Yaponiyanın Nüvə Tənzimləmə Orqanı “Tokyo Electric Power Co” (TEPCO) şirkətinin "Fukuşima Dayiçi" və "Fukuşima Daini" atom elektrik stansiyalarında antiterror məlumatlarının saxlanılması zamanı təhlükəsizlik qüsurları aşkarlayıb.

AZƏRTAC Kyodo agentliyinə istinadla xəbər verir ki, yoxlamalar zamanı ciddi mühafizə altında saxlanılmalı olan məxfi sənədlərin ortaq kompüter qovluqlarında yerləşdirildiyi müəyyən olunub.

Nüvə Tənzimləmə Orqanı məxfi məlumatların kənara sızmasının qeydə alınmadığını bildirib. Hazırda qüsurların səbəbləri araşdırılır.

Qeyd edək ki, bundan əvvəl TEPCO-nun Kaşivazaki-Kariva Atom Elektrik Stansiyasında da oxşar təhlükəsizlik pozuntuları aşkarlanmışdı.