtəlif mikroorqanizmlərlə çirklənmə ehtimalı var. Qidamənşəli risklərin qarşısını almaq üçün qarpız və yemiş kəsilməzdən əvvəl axar su altında yaxşıca yuyulmalı, təmiz və quru bıçaqla doğranmalıdır.</p>
<p>Ümumiyyətlə, qarpızın və yemişin kəsilən gün istehlak olunması məsləhətdir. Bütöv qarpızı 10-15°C, xırda hissələrə doğranılmış qarpızı isə ağzı kip qapaqlı qablarda +5°C temperaturda saxlamaq məsləhət görülür.</p>
<p>Bu barədə daha ətraflı link vasitəsilə tanış ola bilərsiniz.</p>
]]><p>Türkiyə Rusiya ilə Ukrayna arasında davamlı sülhün əldə olunması üçün səylər göstərir.</p>
<p>AZƏRTAC xəbər verir ki, bunu Türkiyə Prezidenti Rəcəb Tayyib Ərdoğan Almaniya Kansleri Fridrix Mertslə telefon danışığı zamanı bildirib.</p>
<p>Türkiyə lideri Ukrayna ilə bağlı danışıqlar prosesinin bərpa olunmasının və diplomatik səylərin fəallaşdırılmasının tərəfdarı olduğunu bildirərək, Ankaranın bu istiqamətdə atdığı addımları qeyd edib.</p>
<p>Gələn həftə Ankarada keçiriləcək NATO liderlərinin sammitinə toxunan Rəcəb Tayyib Ərdoğan bildirib ki, Avropa ölkələrinin Şimali Atlantika Alyansı çərçivəsində müdafiə sistemini gücləndirəcəyini və “Trans-Atlantik əlaqələr”in qorunub saxlanmasına dair qəti iradə nümayiş etdirəcəyini gözləyir.</p>
]]><p>AZƏRTAC xəbər verir ki, əvvəlcə milli futbol assosiasiyasının prezidenti Rövşən Nəcəf iclasın gündəliyi barədə məlumat verib.</p>
<p>Daha sonra gündəlikdə duran məsələlər müzakirə olunub.</p>
<p>AFFA-nın baş katibi Cahangir Fərəcullayev FIFA-nın qərarına əsasən, Azərbaycana həvalə edilən 15 yaşadək oğlan futbolçulardan ibarət komandalar arasında bu il keçiriləcək ilk dünya çempionatı və festival barədə ümumi məlumat verib.</p>
<p>Ardınca ölkə futbolunda 2025/2026-cı illər mövsümünün yekunları müzakirə olunub. İcraiyyə Komitəsinin üzvləri mövsüm ərzində təşkilatçılıq, yarışların keyfiyyəti və ümumi inkişaf istiqamətləri barədə fikirlərini bölüşüblər.</p>
<p>İclas çərçivəsində AFFA-nın yeni Texniki Direktoru Edmond Klaus təqdim olunub. O, gənclərin inkişafı, akademiya quruculuğu və idarəetməsi, təhsil və metodologiya, həmçinin skautinq sahəsində geniş təcrübəyə malikdir. Xüsusilə “Ayaks” akademiyasındakı fəaliyyətinin, həmçinin Niderland və Çində müxtəlif yaş qrupları üzrə milli komandalardakı təcrübəsinin Azərbaycandakı işinə mühüm töhfə verəcəyi vurğulanıb.</p>
<p>AFFA-nın baş katibinin müavini Elçin Məmmədov yeni yaradılmış Futbol İnkişaf Departamentinin fəaliyyəti və 5 ulduz modeli üzrə akademiyaların sertifikatlaşdırma qaydaları ilə bağlı məlumat verib. Növbəti mövsümdən etibarən tətbiq olunacaq qaydalar ətrafında fikir mübadiləsi aparılıb.</p>
<p>Daha sonra baş katib Cahangir Fərəcullayev Azərbaycan Premyer Liqası klublarına qrant müqaviləsi əsasında uşaq və yeniyetmə futbolunun inkişafı üçün ayrılan maliyyə yardımından istifadə qaydaları və nəzarət mexanizmi barədə yeni yanaşma barədə məlumat verib. Səsverməyə qoyulan məsələ İcraiyyə Komitəsi tərəfindən qəbul edilib.</p>
<p>İclasda, həmçinin Elit Məşq layihəsi üçün təklif olunan yeni format müzakirə olunub. İcraiyyə Komitəsinin üzvlərinin qeydləri əsasında, layihənin təkmilləşdirilməsi ilə bağlı tapşırıq verilib.</p>
]]><p>Fransada müşahidə olunan güclü istilər fonunda elektrik enerjisinə tələbatın kəskin artması topdansatış bazarında qiymətləri son iki ilin ən yüksək səviyyəsinə yüksəldib. Mütəxəssislər bildirirlər ki, qiymətlər 2023-cü ilin avqust ayından bəri rekord həddə çata bilər.</p>
<p>AZƏRTAC xəbər verir ki, isti hava şəraiti həm ev təsərrüfatlarını, həm də müəssisələri kondisioner və soyutma sistemlərindən daha intensiv istifadə etməyə məcbur edib.</p>
<p>Bundan başqa, Fransanın nüvə elektrik stansiyalarında istehsalın azalması da bazarda qiymətlərin yüksəlməsinə səbəb olub.</p>
<p>Fransanın əsas elektrik istehsalçısı olan nüvə stansiyaları çaylar və sahilboyu ərazilərdə yerləşdiyi üçün suyun temperaturunun yüksəlməsi ekosistemlərin qorunması məqsədilə bəzi reaktorların gücünün azaldılmasını və ya fəaliyyətinin müvəqqəti dayandırılmasını tələb edib.</p>
<p>Topdansatış bazarındakı qiymətlərə bağlı müqavilələrlə işləyən şirkətlər artıq əlavə xərclərlə üzləşə bilər.</p>
<p>Ekspertlərin fikrincə, yüksək qiymətlər uzun müddət davam edərsə, enerji təchizatçıları gələcək dövrlər üçün elektriki daha baha qiymətə almağa məcbur olacaq və bu, sonradan əhali üçün təklif olunan tariflərə də təsir göstərə bilər.</p>
]]><p>Gürcüstanın Baş naziri İrakli Kobaxidze Qazaxıstan Respublikasının Prezidenti Kasım-Jomart Tokayev ilə görüşüb.</p>
<p>AZƏRTAC xəbər verir ki, bu barədə Gürcüstan Hökumətinin Administrasiyası məlumat yayıb.</p>
<p>Bildirilir ki, görüş zamanı liderlər müxtəlif sahələrdə əməkdaşlığın müsbət dinamikasını müzakirə ediblər və strateji tərəfdaşlıq müqaviləsinin imzalanmasının ikitərəfli münasibətlərin daha da dərinləşməsinə töhfə verəcəyini bildiriblər.</p>
<p>Tərəflər, həmçinin nəqliyyat və logistika sektorlarındakı imkanları müzakirə ediblər. Onlar əlaqənin, eləcə də Orta Dəhlizin artan strateji əhəmiyyətini qeyd edib, əlavə yüklərin cəlb edilməsi üçün səylərin əlaqələndirilməsinin vacibliyini vurğulayıblar.</p>
]]><p>Qazaxıstan Prezidenti Kasım-Jomart Tokayev və Gürcüstanın Baş naziri İrakli Kobaxidze arasında keçirilən danışıqlarda iki ölkə arasında siyasi, iqtisadi, mədəni və humanitar əməkdaşlığın genişləndirilməsi perspektivləri müzakirə olunub.</p>
<p>AZƏRTAC Qazaxıstan Prezidentinin mətbuat xidmətinə istinadla xəbər verir ki, dövlət başçısı Qazaxıstanın Gürcüstanı zamanın sınağından çıxmış etibarlı tərəfdaş kimi qiymətləndirdiyini və iki ölkə arasında uzun illərə söykənən dostluq münasibətlərinə böyük önəm verdiyini bildirib.</p>
<p>Kasım-Jomart Tokayev Qazaxıstan ilə Gürcüstan arasında strateji tərəfdaşlığın qurulmasına dair birgə bəyanatın ikitərəfli münasibətləri keyfiyyətcə yeni mərhələyə yüksəldəcəyinə əminliyini ifadə edib.</p>
<p>Tərəflər ticarət və investisiya əməkdaşlığına, eləcə də nəqliyyat-logistika sahəsində qarşılıqlı fəaliyyətə xüsusi diqqət ayırıblar. Qazaxıstan Prezidenti bildirib ki, respublika Gürcüstan iqtisadiyyatına 500 milyon ABŞ dollarından çox investisiya yatırıb və hələ də bu ölkənin ən iri investorları sırasında yer alır.</p>
<p>“Ölkələrimiz energetika sahəsində uğurlu əməkdaşlıq edir. Biz Bakı-Tbilisi-Ceyhan neft kəməri vasitəsilə nəql olunan neftin həcmini artırmaq niyyətindəyik”, – deyə Kasım-Jomart Tokayev bildirib.</p>
<p>O, strateji tərəfdaşlığın gələcək inkişafını konkret istiqamətlər üzrə formalaşdırmağı və energetika, investisiyalar, nəqliyyat əlaqələri, kənd təsərrüfatı, rəqəmsallaşma, turizm və digər perspektivli istiqamətləri əhatə edən yol xəritəsinin hazırlanmasını təklif edib.</p>
<p>Trans-Xəzər Beynəlxalq Nəqliyyat Marşrutunun (TBNM) inkişafında əsas iştirakçılar kimi Qazaxıstan və Gürcüstan da nəqliyyat-logistika infrastrukturunun inkişafı, konteyner daşımalarının genişləndirilməsi, tarif siyasətinin əlaqələndirilməsi və rəqəmsallaşmanın sürətləndirilməsi istiqamətində tədbirlər görmək niyyətindədirlər.</p>
<p>Son beş ildə TBNM üzrə tranzit daşımalarının həcmi 3,5 dəfə artıb. 2029-cu ilədək bu marşrut üzrə hərəkət edən konteyner qatarlarının sayının 3 minə çatacağı gözlənilir.</p>
<p>Kasım-Jomart Tokayev Qazaxıstanın Gürcüstanın liman zonalarında fəaliyyətini genişləndirməkdə maraqlı olduğunu da bildirib. Batumi limanı ilə yanaşı, ötən il qazaxıstanlı investorların iştirakı ilə Potidə yeni multimodal terminal istifadəyə verilib. Regionlararası əlaqələrin möhkəmləndirilməsi baxımından perspektivli layihələrdən biri kimi Anakliya limanının da adı çəkilib.</p>
]]><p>Venesuelada baş vermiş güclü zəlzələ nəticəsində həlak olanların sayı 1700-ü ötüb.</p>
<p>AZƏRTAC xəbər verir ki, bu barədə ölkənin Milli Assambleyasının sədri Xorxe Rodriges özünün “Telegram” kanalında məlumat yayıb.</p>
<p>Bildirilib ki, təbii fəlakət nəticəsində həlak olanların sayı 1719 nəfərə, yaralananların sayı isə 5034 nəfərə çatıb.</p>
<p>Xatırladaq ki, iyunun 24-də axşam saatlarında Venesuelada təxminən 40 saniyə fasilə ilə 7,2 və 7,5 bal gücündə iki zəlzələ qeydə alınıb.</p>
<p>Hazırda xilasetmə və axtarış işləri davam edir.</p>
]]><p>Monako Knyazlığında güclü partlayış baş verib, üç nəfər xəsarət alıb.</p>
<p>AZƏRTAC xəbər verir ki, bu barədə “France-Presse” (AFP) agentliyi knyazlıq hökumətinə istinadla məlumat yayıb.</p>
<p>Məlumata görə, xəsarət alanlardan ikisinin vəziyyəti ağır qiymətləndirilir.</p>
<p>BFMTV telekanalının yaydığı məlumata əsasən, partlayış naməlum şəxsin Rue Reverend-Père-Louis-Follat küçəsində çanta qoymasından sonra baş verib. Hadisədən sonra şübhəli şəxs ərazidən qaçıb.</p>
<p>Hadisənin səbəbləri araşdırılır, hüquq-mühafizə orqanları şübhəlinin axtarışını davam etdirirlər.</p>
]]><p>Futbol üzrə dünya çempionatının qrup mərhələsinə yekun vurulur.</p>
<p>AZƏRTAC xəbər verir ki, L qrupunun sonuncu – III turu çərçivəsində Xorvatiya və Qana seçmələri qarşılaşıb. ABŞ-ın Filadelfiya şəhərindəki eyniadlı stadionda keçirilən gərgin oyun Avropa təmsilçisinin 2:1 hesablı qələbəsi ilə başa çatıb.</p>
<p>Matçda hesabı 31-ci dəqiqədə xorvatiyalı yarımmüdafiəçi Petar Suçiç açıb. Afrikalılar 73-cü dəqiqədə Derrik Lyukkassenin qolu ilə tarazlığı bərpa etsələr də, Xorvatiya millisi sona yaxın qələbə topunu vura bilib. Qarşılaşmanın 83-cü dəqiqəsində Nikola Vlaşiç fərqlənərək komandasına vacib 3 xalı qazandırıb.</p>
<p>Xorvatlar xallarının sayını 6-ya yüksəldib və qrup ikincisi kimi 1/16 finala vəsiqə qazanıb. Dörd xalı olan Qana isə ən yaxşı üçüncülər sırasından pley-offa yüksəlib.</p>
]]><p>Rusiya Aerokosmik Qüvvələri və Çin Xalq Azadlıq Ordusunun Hərbi Hava Qüvvələri Asiya-Sakit Okean regionunda birgə 6 saatlıq patrul xidməti həyata keçirib.</p>
<p>AZƏRTAC-ın xəbərinə görə, bu barədə Rusiya Müdafiə Nazirliyi məlumat yayıb.</p>
<p>"Rusiyanın Tu-95MS strateji raketdaşıyıcıları və Çinin H-6K strateji bombardmançı təyyarələrindən ibarət hava qrupu Şərqi Çin dənizi, Sakit okeanın qərb suları üzərində hava patrulu həyata keçirib. Birgə uçuş təxminən altı saat davam edib”, - deyə məlumatda bildirilir.</p>
]]><p>Bu gün Azərbaycan milli mətbuatının banisi, görkəmli maarifçi Həsən bəy Zərdabinin doğum günüdür.</p>
<p>AZƏRTAC xəbər verir ki, anadan olmasından 189 il ötsə də, müsəlman Şərqində ilk xeyriyyəçilik hərəkatının, milli teatrımızın və milli mətbuatımızın banisi, ilk təbiətşünas, təkamülçü alimi Həsən bəy Zərdabi böyük hörmət və ehtiramla anılır.</p>
<p>O, 1837-ci il iyunun 28-də Göyçay qəzasının Zərdab kəndində anadan olub. İlk təhsilini mollaxanada alıb, orta təhsilini Tiflisdə tamamlayıb. Moskva Universitetini bitirib. İxtisasca təbiətşünas olan Zərdabi 1869-cu ildə Bakı şəhərində rus dilində orta məktəbdə təbiətşünaslıqdan dərs deməyə başlayıb. 1873-cü ildə Nəcəf bəy Vəzirov və Əsgər ağa Adıgözəlov ilə birgə Mirzə Fətəli Axundzadənin "Hacı Qara" və "Lənkəran xanının vəziri" komediyalarını tamaşaya qoyub.</p>
<p>1901-ci ildə Bakıda azərbaycanlı qızlar üçün ilk məktəbin açılmasında yaxından iştirak edib.</p>
<p>1875-ci il iyulun 22-də Azərbaycanda ilk milli qəzet olan “Əkinçi”nin nəşrinə başlayıb. Lakin qəzetin ömrü uzun çəkmir və 1877-ci il sentyabrın 29-da nəşri dayandırılır.</p>
<p>1880-1890-cı illərdə Həsən bəyin Bakıda və Tiflisdə çıxan "Ziya", "Kəşkül", "Kaspi", "Novoye obozreniye" və digər qəzetlərdə Azərbaycan və rus dillərində çoxlu elmi-kütləvi məqalələri nəşr olunub.</p>
<p>Ömrünün sonlarına yaxın Bakı Şəhər Dumasının maarif şöbəsində işləyib.</p>
<p>1907-ci il noyabrın 28-də vəfat edib və Köhnə Bibiheybət məscidinin yaxınlığında dəfn olunub. Məzarı 1957-ci ildə Fəxri xiyabana köçürülüb.</p>
]]><p>Azərbaycanın teatr və kino aktyoru, Xalq artisti Barat Şəkinskayanın yaradıcılığı çoxcəhətli idi. Sənətə gəldiyi ilk dövrlərdə Barat xanım uşaq, hətta oğlan rollarında da çıxış edib. Zadəgan nəslinin nümayəndəsi olması isə onun xarakterini qürur və sadəlik, ləyaqət və fədakarlıq kimi ecazkar xüsusiyyətlərlə rövnəqləndirmişdi. Barat xanımın həm zahirən, həm də daxilən füsunkar insan olduğunu onun bircə rolunu seyr edən adi tamaşaçı da sezə bilərdi.</p>
<p>AZƏRTAC xəbər verir ki, bu gün görkəmli aktrisanın anadan olmasından 112 il ötür.</p>
<p>Barat Şəkinskayanın yaradıcılığının əsas dövrü 1935-ci ildən etibarən Akademik Milli Dram Teatrı ilə bağlı olub. Barat Şəkinskaya həm də Azərbaycanın ilk travisti - oğlan rolları oynayan aktrisası olub. 1937-ci il yanvarın 14-də milli teatr tariximizə “Azərbaycan səhnəsinin Cülyettası” kimi şərəfli əbədiyyət səhifəsi yazıb. Onun Gəncə teatrında Kostya, Bakıda 1939-cu ildə oynadığı Napoleon obrazları yüksək bədii-estetik məziyyətləri ilə Azərbaycan teatrı tarixinə yazılıb. 1943-cü ildə Gəncəyə qayıtdıqdan sonra buradakı dövlət teatrının yaradıcı kollektivinə üzv olur və Bahar ("Bahar") və Hürü ("Məhəbbət") rollarının ifaçısı olur. 1944-cü il dekabrın 18-də Barat Şəkinskaya köçürmə yolu ilə Gəncə teatrından Akademik Milli Dram Teatrına keçir.</p>
<p>Daha sonra dörd il “Azərbaycanfilm” kinostudiyasında aktrisa, filarmoniyada aparıcı, yenicə açılan televiziyada diktor işləyib. Daşkənddə keçirilən beynəlxalq kino festivalı günlərində iştirak edib. 1960-cı ildə Mehdi Məmmədov Akademik Teatra baş rejissor təyin edildikdən sonra teatrdan getmiş bir neçə sənətkar, o cümlədən Barat Şəkinskaya Moris Meterlinqin "Göy quş" (Tiltil), Şekspirin “Kral Lir” (Kardeliya), “Romeo və Cülyetta” (Cülyetta), “Otello” (Dezdemona), “On ikinci gecə” (Viola), Şillerin “Məkr və məhəbbət” (Luiza), Karlo Haldoninin “Mehmanxana sahibəsi” (Mirandalina), Lope de Veqanın “Rəqs müəllimi” (Florela), Aleksandr Ostrovskinin “Günahsız müqəssirlər” (Kruçinina) pyeslərinin tamaşalarında əsas rolların ifaçısı olub. Aktrisa çoxlu sayda uşaq rolları da oynayıb. Bu, Məhəmmədhüseyn Təhmasibin “Çiçəklənən arzular” pyesində 7-ci sinif şagirdi Nazlı rolu olub.</p>
<p>“Azərbaycan səhnəsinin Cülyettası” deyə çağırılan Barat Şəkinskaya 1935-ci ildən Xalq artisti Mustafa Mərdanovun təşəbbüsü ilə radio verilişlərinə cəlb olunub. Aktrisanın iştirak etdiyi “Arxip baba və Lyonka”, “Ad günü”, “Köhnə qala”, “Çippolino”, “Buratino”, “Sirk gəlir” və onlarca bu səpkili tamaşalar teleradio şirkətinin qızıl fondunda qorunub saxlanılır. Barat Şəkinskaya Azərbaycanın bir sıra məşhur, dillər əzbəri olan filmlərində maraqlı obrazlar canlandırıb. “Görüş”, “O olmasın, bu olsun”, “Qızmar günəş altında”, “Kölgələr sürünür”, “Qəribə əhvalat”, “Telefonçu qız”, “Azəri teatrının ustaları”, “Evin kişisi”, “Onun bəlalı sevgisi”, “Üzeyir ömrü” filmlərində Barat xanımın oynadığı rollar film tariximizin qiymətli incilərindəndir. Barat Şəkinskaya 23 yaşında, 4 may 1940-cı ildə Azərbaycan Respublikasının Əməkdar artisti, 21 iyul 1949-cu ildə Xalq artisti fəxri adlarına layiq görülüb. Sənətə böyük ehtiramı olan Barat Şəkinskaya elə bu məhəbbət üzündən də səhnəni tərk edib. Aktrisanın 70-ci illərdə səhnə ilə vidalaşma səbəbini İlham Rəhimli belə izah edir: “Səbəbini bir dəfə ondan soruşdum. Dedi ki, bir gün məşqdə idim. Məşq gedirdi. Mən bir də gördüm yuxu məni basdı. Əsnədim möhkəm. Çöndüm sağa baxdım, sola baxdım ki, məni görən olmadı ki? Öz-özümə dedim ki, hə Barat, səninki burada qurtardı”.</p>
<p>Xalq artisti Barat Şəkinskaya 1999-cu ilin yanvarın 14-də 84 yaşında dünyasını dəyişib. Bakıdakı İkinci Fəxri xiyabanda dəfn olunub.</p>
]]><p>ABŞ Mərkəzi Komandanlığının (CENTCOM) qüvvələri iyunun 27-də İranda birdən çox hədəfə əlavə zərbələr endirib.</p>
<p>AZƏRTAC xəbər verir ki, bu barədə komandanlığın yaydığı məlumatda deyilir.</p>
<p>Bildirilir ki, dünənki ABŞ-ın İranın “M/V Ever Lovely” gəmisinə hücumuna cavab olaraq endirdiyi zərbələrdən sonra İrana atəşkəs razılaşmasına əməl etmək şansı verilib.</p>
<p>“Lakin bu səhər saat 4:30-da (Şərq vaxtı ilə) kamikadze dronu ilə “M/T Kiku” gəmisinə zərbə endildikdən sonra bu şansın verilməməsi qərarına gəlindi. CENTCOM qüvvələri bu gün İranın kommersiya gəmiçiliyinə qarşı davam edən təcavüzünə birbaşa cavab olaraq zərbələr endirib. ABŞ hərbi təyyarələri İranın hərbi müşahidə infrastrukturunu, rabitə sistemlərini, hava hücumundan müdafiə obyektlərini, dron saxlama qurğularını və mina yerləşdirmə imkanlarını hədəf alıb”,- deyə açıqlamada qeyd olunur.</p>
<p>Bildirilir ki, kommersiya gəmilərinin Hörmüz boğazından tranziti davam edir.</p>
]]><p>Amerika Birləşmiş Ştatlarının təyyarələri atəşkəs sazişini pozduqlarına görə İranın raket və pilotsuz təyyarə saxlama, eləcə də sahil radar yerlərinə yenidən zərbələr endirdi.</p>
<p>AZƏRTAC xəbər verir ki, bu barədə ABŞ Prezidenti Donald Tramp “Truth” sosial mediasında yazıb.</p>
<p>“Ola bilər ki, onlar heç vaxt dərs çıxarmayacaqlar. Artıq təmkinli ola bilməyəcəyimiz və çox uğurla başladığımız işi hərbi yolla tamamlamağa məcbur olacağımız bir an gələ bilər. Əgər bu baş verərsə, İran İslam Respublikası artıq mövcud olmayacaq”,- deyə Tramp bildirib.</p>
]]><p>İngiltərə millisinin hücumçusu Harri Keyn rekorda imza atıb.</p>
<p>AZƏRTAC xəbər verir ki, dünya çempionatının qrup mərhələsinin III turunda Panama ilə görüşdə fərqlənən forvard cari mövsümdə klub və milli komandanın heyətində bütün turnirlərdə vurduğu qolların sayını 70-ə çatdırıb.</p>
<p>31 yaşlı oyunçu bununla da, Kriştianu Ronaldunun bir mövsümdə vurduğu ən yüksək qol sayını geridə qoyub.</p>
<p>Portuqaliya yığmasının ulduzu 2011/2012-ci illər mövsümdə 69 qol vurmağı bacarmışdı.</p>
<p>Qeyd edək ki, "Nyu-York/Nyu-Cersi" stadionunda baş tutan görüş Avropa təmsilçisinin 2:0 hesablı qələbəsi ilə yekunlaşıb.</p>
]]><p>İsveç Silahlı Qüvvələrinin rəisi Mikael Klaesson bildirib ki, ABŞ-nin Avropadakı hərbi mövcudluğunu azaltmaq planları fonunda bu Skandinaviya ölkəsi NATO-nun kollektiv müdafiə sistemində daha əhəmiyyətli rol oynaya bilər. Onun sözlərinə görə, İsveç artıq özünü ciddi hərbi və iqtisadi potensiala malik etibarlı müttəfiq kimi sübut edib.</p>
<p>AZƏRTAC xəbər verir ki, bununla əlaqədar olaraq ölkəyə alyansın digər üzvləri kimi, imkanlarına uyğun olaraq əlavə tapşırıqlar verilə bilər.</p>
<p>Mediada yer alan məlumatlara görə, ABŞ F-16 və F-15 qırıcılarının, tanker təyyarələrinin sayını azaltmağı, eləcə də təyyarədaşıyan gəminin yerini dəyişdirməyi və Avropada yerləşdirilən kəşfiyyat dronlarının sayını azaltmaq imkanını nəzərdən keçirir.</p>
<p>M.Klaesson qeyd edib ki, bəzi Amerika hərbi imkanlarını tezliklə əvəz etmək mümkün olmayacaq. Onun fikrincə, müttəfiqlər potensial resurs azalmalarının kompensasiyasını əvvəlcədən planlaşdırmağa başlamalıdırlar.</p>
]]><p>Almaniyada davam edən isti hava dalğası fonunda gecə temperaturu üzrə yeni rekord qeydə alınıb.</p>
<p>AZƏRTAC xəbər verir ki, Almaniya Meteorologiya Xidmətinin (DWD) məlumatına görə, Saksoniya əyalətinin Bautsen rayonundakı Kubşüts yaşayış məntəqəsində ötən gecə havanın temperaturu 29,4 dərəcə təşkil edib. Bununla da 2003-cü ilin avqustunda Reynland-Pfalts əyalətinin Vaynbit bölgəsində qeydə alınmış 27,2 dərəcəlik əvvəlki rekord yenilənib. DWD gecə qeydə alınan rekord göstəricinin bölgənin orta dağlıq relyefi və cənub küləklərinin yaratdığı təsirlərlə əlaqəli olduğunu açıqlayıb.</p>
<p>Ölkədə gündüz temperaturu üzrə də rekordlar yenilənməkdə davam edir. Ötən gün Saksoniya-Anhalt əyalətinin Yerixover Land rayonundakı Drevits meteoroloji stansiyasında 41,5 dərəcə qeydə alınıb ki, bu da Almaniya tarixində indiyədək müşahidə olunan ən yüksək hava temperaturudur.</p>
<p>Meteoroloqlar isti hava şəraitinin bazar günü də davam edəcəyini, bazar ertəsindən etibarən isə havanın tədricən sərinləşəcəyini və əksər bölgələrdə 30 dərəcədən aşağı düşəcəyini proqnozlaşdırırlar.</p>
]]><p>Milli Hidrometeorologiya Xidmətinin iyunun 28-i saat 12:00-a olan məlumatına əsasən ölkə ərazisinin əksər yerlərində arabir şimşək çaxır, yağış yağır. Ayrı-ayrı yerlərdə yağıntılar intensiv və güclüdür.</p>
<p>Xidmətdən AZƏRTAC-a bidirilib ki, düşən yağıntının miqdarı Yardımlıda 43 (aylıq normanın 93%-i), Şamaxıda 40 (aylıq normanın 64%-i), İsmayıllıda 30, Lerikdə 26 (aylıq normanın 55%-i), Qəbələdə 26, Beyləqanda 22 (aylıq normanın 82%-i), Xızıda 22, Qax (Sarıbaş), Lənkəranda 20 (aylıq normanın 45%-i), Biləsuvarda 18 (aylıq normanın 90%-i), İmişlidə 18 (aylıq normanın 66%-i), Şuşa, Füzulidə 18, Şahdağda 16, Bakıda və Abşeron yarımadasında 15 (aylıq normanın 150 %-i), Sabirabadda 13 (aylıq normanın 47%-i), Neftçalada 12 (aylıq normanın 101%-i), Astarada 12, Qobustanda 11, Cəlilabad, Quba, Gədəbəydə 10, Zaqatala, Qusarda 9, Oğuz, Şirvan, Daşkəsən, Şəkidə (Kişçay) 8, Culfada 7, Şabran, Cəbrayılda 5, Şahbuzda 4, Naxçıvan, Tovuzda 3, Naftalan, Göygöl, Ağdam, Kürdəmir, Laçında 2, Xaçmaz, Balakən, Şərur, Ordubad, Goranboy, Şəmkir, Gəncə, Tərtər, Bərdə, Mingəçevir, Yevlax, Zərdab, Kəlbəcər, Xocalı, Zəngilan, Xankəndi, Qubadlıda 1 mm-dək qeydə alınıb.</p>
<p>Bəzi yerlərdə şimal-qərb küləyi əsir, küləyin maksimal sürəti Bakıda və Abşeron yarımadasında 25, Naftalanda 21, Goranboyda 19, Gəncədə 18, Şərur, Culfada 16, Şəkidə 15 m/s-yə çatır.</p>
]]><p>Futbol üzrə dünya çempionatının (DÇ) qrup mərhələsində keçirilən son oyunlardan sonra bir sıra maraqlı statistik göstəricilər qeydə alınıb.</p>
<p>AZƏRTAC FIFA-nın rəsmi saytına istinadən xəbər verir ki, İngiltərə millisinin yarımmüdafiəçisi Cud Bellinqem 23 yaşınadək dünya çempionatlarında keçirdiyi oyunların sayını 8-ə çatdıraraq bu göstəricidə Şimali İrlandiyanın sabiq futbolçusu Norman Uaytsaydla birlikdə ikinci pilləyə yüksəlib. Siyahıya 9 oyunla İngiltərə yığmasının keçmiş hücumçusu Maykl Ouen başçılıq edir.</p>
<p>Portuqaliya millisinin kapitanı Kriştianu Ronaldu isə dünya çempionatları tarixində keçirdiyi oyunların sayını 25-ə çatdırıb. O, bu göstəricidə Almaniya millisinin əfsanəvi futbolçusu Lotar Matteusla birlikdə ikinci yeri bölüşür.</p>
<p>Argentina yığmasının yarımmüdafiəçisi Covani Lo Çelso milli komandada vurduğu qolların sayını 5-ə yüksəldib. Onun bu qollarından 4-ü ABŞ-də keçirilən matçlarda qeydə alınıb. Maraqlıdır ki, futbolçu həmin qolların hər birini fərqli şəhərdə – Los-Anceles, Filadelfiya, Mayami və Dallasda vurub.</p>
<p>Əlcəzair millisinin futbolçusu Riyad Mahrez isə dünya çempionatı tarixində bir oyunda dubl edən ikinci əlcəzairli kimi tarixə düşüb. Buna qədər bu uğura yalnız Salah Əsəd 1982-ci ildə Çili yığmasına qarşı keçirilən görüşdə imza atmışdı.</p>
<p>Qeyd edək ki, dünya çempionatı iyulun 19-da başa çatacaq.</p>
]]><p>Amerika müdafiə şirkətləri ölkənin arsenalını artırmaq üçün daha ucuz qiymətə raketləri tez və kütləvi şəkildə istehsal etməyə imkan verəcək yeni bir istehsal modelinə keçirlər.</p>
<p>AZƏRTAC xəbər verir ki, bu barədə "Financial Times" qəzeti istehsalçılara və Amerika rəsmilərinə istinadla məlumat yayıb. Nəşrin məlumatına görə, raket istehsalçısı “Co-Aspire” hər mərhələnin mümkün qədər sadələşdirildiyi "McDonald's modeli"ndən istifadə edərək yığma prosesini təşkil edib. “Financial Times” qeyd edir ki, bu cür layihələr xüsusilə İranla müharibədən sonra özünü göstərən Amerika raketlərinin yüksək qiyməti və istehsalının yavaş tempini həll etmək üçün nəzərdə tutulub.</p>
]]><p>İran və BƏƏ Cəbəl-Əli limanı vasitəsilə ticarət əməkdaşlığını bərpa edir.</p>
<p>AZƏRTAC İRNA xəbər agentliyinə istinadən bildirir ki, İranın Ticarətin Təşviqi Təşkilatının ticarət xidmətləri üzrə müavini Cəbəl-Əli limanı vasitəsilə BƏƏ ilə ticarət əlaqələrinin bərpa olunduğunu elan edib.</p>
<p>Cəbəl-Əli Fars körfəzinin cənubundakı ən mühüm limanlardan biridir. BƏƏ ərazisində yerləşən liman bu ölkə ilə İran arasında ticarətin böyük hissəsini idarə edən əsas tranzit qovşağı kimi xidmət edir.</p>
<p>Bu il fevralın 28-də bölgədə başlayan hərbi əməliyyatlar nəticəsində Cəbəl-Əli limanı vasitəsilə ticarət əməliyyatları dayandırılmışdı.</p>
]]><p>İyunun 27-də Azərbaycan xarici işlər naziri Ceyhun Bayramov ilə Türkiyə xarici işlər naziri Hakan Fidan arasında telefon danışığı aparılıb.</p>
<p>Bu barədə AZƏRTAC-a Xarici İşlər Nazirliyindən məlumat verilib.</p>
<p>Bildirilib ki, telefon danışığı zamanı Azərbaycan-Türkiyə müttəfiqlik münasibətlərindən irəli gələn məsələlər, iki ölkə arasında mövcud olan strateji əməkdaşlığın gündəliyi, habelə beynəlxalq və regional təşkilatlar çərçivəsində qarşılıqlı fəaliyyət və əlaqələndirmə məsələləri müzakirə olunub.</p>
<p>Nazirlər qardaş ölkələr arasında yüksəksəviyyəli siyasi dialoqun və qarşılıqlı dəstəyin ikitərəfli münasibətlərin əsasını təşkil etdiyini vurğulayaraq, qarşılıqlı maraq doğuran bütün istiqamətlər üzrə sıx əməkdaşlığın bundan sonra da davam etdirilməsinin əhəmiyyətini qeyd ediblər.</p>
<p>Telefon danışığı zamanı, həmçinin regionda mövcud təhlükəsizlik vəziyyəti, postmünaqişə dövründə gedən proseslər, regional sülh və sabitliyin təmin olunması istiqamətində atılan addımlar ətrafında fikir mübadiləsi aparılıb.</p>
]]><p>Rusiya Aerokosmik Qüvvələri və Çin Xalq Azadlıq Ordusunun Hərbi Hava Qüvvələri Asiya-Sakit Okean regionunda birgə 6 saatlıq patrul xidməti həyata keçirib.</p>
<p>AZƏRTAC-ın xəbərinə görə, bu barədə Rusiya Müdafiə Nazirliyi məlumat yayıb.</p>
<p>"Rusiyanın Tu-95MS strateji raketdaşıyıcıları və Çinin H-6K strateji bombardmançı təyyarələrindən ibarət hava qrupu Şərqi Çin dənizi, Sakit okeanın qərb suları üzərində hava patrulu həyata keçirib. Birgə uçuş təxminən altı saat davam edib”, - deyə məlumatda bildirilir.</p>
]]><p>Burkina Faso hökumətinin Fransa ilə diplomatik münasibətləri kəsdiyini elan etməsindən sonra Fransa hakimiyyəti mümkün cavab tədbirlərini nəzərdən keçirir.</p>
<p>AZƏRTAC-ın xəbərinə görə, bu barədə Fransa Xarici İşlər Nazirliyi məlumat yayıb.</p>
<p>"Fransa Burkina Fasonun diplomatik münasibətləri kəsmək barədə birtərəfli qərarından təəssüflənir. Bu addım Burkinabe hakimiyyətinin normal fəaliyyət kursundan kənara çıxdığını göstərir. Hazırda lazımi cavab tədbirləri nəzərdən keçirilir", - deyə nazirliyin məlumatında bildirilib.</p>
<p>Fransa XİN, həmçinin Burkina Fasoda dövlət qulluqçularının və fransız icmasının təhlükəsizliyinin xüsusi diqqət mərkəzində olduğuna dair təminat verib və onları çox ayıq-sayıq olmağa çağırıb.</p>
<p>Xatraldaq ki, Burkina-Faso hökuməti iyunun 26-dan etibarən Fransa ilə diplomatik münasibətlərin kəsilməsi barədə qərar qəbul edib.</p>
<p>Hökumətin yaydığı kommünikedə bu qərarın iki ölkə arasında münasibətlərin vəziyyətinin hərtərəfli qiymətləndirilməsindən sonra qəbul olunduğu bildirilib. Sənəddə qeyd edilib ki, tərəflər arasında qarşılıqlı hörmət, etimad, daxili işlərə qarışmamaq və dövlət suverenliyinə hörmət prinsiplərinə əsaslanan münasibətlərin inkişafı üçün zəruri şərtlər artıq mövcud deyil.</p>
]]><p>İsveçrədə buzlaqların qışda yığılan bütün qar və buzlarının 29 iyun tarixinə qədər itiriləcəyi gözlənilir ki, bu da ölkənin tarixində ikinci ən erkən buzlaq itkisi günü olacaq. Ekspertlər bildirirlər ki, güclü istilik dalğası ərimə prosesini sürətləndirir.</p>
<p>AZƏRTAC “Swissinfo” agentliyinə istinadla xəbər verir ki, adətən avqust ayında baş verən qar və buz əriməsi aylarla davam edən əlverişsiz hava şəraiti və davamlı yüksək temperatur səbəbindən qeyri-adi dərəcədə tez baş verir.</p>
<p>“Hesablamalarımıza və proqnozlarımıza görə, bu il buzlaq itkisi günü 29 iyun tarixinə düşəcək”, - deyə iqlimşünas Mattias Huss bildirib.</p>
<p>Həmin tarixə qədər İsveçrə buzlaqları qışda qazanılan qar və buzları tükəndirəcək. Huss əlavə edib: “Vəziyyət həqiqətən müstəsnadır. Yalnız 2022-ci ildə, bütün buzlaqların əriməsi rekordları qırıldıqda ərimə günü daha tez gəldi”. O, davam edən isti hava dalğasının Alp dağlarının ən böyük buzlağı olan Böyük Aletş buzlağının qarını sürətlə əritdiyini bildirib.</p>
<p>İqlimşünas İsveçrə buzlaqlarının hazırda ərimə sularını hər altı saniyədə Olimpiya ölçülü üzgüçülük hovuzunu doldurmağa bərabər sürətlə itirdiyini deyib və əlavə edib ki, erkən mərhələ yalnız mövcud isti dalğasının nəticəsi deyil: “Yenə də çox az qarın yağdığı qış keçirdik və buzlaqlar zəif qoruyucu təbəqə ilə qaldı. May ayının əvvəlində İsveçrə ovalığında yay aylarına bənzər temperatur 30 dərəcə Selsiyə çatdı. İyul və avqust aylarında yaşaya biləcəyimiz bütün yüksək temperaturlar birbaşa uzunmüddətli buzlaq itkisinə səbəb olacaq. Bu il çoxlu miqdarda buz itirəcəyik”.</p>
]]><p>Bu qələbəyə görə xoşbəxtəm.</p>
<p>AZƏRTAC xəbər verir ki, bu sözləri Mütləq Döyüş Çempionatının (UFC) Bakıda təşkil olunan turnirinin əsas görüşündə meksikalı Manuel Torresi məğlub edən Rafael Fiziyev deyib.</p>
<p>"İnana bilmirəm ki, bu möhtəşəm zərbə ilə görüşü tamamladım. Bütün xalqıma təşəkkür edirəm", - deyə idmançı qeyd edib.</p>
]]><p>AZƏRTAC xəbər verir ki, qrupun maraqla gözlənilən matçlarından birində Xorvatiya və Qana yığmaları üz-üzə gəlir. "Filadelfiya" stadionunda keçirilən bu görüşü kanadalı FİFA referisi Dryu Fişer idarə edir.</p>
<p>Qrupun eyni vaxtda başlayan digər oyununda isə Panama və İngiltərə komandaları qarşılaşır. "Nyu-York/Nyu-Cersi" stadionunda baş tutan matçın baş hakimi qətərli FİFA referisi Abdulrahman Əl-Cassimdir.</p>
]]><p>Mustaqil.az xəbər verir ki, tədbirdə “Dayaq” Sosial Maarifləndirmə İB-inin sədri Hicran Əliməmmədova, layihənin eksperti Gövhər Quliyeva, Yasamal Rayon İcra Hakimiyyətinin Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiyasının katibi Rasim Əliyev, 1 Saylı Bakı Tibb Kollecinin Tələbə Gənclər Təşkilatının sədri Elnur Həsənbəyli, Azərbaycan Respublikasının Vəkillər Kollegiyasının üzvü Zinyət Ağamalıyeva, Azərbaycan Respublikasının Vəkillər Kollegiyasının üzvü Səadət Şıxaliyeva, 1 Nömrəli Bakı Tibb Kollecinin tələbəsi Yaqut Novruzlu, Azərbaycan Respublikasının Vəkillər Kollegiyasının üzvləri Elvina Əliyeva, Esmira Rzayeva, Kəmalə Tağıyeva, kollecin tələbələri iştirak edib.</p>
<p>Tədbir Azərbaycan Dövlət Himninin səsləndirilməsi ilə başlayıb, daha sonra Azərbaycan Respublikasının ərazi bütövlüyü uğrunda canlarını fəda etmiş igid vətən övladlarının əziz xatirəsi bir dəqiqəlik sükutla yad edildi.<br /> İB-in sədri Hicran Əliməmmədova çıxış edərək, iştirak edən qonaqları və tələbələri salamlayıb. Layihənin əsas məqsədi və layihədə nəzərdə tutulan tətbirlər barəsində məlumat verib. Məişət zorakılığının cəmiyyət üçün yaratdığı təhlükələrdən danışaraq qeyd edib ki, bu problemin həlli üçün maarifləndirmə işlərinin genişləndirilməsi və gənclərin aktiv iştirakının təmin olunması mühüm əhəmiyyət kəsb edir. Yasamal Rayon İcra Hakimiyyətinin Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiyasının katibi Rasim Əliyev çıxışında sağlam həyat tərzinin, ailə münasibətlərində qarşılıqlı hörmətin və cəmiyyətin birgə məsuliyyətinin vacibliyini vurğulayıb. 1 Saylı Bakı Tibb Kollecinin Tələbə Gənclər Təşkilatının sədri Elnur Həsənbəyli gənclərin bu cür maarifləndirici tədbirlərdə iştirakının əhəmiyyətindən danışaraq layihənin tələbələr tərəfindən böyük maraqla qarşılandığını bildirib. Layihənin eksperti Gövhər Quliyeva çıxışında məişət zorakılığının psixoloji və sosial təsirlərindən bəhs etdi, zorakılığın erkən əlamətlərinin tanınması və belə hallarda müraciət edilə biləcək dəstək mexanizmləri barədə iştirakçılara ətraflı məlumat verdi. 1 Saylı Bakı Tibb Kollecinin tələbəsi Yaqut Novruzlu çıxış edərək gənclər arasında məişət zorakılığına qarşı maarifləndirmə tədbirlərinin keçirilməsinin əhəmiyyətindən danışdı və bu kimi layihələrin tələbələrin dünyagörüşünün formalaşmasına müsbət təsir göstərdiyini vurğuladı.<br /> Tədbirdə Azərbaycan Respublikası Vəkillər Kollegiyasının üzvləri – vəkillər Zinyət Ağamalıyeva, Səadət Şıxaliyeva, Elvina Əliyeva, Kəmalə Tağıyeva və Esmira Rzayeva məişət zorakılığı qurbanlarının hüquqları, qanunvericilikdə nəzərdə tutulan müdafiə mexanizmləri və hüquqi yardım imkanları barədə geniş məlumat verdilər. Vəkillər iştirakçıları maraqlandıran sualları cavablandıraraq hüquqi maarifləndirmənin vacibliyini qeyd etdilər.</p>
<p>Tədbir qarşılıqlı fikir mübadiləsi və müzakirələrlə davam etdi. İştirakçılar məişət zorakılığı ilə mübarizədə dövlət qurumlarının, vətəndaş cəmiyyəti institutlarının və hər bir fərdin rolunun vacibliyini qeyd etdilər.<br /> Tədbir qonaq və tələbələr ilə xatirə şəkilin çəkiliməsilə yekunlaşıb. Tələbələrə tədbirin əvvəlində dəftərxana ləvazimatları paylanılıb. Tədbirin yüksək səviyyədə təşkilinə görə təşkilatçılara təşəkkür bildirildi.<br /> Qeyd edək ki, layihənin əsas məqsədi “Məişət zorakılığına yox!” cəmiyyətdə zorakılığa qarşı dözümsüz münasibətin formalaşdırılması, hüquqi biliklərin artırılması və sağlam ailə münasibətlərinin təşviq edilməsidir.</p>
<p><img alt="" src="https://www.mustaqil.az/wp-content/uploads/2026/06/WhatsApp-Image-2026-06-26-at-11.00.33-600x400.jpeg" style="height:400px; width:600px" /></p>
<p><img alt="" src="https://www.mustaqil.az/wp-content/uploads/2026/06/WhatsApp-Image-202uu6-06-26-at-11.11.24-600x400.jpeg" style="height:400px; width:600px" /></p>
<p><img alt="" src="https://www.mustaqil.az/wp-content/uploads/2026/06/WhatsAeepp-Image-2026-06-26-at-11.08.47-600x338.jpeg" style="height:338px; width:600px" /></p>
<p><img alt="" src="https://www.mustaqil.az/wp-content/uploads/2026/06/WhatsAddpp-Image-2026-06-26-at-11.05.07-600x400.jpeg" style="height:400px; width:600px" /></p>
<p><img alt="" src="https://www.mustaqil.az/wp-content/uploads/2026/06/qqqqqqqqqqqq-600x338.jpeg" style="height:338px; width:600px" /><img alt="" src="https://www.mustaqil.az/wp-content/uploads/2026/06/WhatsAeepp-Image-2026-06-26-at-11.11.25-600x400.jpeg" style="height:400px; width:600px" /></p>
<p><img alt="" src="https://www.mustaqil.az/wp-content/uploads/2026/06/WhatsApp-Image-2026rr-06-26-at-11.11.23-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/06/WhatsApffp-Image-2026-06-26-at-11.13.38-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Imaccge-2026-06-26-at-11.11.25-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Image-2xxx026-06-26-at-11.57.37-600x450.jpeg" style="height:450px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Image-202ss6-06-26-at-11.36.17-600x450.jpeg" style="height:450px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Image-202uu6-06-26-at-11.13.38-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Image-2026-06-2vvv6-at-11.19.23-600x338.jpeg" style="height:338px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Image-2026-06-26-at-11.0i1.32-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Image-2026-06-26il-at-11.03.10-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Image-2026-06hh-26-at-11.13.39-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Image-2026-06xx-26-at-11.19.25-1-600x450.jpeg" style="height:450px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Image-2026-bb06-26-at-11.19.24-600x600.jpeg" style="height:600px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Image-2026-hh06-26-at-11.13.36-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/06/WhatsApp-Image-2026-ttt06-26-at-11.13.40-600x400.jpeg" style="height:400px; width:600px" /> <img alt="" src="https://www.mustaqil.az/wp-content/uploads/2026/06/WhatsddApp-Image-2026-06-26-at-11.19.25-450x600.jpeg" style="height:711px; width:533px" /></p>
<p><img alt="" src="https://www.mustaqil.az/wp-content/uploads/2026/06/WhatsApp-Image-2026-06-2bb6-at-11.54.43-600x450.jpeg" style="height:450px; width:600px" /></p>
]]><p>Azərbaycan Respublikası Prezidentinin iqlim məsələləri üzrə nümayəndəsi, COP29-un prezidenti Muxtar Babayev Böyük Britaniya Kralı III Çarlz tərəfindən Sent-Ceyms sarayında verilən və superçirkləndiricilərə qarşı mübarizəyə, ətraf mühitin mühafizəsi məsələlərinə həsr olunmuş qəbulda iştirak edib.</p>
<p>AZƏRTAC Britaniyanın “GBnews” nəşrinə istinadla xəbər verir ki, sarayın Taxt-Tac zalında keçirilən qəbulda beynəlxalq təşkilatlardan, dövlət qurumlarından və ətraf mühit ictimaiyyətindən təxminən 250 nümayəndə iştirak edib. Tədbir Böyük Britaniyanın Enerji Təhlükəsizliyi və Karbon Neytrallığı Departamenti tərəfindən təşkil olunub.</p>
<p>Azərbaycanın Böyük Britaniyadakı səfiri Elin Süleymanov “X” sosial şəbəkəsində COP29 prezidentinin Britaniya monarxının ətraf mühit gündəliyinin irəliləməsinə verdiyi töhfəni təqdir etdiyini qeyd edərək vurğulayıb ki, Kral III Çarlzın ətraf mühit məsələlərinə sadiqliyi bütün dünya üçün ilhamverici bir nümunədir.</p>
<p>Britaniya nəşrinin yazdığına görə, COP29 prezidentinin tədbirdə iştirakı Azərbaycanın iqlim dəyişikliyi ilə mübarizə və zərərli emissiyaların azaldılması üzrə beynəlxalq səylərdə fəal rolunu əks etdirir. Materialda əlavə olunur ki, Azərbaycan COP29-a Sədrliyi dövründə iqlim maliyyələşdirilməsinə, enerji keçidinə və beynəlxalq ətraf mühit əməkdaşlığına xüsusi diqqət yetirib.</p>
<p>Kral III Çarlz uzun müddətdir ki, ətraf mühitin qorunması sahəsindəki fəaliyyəti ilə tanınır və yarım əsrdən çox müddətdə davamlı inkişaf və iqlim dəyişikliyi təşəbbüslərini dəstəkləyir.</p>
]]><p>Müdafiə naziri general-polkovnik Zakir Həsənov iyunun 26-da Azərbaycan Prezidentinin müvafiq Sərəncamına əsasən ali hərbi rütbələr verilən hərbi qulluqçularla görüşüb.</p>
<p>Tədbirdə Müdafiə Nazirliyinin hərbi qulluqçularına “general-mayor” ali hərbi rütbəsinin verilməsi haqqında Azərbaycan Prezidentinin 25 iyun 2026-cı il tarixli Sərəncamı və müdafiə nazirinin müvafiq əmri oxunduqdan sonra zabitlərə ali hərbi rütbələr təqdim edilib.</p>
<p>Ali Baş Komandanın təbriklərini hərbi qulluqçulara çatdıran general-polkovnik Z.Həsənov onlara gələcək xidmətlərində uğurlar arzulayıb.</p>
<p>Təltif olunan zabitlər isə öz növbələrində göstərilən etimada görə Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevə və Müdafiə Nazirliyinin rəhbərliyinə minnətdarlıqlarını bildiriblər.</p>
]]><p>Ukrayna və Rusiya arasında növbəti dəfə əsirlərin mübadiləsi həyata keçirilib.</p>
<p>AZƏRTAC xəbər verir ki, bu barədə Ukrayna Prezidenti Volodimir Zelenski öz sosial media səhifələrində məlumat verib.</p>
<p>Zelenski bildirib ki, bu gün 160 ukraynalı hərbçi əsirlikdən azad edilib. Onların hamısı 2022-ci ildən bəri əsirlikdə saxlanılırdı.</p>
<p>“Bu gün azad edilənlər arasında Ukrayna Silahlı Qüvvələrinin, Dövlət Xüsusi Nəqliyyat Xidmətinin, Milli Qvardiyanın əsgərləri və sərhədçiləri də var. Onlar Ukraynanı Mariupold, Donetsk, Luqansk, Xarkov, Zaporojye, Kiyev, Çerniqov və Sumı istiqamətlərində müdafiə ediblər. Əsirlikdə olan hər kəsi xatırlayırıq. Hər bir adı yoxlayırıq. Hər kəs - həm hərbçilər, həm də mülki şəxslər - geri qaytarılmalıdır”, - deyə Zelenski əlavə edib.</p>
]]><p>Azərbaycan Respublikası müdafiə naziri general-polkovnik Zakir Həsənov 26 İyun – Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.</p>
<p>AZƏRTAC xəbər verir ki, təbrikdə Müsəlman Şərqində ilk demokratik respublika olan Azərbaycan Xalq Cümhuriyyəti dövründə milli ordu quruculuğunun müstəqilliyini əldə edən ölkəmizdə tarixi varislik prinsipi əsasında müasir mərhələyə qədəm qoyduğu qeyd edilib. Bildirilib ki, 1918-ci il iyunun 26-da yaradılmış Əlahiddə Azərbaycan Korpusu Cümhuriyyət Ordusunun hüquqi bazasını təşkil edib. Xalqımızın Ümummilli Lideri Heydər Əliyevin 1998-ci il mayın 22-də imzaladığı tarixi Fərmanla 1918-ci ildə Əlahiddə Azərbaycan Korpusunun yarandığı gün – iyunun 26-sı Silahlı Qüvvələr Günü kimi respublikamızda hər il təntənəli şəkildə qeyd olunur.</p>
<p>Təbrik məktubunda yazılıb: “Ümummilli Lider Heydər Əliyevin siyasi kursunu ordu quruculuğu sahəsində də uğurla davam etdirən Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev ölkəmizin müdafiə məsələlərini daima prioritet məsələ hesab edib. Bu istiqamətdə atılan addımlar ölkədə həyata keçirilən islahatların əsas tərkib hissələrindəndir.</p>
<p>Müzəffər Ali Baş Komandanın sərkərdəliyi ilə Azərbaycan Ordusunun Vətən müharibəsində qazandığı parlaq Qələbə və həyata keçirdiyi uğurlu antiterror tədbirləri nəticəsində torpaqlarımız işğaldan azad edilib. Ötən il Bakı şəhərində keçirilən 8 Noyabr – Zəfər Gününün beşinci ildönümünə həsr olunmuş təntənəli parad ölkəmizin hərbi qüdrətinin gündən-günə artırılmasının nəticəsi və dünyada nümayişidir.</p>
<p>2026-cı ilin “Şəhərsalma və Memarlıq İli” elan edilməsi haqqında Azərbaycan Respublikası Prezidentinin Sərəncamı işğaldan azad olunmuş ərazilərdə genişmiqyaslı yenidənqurma, bərpa və abadlıq işlərinin aparılmasına böyük töhfədir.</p>
<p>Bu gün işğaldan azad olunmuş ərazilərdə Azərbaycan Ordusunun şəxsi heyəti Vətənimizin keşiyində ayıq-sayıq dayanaraq genişmiqyaslı bərpa-quruculuq işlərinin ən yüksək səviyyədə həyata keçirilməsinə, Böyük Qayıdışa öz layiqli töhfələrini verir. Əminəm ki, Azərbaycan Respublikasının Konstitusiyasına, Hərbi Anda nizamnamələrə daim sadiq qalaraq döyüş və mənəvi-psixoloji hazırlığınızı gücləndirəcək, xidmətinizdə yeni uğurlar əldə etmək üçün səy və bacarıqlarınızı daha da artıracaqsınız.</p>
<p>Azərbaycanın müstəqilliyi, ərazi bütövlüyü və suverenliyi uğrunda şəhid olan Vətən övladlarının xatirəsini dərin hörmət və ehtiramla yad edirik. Şəhidlərimizin ailə üzvləri və sağlamlığını itirən döyüşçülərimiz, müharibə veteranları daima dövlətimiz tərəfindən diqqət mərkəzində saxlanılır. Ali Baş Komandan İlham Əliyevin və Birinci xanım Mehriban Əliyevanın diqqət və qayğısı sayəsində onların sosial-məişət şəraitinin yaxşılaşdırılması, qayğı və problemlərinin həlli istiqamətində mühüm addımlar atılır. Şəhid hərbi qulluqçularımızın valideynlərini, ailə üzvlərini, Vətən uğrunda sağlamlığını itirən silahdaşlarımızı, əziz veteranları bayram münasibətilə təbrik edir, onlara ən xoş arzularımı çatdırıram.</p>
<p>Bir daha hər birinizi 26 İyun – Silahlı Qüvvələr Günü münasibətilə ürəkdən təbrik edir, Sizə möhkəm cansağlığı, uzun ömür, Vətənə, müstəqilliyi əbədi, dönməz olan Azərbaycan dövlətinə şərəfli xidmətinizdə uğurlar arzulayıram”.</p>
]]><p>Fransa Hərbi Dəniz Qüvvələri Siciliya sahillərində Rusiyanın “kölgə donanması”na aid olduğu ehtimal edilən “Deliver” adlı neft tankerini saxlayıb. Bu, son on ay ərzində Fransa tərəfindən həyata keçirilən beşinci belə əməliyyatdır.</p>
<p>AZƏRTAC xəbər verir ki, Fransa Silahlı Qüvvələrinin Baş Qərargahının məlumatına görə, gəmi Kamerun bayrağı altında üzsə də, saxta bayraqdan istifadə etməkdə şübhəli bilinirdi. Rusiyanın Primorsk limanından yola çıxan tanker BMT-nin Dəniz Hüququ Konvensiyasının 110-cu maddəsinə əsasən yoxlanılıb. Sənədlərin araşdırılması zamanı gəminin istifadə etdiyi bayrağın qanuniliyinə dair şübhələr təsdiqlənib.</p>
<p>Fransa Prezidenti Emmanuel Makron bildirib ki, Avropa Rusiyanın “kölgə donanması” vasitəsilə beynəlxalq sanksiyaların pozulmasına və müharibənin maliyyələşdirilməsinə imkan verməyəcək. Onun sözlərinə görə, bu əməliyyat Avropa ölkələrinin sanksiyaların icrasına sadiqliyini nümayiş etdirir.</p>
<p>Hadisə bir neçə gün əvvəl Böyük Britaniyanın La-Manş boğazında Rusiyanın “kölgə donanması”na aid başqa bir neft tankerini saxlamasından sonra baş verib. Makron əməliyyatın görüntülərini sosial şəbəkədə paylaşaraq Avropanın Rusiyaya qarşı təzyiqləri artırmağa davam edəcəyini vurğulayıb.</p>
<p>Fransa hərbi qurumlarının açıqlamasına əsasən, “Deliver” tankeri əlavə araşdırmalar aparılması üçün Hərbi Dəniz Qüvvələrinin müşayiəti ilə lövbər salacağı əraziyə yönləndirilib. Hadisə ilə bağlı Marsel prokurorluğuna da məlumat verilib.</p>
<p>Xatırladaq ki, bundan əvvəl Fransa Hərbi Dəniz Qüvvələri “Tagor”, “Deyna”, “Grinch” və “Boracay” adlı Rusiya ilə əlaqəli tankerləri də saxlamışdı. Onlardan yalnız “Tagor” hələ də saxlanılır, digərləri isə cərimə ödədikdən sonra buraxılıb.</p>
]]><p>Almaniyanın nəhəng avtomobil istehsalçısı “Volkswagen” konserni qarşıdakı illərdə genişmiqyaslı restrukturizasiya proqramı çərçivəsində dünya üzrə 100 minədək iş yerini ixtisar etməyi nəzərdən keçirir.</p>
<p>AZƏRTAC “Spiegel” nəşrinə istinadla xəbər verir ki, plan reallaşacağı təqdirdə bu, konsernin hazırda malik olduğu təxminən 657 min iş yerinin əhəmiyyətli hissəsini əhatə edəcək. Beləliklə, ixtisarların həcmi 2030-cu ilədək nəzərdə tutulan və indiyədək 50 min iş yerini əhatə edən əvvəlki hədəfdən iki dəfə çox olacaq.</p>
<p>Məlumata əsasən, “Volkswagen” rəhbərliyi tərəfindən hazırlanan yenidənqurma konsepsiyası çərçivəsində Almaniyadakı dörd zavodun – Hannover, Zvikau və Emden şəhərlərində yerləşən müəssisələrin, həmçinin Nekkarzulmdakı “Audi” zavodunun fəaliyyətinin dayandırılması nəzərdən keçirilir. Hazırda həmin müəssisələrdə istehsal olunan modellərin istehsal dövrü başa çatdıqdan sonra zavodların bağlanması mümkün sayılır.</p>
<p>Bununla yanaşı, konsernin strukturunun yenidən təşkil edilərək əsas “Volkswagen” markasının və komponent istehsalı bölməsinin ayrıca şirkətlərə çevrilməsi də planlaşdırılır.</p>
]]><p>Rusiya Xarici İşlər Nazirliyi Moldovanın bu ölkədəki səfiri Lilian Dariyanı nazirliyə çağıraraq, Kişineu hava limanında Rusiya diplomatik kuryerləri ilə bağlı baş vermiş insidentə görə ona qəti etirazını bildirib.</p>
<p>AZƏRTAC Rusiya Xarici İşlər Nazirliyinə istinadla xəbər verir ki, səfirə Rusiya tərəfinin Moldovanın 1961-ci il Diplomatik Əlaqələr haqqında Vyana Konvensiyasının müddəalarını pozması ilə bağlı verbal nota təqdim olunub.</p>
<p>Rusiya Xarici İşlər Nazirliyinin məlumatına görə, iyunun 25-də nazirliyin diplomatik kuryerləri Kişineu hava limanında bir neçə saat saxlanılıblar. Nazirliyin iddiasına əsasən, onlardan diplomatik poçtun yoxlanılması və mobil rabitə vasitələrinin "könüllü" şəkildə təhvil verilməsi tələb olunub. Bundan əlavə, Moldovadakı Rusiya səfirliyinin diplomatlarının Rusiya Xarici İşlər Nazirliyinin ölkəyə gəlmiş əməkdaşlarına konsulluq yardımı göstərmək üçün hava limanının xüsusi rejimli zonasına daxil olmalarına icazə verilməyib.</p>
<p>Məlumatda bildirilir ki, nəticədə Rusiya diplomatik kuryerləri Moldova ərazisinə daxil ola bilməyiblər və Rusiyaya qayıtmağa məcbur olublar.</p>
]]><p>Azərbaycanda iyunun 27-də gözlənilən hava proqnozu açıqlanıb.</p>
<p>Milli Hidrometeorologiya Xidmətindən AZƏRTAC-a verilən məlumata görə, Bakıda və Abşeron yarımadasında bəzi yerlərdə fasilələrlə yağış yağacağı gözlənilir. Axşama doğru yarımadanın ayrı-ayrı yerlərində leysan xarakterli olacağı, gecəyə doğru isə intensivləşəcəyi, şimşək çaxacağı ehtimalı var. Şimal-şərq küləyi axşam arabir güclənən şimal-qərb küləyi ilə əvəz olunacaq.</p>
<p>Havanın temperaturu gecə 19-22° isti, gündüz 26-29° isti olacaq. Atmosfer təzyiqi 757 millimetr civə sütunu təşkil edəcək. Nisbi rütubət gecə 70-80 faiz, gündüz 55-60 faiz olacaq.</p>
<p>Abşeron çimərliklərində Şimal-şərq küləyi axşam arabir güclənən şimal-qərb küləyi ilə əvəz olunacaq. Dəniz suyunun temperaturu şimal çimərliklərində: (Sumqayıt, Novxanı, Pirşağı, Nardaran, Bilgəh, Zaqulba) 20-21° isti, cənub çimərliklərində: (Türkan, Hövsan, Sahil, Şıx) 22-23° isti olacaq.</p>
<p>Azərbaycanın rayonlarında bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə intensiv və güclü olacağı, dolu düşəcəyi ehtimalı var. Gecə və səhər bəzi dağlıq ərazilərdə duman olacaq. Qərb küləyi bəzi yerlərdə arabir güclənəcək.</p>
<p>Havanın temperaturu gecə 18-22° isti, gündüz 25-29° isti, dağlarda gecə 8-13° isti, gündüz 15-20°, bəzi yerlərdə 23-26° isti olacaq.</p>
<p>Naxçıvan şəhəri, Culfa, Ordubad, Sədərək, Şahbuz və Şərurda bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə intensiv olacağı, dolu düşəcəyi ehtimalı var. Qərb küləyi əsəcək. Havanın temperaturunun gecə 15-20° isti, gündüz 25-30° isti olacağı proqnozlaşdırılır.</p>
<p>Xankəndi, Şuşa, Xocalı, Xocavənd, Füzuli, Ağdam, həmçinin Daşkəsən-Gədəbəy, Göygöldə bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə intensiv və güclü olacağı, dolu düşəcəyi ehtimalı var. Gecə və səhər dağlarda duman olacaq. Qərb küləyi bəzi yerlərdə arabir güclənəcək. Havanın temperaturunun gecə 8-13° isti, gündüz 15-20°, bəzi yerlərdə 23-26° isti olacağı ehtimal edilir.</p>
<p>Şərqi Zəngəzur: Cəbrayıl, Kəlbəcər, Qubadlı, Laçın və Zəngilanda bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə intensiv və güclü olacağı, dolu düşəcəyi ehtimalı var. Gecə və səhər dağlarda duman olacaq. Qərb küləyi bəzi yerlərdə arabir güclənəcək. Havanın temperaturunun gecə 7-12° isti, gündüz 15-20°, bəzi yerlərdə 23-28° isti olacağı gözlənilir.</p>
<p>Qazax, Gəncə, Samux, Goranboy, Tərtər, Şəmkir, Tovuz və Naftalanda bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə intensiv və güclü olacağı, dolu düşəcəyi ehtimalı var. Qərb küləyi bəzi yerlərdə arabir güclənəcək. Havanın temperaturu gecə 15-20° isti, gündüz 23-28° isti olacaq.</p>
<p>Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusarda bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə intensiv və güclü olacağı, dolu düşəcəyi, yüksək dağlıq ərazilərdə sulu qara keçəcəyi ehtimalı var. Gecə və səhər dağlarda duman olacaq. Qərb küləyi bəzi yerlərdə arabir güclənəcək. Havanın temperaturunun gecə 12-17° isti, gündüz 21-26° isti, dağlarda gecə 7-12° isti, gündüz 12-17° isti olacağı proqnozlaşdırılır.</p>
<p>Yevlax, Ağdaş, Kürdəmir, İmişli, Ağcabədi, Bərdə, Beyləqan, Sabirabad, Mingəçevir, Biləsuvar, Saatlı, Göyçay, Ucar, Şirvan, Hacıqabul, Zərdab, Salyan və Neftçalada bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli intensiv və güclü olacağı, dolu düşəcəyi ehtimalı var. Qərb küləyi bəzi yerlərdə arabir güclənəcək. Havanın temperaturu gecə 18-22° isti, gündüz 25-29° isti olacağı ehtimal edilir.</p>
<p>Masallı, Yardımlı, Lerik, Lənkəran, Astara, Biləsuvar və Cəlilabadda bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə intensiv olacağı, dolu düşəcəyi ehtimalı var. Gecə və səhər dağlarda duman olacaq. Şimal-şərq küləyi bəzi yerlərdə arabir güclənəcək. Havanın temperaturu gecə 17-20° isti, gündüz 25-29° isti, dağlarda gecə 13-16° isti, gündüz 16-20° isti olacaq.</p>
]]><p>Türkiyənin hökumət üzvləri və hakim Ədalət və İnkişaf Partiyasının (AK Parti) nümayəndələri 26 İyun – Azərbaycan Silahlı Qüvvələri Günü münasibətilə Azərbaycan Silahlı Qüvvələrini təbrik ediblər.</p>
<p>AZƏRTAC xəbər verir ki, Türkiyənin nəqliyyat və infrastruktur naziri Abdulkadir Uraloğlunun paylaşımında Azərbaycan Ordusunun hərbi qulluqçularına xidməti vəzifələrinin icrasında uğurlar arzu edib.</p>
<p>Nazir Türkiyə ilə Azərbaycan arasında qardaşlığın və həmrəyliyin sarsılmaz olduğuna əminliyini ifadə edib.</p>
<p>AK Partinin Türk Dünyası ilə Əlaqələr üzrə sədr müavini, professor Kürşad Zorlu Azərbaycan Silahlı Qüvvələrini ölkəmizin “müstəqilliyinin və milli birliyinin ən mühüm təminatlarından biri” adlandırıb.</p>
<p>“Bu gün qəhrəmancasına həlak olmuş Azərbaycan hərbi qulluqçularının xatirəsini ehtiram və minnətdarlıq hissi ilə yad edir, dost və qardaş Azərbaycan xalqına ən səmimi arzularımızı çatdırırıq. Qoy, “Bir millət, iki dövlət” kəlamına əsaslanan qardaşlığımız əbədi olsun”, – deyə siyasətçinin paylaşımında bildirilir.</p>
<p>Azərbaycan Silahlı Qüvvələrinin yaradılmasının 108-ci ildönümü münasibətilə Türkiyənin aparıcı müdafiə sənayesi şirkətləri, o cümlədən FNSS Savunma Sistemleri A.Ş. də təbrik ediblər.</p>
]]><p>Azərbaycan Respublikasının Prezidenti İlham Əliyevin sosial media hesablarında Azərbaycan Ordusu ilə bağlı videoçarx paylaşılıb.</p>
<p>AZƏRTAC xəbər verir ki, paylaşımda deyilir: “Yaşasın Azərbaycan! Yaşasın Azərbaycan Silahlı Qüvvələri! Eşq olsun qüdrətli Azərbaycan Ordusuna!”.</p>
]]><p>26 İyun – Silahlı Qüvvələr Günü müasir Azərbaycanın dövlətçilik tarixində təkcə peşə bayramı deyil, həm də xalqımızın gücünün, iradəsinin və sarsılmaz birliyinin təcəssümüdür. Bu gün Azərbaycan Ordusunun keçdiyi şərəfli yolun, əldə etdiyi tarixi zəfərlərin və dövlətimizin hərbi qüdrətinin nümayiş olunduğu əlamətdar gündür.</p>
<p>Bu fikirləri AZƏRTAC-a açıqlamasında Milli Məclisin deputatı Jalə Əliyeva söyləyib.</p>
<p>Deputat vurğulayıb ki, son illərdə Azərbaycan Silahlı Qüvvələri regionun ən güclü ordularından birinə çevrilib. Ordunun maddi-texniki bazasının gücləndirilməsi, müasir silah və texnika ilə təchiz olunması, peşəkar kadr hazırlığı və hərbi idarəetmənin təkmilləşdirilməsi məqsədyönlü dövlət siyasətinin nəticəsidir. Bu uğurların əsasında isə Prezident, Müzəffər Ali Baş Komandan İlham Əliyevin uzaqgörən strategiyası, qətiyyətli siyasi iradəsi və milli maraqlara söykənən dövlət idarəçiliyi dayanır.</p>
<p>Azərbaycan xalqının yaddaşına əbədi həkk olunan 44 günlük Vətən müharibəsi ordumuzun gücünü bütün dünyaya nümayiş etdirdi. Müzəffər Ali Baş Komandan İlham Əliyevin rəhbərliyi ilə Azərbaycan Ordusu cəmi 44 gün ərzində otuz ilə yaxın işğal altında qalmış torpaqlarımızı azad etdi, tarixi ədaləti və beynəlxalq hüququ bərpa etdi. Bu Zəfər təkcə hərbi qələbə deyil, milli qürurun, xalq-dövlət birliyinin və sarsılmaz iradənin möhtəşəm təntənəsi idi.</p>
<p>2023-cü ilin lokal antiterror tədbirləri isə Azərbaycanın dövlət suverenliyinin tam bərpa olunmasını təmin etdi. Bununla ölkəmizin bütün ərazisində Azərbaycan Konstitusiyasının hüquqi qüvvəsi təmin olundu, dövlət bayrağımız suveren torpaqlarımızın hər guşəsində dalğalandı. Beləliklə, müstəqil Azərbaycanın tarixində yeni mərhələ başlandı.</p>
<p>“Bu gün Azərbaycan Ordusu təkcə döyüş meydanında qələbə qazanan qüvvə deyil, həm də sülhün, sabitliyin və təhlükəsizliyin əsas təminatçısıdır. Ordumuzun peşəkarlığı, döyüş qabiliyyəti və mənəvi ruhu beynəlxalq səviyyədə də yüksək qiymətləndirilir. Azərbaycanın müdafiə sənayesinin inkişafı, hərbi təlimlərin miqyası və müasir texnologiyaların tətbiqi ordumuzun gələcək gücünü daha da artırır.</p>
<p>Azərbaycan əsgəri bu gün qalib xalqın qalib əsgəridir. Onun arxasında güclü dövlət, xalqın sonsuz dəstəyi və qətiyyətli Ali Baş Komandan dayanır. Məhz bu birlik Azərbaycanı regionun söz sahibi olan dövlətinə çevirib.</p>
<p>26 İyun - Silahlı Qüvvələr Günü hər bir azərbaycanlı üçün qürur, fəxr və minnətdarlıq günüdür. Bu gün şəhidlərimizin müqəddəs xatirəsini ehtiramla yad edir, qazilərimizin qəhrəmanlığını yüksək qiymətləndirir, Vətən keşiyində dayanan bütün hərbi qulluqçularımıza dərin təşəkkürümüzü bildiririk.</p>
<p>Qalib Ordumuz, Müzəffər Ali Baş Komandan İlham Əliyevin rəhbərliyi altında bundan sonra da Azərbaycanın müstəqilliyini, suverenliyini və milli maraqlarını əzmlə qoruyacaq. Azərbaycanın güclü ordusu dövlətimizin qüdrətinin, xalqımızın qürurunun və Zəfər salnaməsinin ən möhtəşəm simvolu olaraq qalacaq”, - deyə deputat vurğulayıb.</p>
]]><p>Bakıda və Abşeron yarımadasında iyunun 27-si axşamdan 28-i səhərədək gözlənilən yağış leysan xarakterli intensiv olacaq, şimşək çaxacaq. Gecə saatlarında yağışın qısa müddətə güclənəcəyi ehtimalı var.</p>
<p>Milli Hidrometeorologiya Xidmətindən AZƏRTAC-a bildirilib ki, iyunun 28-də havanın nisbətən sərin keçəcəyi gözlənilir.</p>
<p>Azərbaycanın rayonlarında müşahidə olunan qeyri-sabit, fasilələrlə yağıntılı hava şəraitinin iyunun 28-i axşamadək davam edəcəyi gözlənilir. Ayrı-ayrı yerlərdə yağıntıların intensiv və güclü olacağı, şimşək çaxacağı, dolu düşəcəyi ehtimalı var.</p>
<p>Çaylarda, o cümlədən Kür, Araz və Qanıx çaylarında sululuğun artacağı, bəzi dağ çaylarında isə qısamüddətli daşqın və sel hadisələrinin baş verəcəyi, eyni zamanda bəzi həssas ərazilərdə subasma halları ehtimal olunur.</p>
]]><p>26 İyun - Silahlı Qüvvələr Günü və Azərbaycan Ordusunun yaradılmasının 108-ci ildönümü münasibətilə Müdafiə Nazirliyinin rəhbər heyəti və digər vəzifəli şəxsləri Ümummilli Lider Heydər Əliyevin məzarını və Zəfər parkını ziyarət edib.</p>
<p>Bu barədə AZƏRTAC-a nazirlikdən məlumat verilib.</p>
<p>Müdafiə naziri general-polkovnik Zakir Həsənov və nazirliyin digər rəhbər heyəti əvvəlcə Fəxri xiyabanda Ümummilli Liderin abidəsi önünə gül çələngi qoyub, xatirəsinə dərin hörmət və ehtiram nümayiş etdirib.</p>
<p>Nazirliyin rəhbərliyi görkəmli oftalmoloq-alim, akademik Zərifə xanım Əliyevanın məzarını ziyarət edərək, üzərinə tər qızılgüllər düzüb, xatirəsini ehtiramla anıb.</p>
<p>Sonra fəxri qarovulun iştirakı ilə Zəfər parkı və Hərbi Memorial Məzarlıq ziyarət olunub, abidələrin önünə əklillər qoyularaq şəhidlərimizin xatirəsi yad edilib.</p>
]]><p>Müasir dünyanın əsas problemlərindən biri hesab edilən narkotiklərin qanunsuz dövriyyəsi və narkomanlıq qlobal xarakter alaraq, bəşəriyyət üçün böyük təhlükə yaradır. Bu baxımdan, dünya dövlətləri narkotik vasitələrin, psixotrop maddələrin və onların prekursorlarının aşkar edilməsi və qanunsuz dövriyyəsinin qarşısının alınması, habelə bu fəaliyyət nəticəsində dəyə biləcək zərərlərin minimuma endirilməsi məqsədilə narkomanlığa qarşı mübarizə üsullarını və müalicə metodlarını daha da təkmilləşdirir və beynəlxalq səviyyədə qarşılıqlı əməkdaşlıq imkanlarını artırır.</p>
<p>Qlobal miqyasda narkotik vasitələrin, psixotrop maddələrin və onların prekursorlarının qanunsuz dövriyyəsi üzrə müşahidə edilən dinamika bu təhdidlərə münasibətdə həm beynəlxalq, həm də regional səviyyədə əlaqələndirilmiş mübarizə tədbirlərinin görülməsini zəruri edir.</p>
<p>BMT-nin Narkotiklər və Cinayətkarlıq üzrə İdarəsinin 2030-cu ilə qədər dünyada narkotik istifadəçilərinin sayının əlavə 11 faiz artmasına dair proqnozları qlobal miqyasda narkotik istifadəsinin ciddi bir problem olaraq qaldığını göstərir və bu sahədə daha effektiv tədbirlərin həyata keçirilməsi, dövlətlər üçün milli təhlükəsizliyin təmin edilməsi baxımından yeni çağırışlar doğurur.</p>
<p>Bu barədə 26 İyun - Narkotik vasitələrin sui-istifadəsi və qanunsuz dövriyyəsi ilə Beynəlxalq Mübarizə Günü ilə əlaqədar Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupundan AZƏRTAC-ın sorğusuna verilən cavabda bildirilib.</p>
<p>Məqsədyönlü siyasət və qlobal çağırışlar</p>
<p>Qeyd edilib ki, Azərbaycanda narkomanlığa və narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizə istiqamətində mühüm işlər görülüb. Bununla yanaşı, ölkəmiz BMT-nin 1961-ci il tarixli “Narkotik vasitələr haqqında” Vahid Konvensiyasına, 1971-ci il tarixli “Psixotrop maddələr haqqında” Konvensiyasına, 1988-ci il tarixli “Narkotik vasitələrin və psixotrop maddələrin qanunsuz dövriyyəsinə qarşı mübarizə haqqında” Konvensiyasına və digər beynəlxalq sazişlərə qoşulub. Bu da narkomanlığa və narkotik vasitələrin qanunsuz dövriyyəsinə qarşı mübarizənin beynəlxalq prinsip və normalar əsasında gücləndirilməsinə təminat verib.</p>
<p>Həmçinin vurğulanıb ki, XXI əsrin qlobal trendləri və müasir çağırışları rəqəmsal nəzarət sistemlərinin və hüquqi çərçivədə innovativ metodların tətbiqini zəruri edir. Bu yanaşma narkomanlığa və narkotik vasitələrin qanunsuz dövriyyəsinə qarşı mübarizədə müasir çağırışlara cavab verən və dayanıqlılıq təmin edən bir sistemin qurulmasına əsas verir.</p>
<p>Beləliklə, Azərbaycan Respublikasında həyata keçirilən məqsədyönlü siyasət və səmərəli tədbirlər, həmçinin qlobal çağırışlar narkomanlığa və narkotik vasitələrin qanunsuz dövriyyəsinə qarşı mübarizənin daha da sistemli təşkilini tələb edir. Bu sahədə yüksəkixtisaslı kadr potensialının yaradılması, narkoloji xidmət müəssisələrinin maddi-texniki bazasının gücləndirilməsi, innovativ texnologiyaların tətbiqi və antinarkotik təbliğatı işlərinin müasir dövrün tələblərinə uyğun təkmilləşdirilməsi əsas vəzifələrdən biri hesab edilir.</p>
<p>Hədəf və prioritet istiqamətlər</p>
<p>Prezident İlham Əliyevin 2025-ci il 17 sentyabr tarixli Sərəncamı ilə “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2025–2030-cu illər üçün Dövlət Proqramı” təsdiq edilib.</p>
<p>Dövlət Proqramının əsas məqsədi müasir informasiya texnologiyalarının imkanlarından istifadə olunmaqla narkotiklərin qanunsuz dövriyyəsinin və narkomanlığın yayılmasının maarifləndirmə yolu ilə qarşısının alınması, narkomanlığa düçar olmuş şəxslərin müalicəsi və reabilitasiyası sahəsində yeni üsulların tətbiqi, normativ hüquqi bazanın təkmilləşdirilməsi və digər kompleks tədbirlərin həyata keçirilməsindən ibarətdir.</p>
<p>Dövlət Proqramında bu sahədə müşahidə edilən qlobal trendlər və onların ölkə potensialına təsirləri qiymətləndirilib, mövcud vəziyyət təhlil edilib, uzunmüddətli dövr üçün strateji baxış formalaşdırılıb, hədəf göstəriciləri və prioritet istiqamətlər, o cümlədən icra müddətləri göstərilməklə müvafiq tədbirlər, əsas və digər icraçılar, gözlənilən təsirlər, icra mexanizmləri təsbit edilib. Bu istiqamətdə qarşıya qoyulmuş işlər aidiyyəti dövlət və qeyri-hökumət təşkilatları tərəfindən uğurla davam etdirilir.</p>
<p>Səmərəli işin təşkili</p>
<p>Normativ hüquqi bazanın təkmilləşdirilməsi, narkotik vasitələrin, psixotrop maddələrin və onların prekursorlarının məhv edilməsi sahəsində işin təşkilinin və nəzarətin gücləndirilməsi, narkomaniya ilə bağlı müalicə alan şəxslər üzərində daha keyfiyyətli müalicə və nəzarət mexanizminin yaradılması, müalicə metodikasının təkmilləşdirilməsi, narkoloji tibb müəssisələrinin kadr potensialının gücləndirilməsi və maddi-texniki təchizatının yaxşılaşdırılması, aidiyyəti qurumlarla əməkdaşlığın, narkomanlığa və narkotik vasitələrin qanunsuz dövriyyəsinə qarşı mübarizə üzrə rayon və şəhər komissiyalarının fəaliyyətlərinin səmərəliliyinin artırılması, təbliğat və maarifləndirmə işlərinin daha da gücləndirilməsi və davamlılığının təmin edilməsi istiqamətində zəruri tədbirlər görülüb.</p>
<p>Əməliyyat-axtarış və istintaq, eləcə də narkotik vasitələrin və psixotrop maddələrin qaçaqmalçılıq yolu ilə ölkəyə gətirilməsinin qarşısının alınması sahəsində fəaliyyət gücləndirilib, sağlam həyat tərzinin təbliği və narkomanlığın zərəri ilə bağlı sosial maarifləndirmə işi, o cümlədən uşaq və gənclər arasında narkomaniyaya qarşı təbliğat və maarifləndirmə işləri genişləndirilib.</p>
<p>Narkotik vasitələrin, psixotrop maddələrin və onların prekursorlarının məhv edilməsi sahəsində işin daha səmərəli təşkili və müvafiq komissiyaların işinin daha dəqiq tənzimlənməsi və onların regionlarda fəaliyyətinin hüquqi əsaslarının müəyyən edilməsi üçün mövcud normativ hüquqi baza təkmilləşdirilib.</p>
<p>Göstərilən istiqamətdə fəaliyyətin gücləndirilməsi, yeni üsul və metodların tətbiqi məqsədilə çəkilmiş sənədli və bədii filmlərin, həmçinin maarifləndirici proqramların nümayiş etdirilməsi, sosial şəbəkələrin imkanlarından istifadə edilməklə geniş auditoriya üçün nəzərdə tutulmuş maarifləndirici və təbliğat xarakterli materialların yayılması təşkil edilib.</p>
]]><p>Azərbaycanla hər zaman bir ürək, bir yumruq olacağıq.</p>
<p>AZƏRTAC xəbər verir ki, bu barədə Türkiyənin Milli Müdafiə Nazirliyinin 26 İyun – Azərbaycan Silahlı Qüvvələri Günü münasibətilə yaydığı paylaşımında bildirilib.</p>
<p>Qardaş ölkənin müdafiə qurumu Azərbaycan Silahlı Qüvvələrini yaradılmasının 108-ci ildönümü münasibətilə təbrik edib.</p>
<p>“Qardaş Azərbaycanın təhlükəsizliyi və əmin-amanlığının keşiyində gecə-gündüz dayanan qəhrəman Azərbaycan Silahlı Qüvvələrini salamlayırıq”, – deyə paylaşımda qeyd olunub.</p>
]]><p>Ulu Öndər Heydər Əliyevin əsasını qoyduğu milli ordu quruculuğu siyasəti Azərbaycan Ordusunun inkişafının təməlini təşkil etdi. Bu siyasət nəticəsində peşəkar hərbi məktəblər formalaşdı, vahid komandanlıq sistemi yaradıldı və ordunun döyüş hazırlığı gücləndirildi. Sonrakı illərdə Müzəffər Ali Baş Komandan İlham Əliyevin rəhbərliyi ilə Azərbaycan Ordusu müasir silah və texnika ilə təchiz olundu, peşəkarlığı və döyüş qabiliyyəti daha da artırıldı. Tarixi Zəfər bu inkişafın ən parlaq nəticəsi oldu. Bu gün regionun ən güclü ordularından biri - Azərbaycan Ordusunun yaranması günüdür.</p>
<p>Daha ətraflı AZƏRTAC-ın əməkdaşlarının hazırladığı videoreportajda izləyə bilərsiniz.</p>
]]><p>Avropa İttifaqına Aİ üzv dövlətlər enerji şəbəkələrinin yenilənməsi və iqtisadiyyatın dekarbonizasiyası prosesinin sürətləndirilməsinə yönəlmiş “Avropa enerji şəbəkələri paketi” ilə bağlı ümumi mövqelərini razılaşdırıblar.</p>
<p>AZƏRTAC xəbər verir ki, paket trans-Avropa enerji infrastrukturu (TEN-E) qaydalarının yenilənməsini və icazələrin verilməsi prosedurlarının sadələşdirilməsini nəzərdə tutur. Məqsəd elektrikləşdirməni sürətləndirmək, enerji infrastrukturunu genişləndirmək və daha dayanıqlı enerji sistemi formalaşdırmaqdır.</p>
<p>Sənədə əsasən, elektrik enerjisi, hidrogen və qaz sektorları üzrə şəbəkələrin inkişafı vahid planlaşdırma çərçivəsində həyata keçiriləcək. Avropa Komissiyası üzv dövlətlər və maraqlı tərəflərin iştirakı ilə enerji infrastrukturunda uzunmüddətli çatışmazlıq və məhdudiyyətləri müəyyən etmək üçün ümumi ssenari hazırlayacaq.</p>
<p>Yeni qaydalara görə, elektrik şəbəkələrində ötürmə məhdudiyyətləri nəticəsində formalaşan və istifadə olunmayan vəsaitlərin bir hissəsi sərhədlərarası enerji layihələrinin maliyyələşdirilməsinə yönəldiləcək. Bu vəsaitlərin ayrılması 2028-ci ildən başlayaraq hər il 5 faiz artırılacaq və 2031-ci ildə 25 faizə çatdırılacaq.</p>
<p>Paket, həmçinin enerji obyektlərinin icazələndirilməsi prosesinin sürətləndirilməsini, rəqəmsal müraciət sistemlərinin tətbiqini və bərpaolunan enerji layihələrinin ictimai maraq daşıyan prioritet layihələr kimi qiymətləndirilməsini nəzərdə tutur.</p>
<p>Sənədin qüvvəyə minməsi üçün növbəti mərhələdə Aİ Şurası ilə Avropa Parlamenti arasında danışıqlar aparılacaq. Yekun razılaşmanın il ərzində əldə olunması hədəflənir.</p>
]]><p>İyunun 26-da Azərbaycan xarici işlər naziri Ceyhun Bayramov ilə İtaliya Baş nazirinin müavini, xarici işlər və beynəlxalq əməkdaşlıq naziri Antonio Tayani arasında telefon danışığı aparılıb.</p>
<p>Bu barədə AZƏRTAC-a Xarici İşlər Nazirliyindən məlumat verilib.</p>
<p>Bildirilib ki, telefon danışığı zamanı Azərbaycan-İtaliya strateji tərəfdaşlıq münasibətlərinin cari vəziyyəti və inkişaf perspektivləri müzakirə olunub.</p>
<p>Nazirlər iki ölkə arasında yüksək səviyyəli siyasi dialoqun intensiv xarakter aldığını məmnunluqla qeyd ediblər. Bu çərçivədə ötən ilin payızında İtaliya Prezidenti Sercio Mattarellanın Azərbaycana dövlət səfərinin, cari ilin yanvar ayında İqtisadi Əməkdaşlıq üzrə Hökumətlərarası Komissiyanın iclasının, habelə may ayında İtaliya Nazirlər Şurasının sədri Corcia Meloninin Azərbaycana səfərinin Azərbaycan-İtaliya münasibətlərinin strateji mahiyyətini və qarşılıqlı etimada əsaslanan əməkdaşlığın dinamik inkişafını nümayiş etdirdiyi vurğulanıb.</p>
<p>Tərəflər qarşıdan gələn dövrdə də siyasi dialoqun və qarşılıqlı səfərlərin davam etdirilməsinin, iqtisadi-ticarət, enerji, nəqliyyat, sənaye, investisiya, təhsil və digər istiqamətlərdə əməkdaşlığın daha da genişləndirilməsinin əhəmiyyətini qeyd ediblər. Bu çərçivədə, cari ilin payızında keçirilməsi nəzərdə tutulan Azərbaycan-İtaliya Biznes Forumunun ikitərəfli iqtisadi tərəfdaşlığın dərinləşdirilməsi baxımından mühüm platforma olacağı bildirilib.</p>
<p>Nazirlər cari ilin sentyabr ayında “The European House – Ambrosetti” ilə tərəfdaşlıq çərçivəsində təşkil olunacaq konfransın Azərbaycan-İtaliya iqtisadi və siyasi dialoqunun inkişafı baxımından əhəmiyyətini vurğulayıblar.</p>
<p>Tərəflər enerji sahəsində uğurlu əməkdaşlığı məmnunluqla qeyd edərək, SOCAR ilə İtaliyanın Italiana Petroli (IP) şirkəti arasında əməkdaşlığın, şirkətin satın alınmasının ikitərəfli iqtisadi münasibətlərin mühüm istiqamətlərindən biri olduğunu vurğulayıblar. İqtisadi sahədə qarşılıqlı faydalı layihələrin genişləndirilməsi və yeni əməkdaşlıq imkanlarının araşdırılmasının əhəmiyyəti qeyd edilib.</p>
<p>Telefon danışığı zamanı həmçinin bölgədə postmünaqişə dövründə sülh gündəliyi, Yaxın Şərqdə vəziyyət və digər regional təhlükəsizlik məsələləri ətrafında da fikir mübadiləsi aparılıb.</p>
]]>
