“Milli komandamız çox vacib oyunlara çıxacaq. Xüsusilə Estoniya yığması ilə matçdan müsbət nəticə gözləyirik”.

Bu sözləri AFFA-nın vitse-prezidenti Vaqif Sadıqov Azərbaycan millisinin AVRO-2024-ün seçmə mərhələsində Estoniya və Avstriya yığmalarına qarşı keçirəcəyi oyunlar barədə danışarkən deyib.

Funksioner bildirib ki, hər şey futbolçuların öz əlindədir: “Arzulayıram ki, millimiz yaxşı əhvali-ruhiyyə ilə Vətənə qayıdandan sonra Avstriya yığmasına qarşı da güclü mübarizə aparsın. Futbolçularımıza həmişə dediyim bir söz var: ya ümidsizsiniz, ya da ümid sizsiniz. Bu cümlənin anlamını komandanın bütün üzvləri dərk etməlidirlər. Hər şey oyunçuların öz əllərindədir”.

Qeyd edək ki, oktyabrın 13-də səfərdə Estoniyanın qonağı olacaq Azərbaycan millisi bundan üç gün sonra Bakıda Avstriya yığmasını qəbul edəcək.